Flestir Reyk­vík­ingar sem taka afstöðu til þess hver eigi að vera næsti borg­ar­stjóri nefnd Dag B. Egg­erts­son, núver­andi borg­ar­stjóra og odd­vita Sam­fylk­ing­ar­inn­ar. Alls telja 34 pró­sent að hann eigi áfram að sitja í emb­ætt­in­u. 

Þetta kemur fram í könnun Pró­sents fyrir Frétta­blaðið sem gerð var 5. til 9. maí en nið­ur­stöður hennar voru birtar í dag. Það er hærra hlut­fall en nefndi Dag í könnun fyr­ir­tæk­is­ins sem birt var 28. apr­íl, en þá naut Dagur stuðn­ings 30 pró­sent aðspurðra í borg­ar­stjóra­stól­inn. 

Dagur nýtur mest stuðn­ings í mið­borg­inni, þar sem 59 pró­sent aðspurðra vilja hann áfram sem borg­ar­stjóra, en hann leiðir í flestum hverfum borg­ar­inn­ar. Frá­vikin eru að Kol­brún Bald­urs­dótt­ir, odd­viti Flokks fólks­ins, leiðir í Breið­holt­inu með 25 pró­senta fylgi og Hildur Björns­dótt­ir, odd­viti Sjálf­stæð­is­flokks, í Graf­ar­vogi með 24 pró­sent. Fleiri vilja sjá Dag sem borg­ar­stjóra en ætla sér að kjósa Sam­fylk­ing­una.

Færri nefna Hildi þó heilt yfir sem æski­legan næsta borg­ar­stjóra nú en í lok apr­íl. Þá sögðu 19 pró­sent að þeir vilji fá hana í emb­ættið en nú nefna 16 pró­sent Hildi. Það er svipað hlut­fall og vill sjá Einar Þor­steins­son, odd­vita Fram­sókn­ar­flokks­ins, sem borg­ar­stjóra en hann nýtur stuðn­ings 15 pró­sent aðspurðra sem taka afstöðu. Aðrir sem mæl­ast með yfir tíu pró­sent stuðn­ing í starf borg­ar­stjóra eru Dóra Björt Guð­jóns­dótt­ir, odd­viti Pírata (ell­efu pró­sent), og Sanna Magda­lena Mörtu­döttir (tíu pró­sent). 

Könn­unin var net­könnun gerð 5. til 9. maí. Úr­­tak var 1.750 ein­stak­lingar og svar­hlut­­fallið 50,4 pró­sent.

Meiri­hlut­inn bætir við sig sam­kvæmt nýj­ustu kosn­inga­spá

Sam­kvæmt nýj­ustu kosn­inga­spá Kjarn­ans og Dr. Bald­urs Héð­ins­sonar stærð­fræð­ings heldur meiri­hlut­inn í Reykja­vík velli og Sam­fylk­ingin verður stærsti flokk­ur­inn í Reykja­vík á ný eftir kosn­ing­arnar sem fara fram næst­kom­andi laug­ar­dag. Fylgi hennar mælist 24,8 pró­sent sem myndi skila sex borg­ar­full­trú­um.

P­íratar mæl­ast með 16,3 pró­sent fylgi sem myndi skila þeim fjórum borg­ar­full­trú­um. Við­reisn fengi 7,4 pró­sent fylgi og héldi sínum tveimur full­trúum og Vinstri græn 6,1 pró­sent, sem skilar Líf Magneu­dótt­ur, odd­vita flokks­ins, að óbreyttu einni í borg­ar­stjórn. Meiri­hlut­inn virð­ist því, sam­kvæmt gerðum könn­un­um, ætla að bæta við sig fylgi frá kosn­ing­unum 2018 og fá 13 borg­ar­full­trúa, sem er einum fleiri en hann fékk í síð­ustu kosn­ing­um.

Sjálf­stæð­is­flokk­ur­inn, sem fékk 30,8 pró­sent atkvæða fyrir fjórum árum, stefnir í afhroð en fylgi hans mælist 18,8 pró­sent. Það myndi skila fimm borg­ar­full­trúum í stað þeirra átta sem flokk­ur­inn hefur í dag. Verði þetta nið­ur­staðan mun Sjálf­stæð­is­flokk­ur­inn fá sína verstu nið­ur­stöðu í höf­uð­borg­inni í sögu flokks­ins. 

Fram­sókn­ar­flokk­ur­inn er sá flokkur sem bætir mestu við sig. Hann mælist með 12,4 pró­sent fylgi og næði inn þremur borg­ar­full­trúum að óbreyttu, en flokk­ur­inn hefur engan sem stend­ur. Sós­í­alista­flokk­ur­inn og Flokkur fólks­ins myndu halda sitt­hvorum borg­ar­full­trú­anum sín­um.