„Þetta er atburð­ar­ráðs sem er lyg­inni lík­ust og sýnir ótrú­legan skort á sjálfs­trausti hjá rík­is­stjórnni í þessu máli,“ segir Árni Páll Árna­son, for­maður Sam­fylk­ing­ar­inn­ar, um þá ákvörðun rík­is­stjórn­ar­innar að slíta við­ræðum við Evr­ópu­sam­bandið án þess að þau slit hafi fengið þing­lega með­ferð. „Að hún skuli í laumu­spili reyna að breyta nið­ur­stöðu Alþingis án þess að spyrja þingið sjálft er ótrú­legt, en það er vegna þess að rík­is­stjórnin ótt­ast við­brögð þings og þjóð­ar.“

Gunnar Bragi Sveins­son utan­rík­is­ráð­herra afhenti nú rétt klukkan sex að íslenskum tíma for­manni Evr­ópu­sam­bands­ins, sem er utan­rík­is­ráð­herra Lett­lands, bréf um að rík­is­stjórn Íslands líti ekki lengur svo á að Íslands sé í hópi umsókn­ar­ríkja og að hún fari þess á leit við sam­bandið að það taki mið af því hér eft­ir.

Árni Páll seg­ist fyrst hafa heyrt af til­lög­unni í fréttum RÚV klukkan sex. „Þetta er til­laga sem hefur ekk­ert þjóð­rétt­ar­legt gildi og er ekki annað en nið­ur­staða úr kaffi­spjalli nokk­urra manna sem allir vissu fyrir að hafa ætlað sér að hafa þjóð­ar­viljan í þessu máli að engu. Alþingi gaf umboð til við­ræðna og Alþingi þarf að aft­ur­kalla það umboð til að Ísland telj­ist ekki lengur umsókn­ar­ríki. Þarna er líka verið að virða að vettugi þá skýru laga­skyldu um að það verði að hafa sam­ráð við utan­rík­is­mála­nefnd varð­andi allar meiri­háttar ákvarð­anir í utan­rík­is­mál­um. Þeir telja þá lík­leg­ast að þetta sé ekki meiri­háttar ákvörð­un.“