Drög að Brexit-samningi í höfn: Hvað gerist næst?

Samninganefndir Bretlands og Evrópusambandsins hafa samþykkt drög að samningi um útgöngu Breta úr sambandinu. Tillagan verður lögð fyrir ráðherra bresku ríkisstjórnarinnar til samþykktar í dag en mikil óvissa ríkir um hver niðurstaðan verður.

Brexit
Auglýsing

Ráð­herrar bresku rík­is­stjórn­ar­innar voru boð­aðir á fund í Down­ings­stræti klukkan tvö í dag til að ræða drög að Brex­it-­samn­ingnum en til­kynnt var í gær að drögin lægu fyr­ir­. Ther­esa May for­sæt­is­ráð­herra Breta von­ast eftir því að ráð­herr­arnir lýsi yfir stuðn­ingi sínum við drögin en hún þarfn­ast stuðn­ings þeirra til að geta lagt samn­ing­inn fyrir breska þing­ið. Frá þessu er greint á BBC.

Unnið hefur verið að samn­ingnum í yfir ár en í drög­unum er fjallað um hvernig útgöngu Breta úr Evr­ópu­sam­band­inu verður hátt­að. Samn­ings­drög­in eru því lyk­i­lá­fangi í samn­inga­við­ræð­un­um. Helsta ágrein­ing­ar­efnið í samn­inga­við­ræð­unum við ESB hefur verið um hvernig landa­mærum Írlands, sem er í Evr­ópu­sam­band­inu, við Norð­ur­-Ír­land, sem er hluti Bret­lands, verði háttað eftir útgöng­una. 



Bæði Bretar og Evr­ópu­sam­bandið vilja forð­ast í lengstu lög að koma upp sjá­an­legu landamæra­eft­ir­liti þar. En sam­kvæmt írska rík­is­út­varp­inu munu Norð­ur­-Írar þurfa að halda í stærri hluta af reglu­verki innri mark­aðar og tolla­banda­lags ESB en önnur svæði Bret­lands til þess að koma í veg fyrir sýni­lega landamæra­gæslu á milli Norð­ur­-Ír­lands og Írlands.

Auglýsing

Sam­kvæmt BBC eru samn­ings­drög­in um 500 blað­síður en stefnt er að því að samn­ing­ur­inn verði birtur bráð­lega ef rík­is­stjórnin sam­þykkir hann. Ráð­herrar flykkt­ust á Down­ings­stræti í gær til að líta yfir samn­ing­inn og fund­uðu einn af öðrum með for­sæt­is­ráð­herr­an­um. Ther­esa May ­full­yrti á breska þing­inu í dag að samn­ings­drög­in um út­­göngu Breta úr Evr­­ópu­­sam­­band­inu byggi al­farið á nið­ur­­­stöðu þjóð­ar­­at­­kvæða­greiðsl­unn­ar 2016 og hún full­yrðir að hann sé besti mögu­legi samn­ing­ur­inn sem Bretum mun standa til boða.

Samn­ings­drög­in þurfa fyrst að vera sam­þykkt af bresku rík­­is­­stjórn­­inni. Ef það gengur síðan eftir þá þarf breska þingið að sam­þykkja samn­ing­inn og að lokum öll aðild­ar­rík­in. Ef rík­is­stjórnin sam­þykkir samn­ing­inn þá verður hald­inn leið­toga­fundur í Evr­ópu­sam­band­inu seinna í þessum mán­uði til að full­klára hann áður en samn­ing­ur­inn verður lagður fyrir breska þingið fyrir jól.

Óvíst hvort samn­ing­ur­inn verði sam­þykktur

Óvíst er hins vegar hvort May hafi stuðn­ing rík­is­stjórn­ar­innar en við­brögð ráð­herra við tíð­ind­unum hafa verið mis­jöfn, sam­kvæmt frétta­stofu BBC. Mögu­legt er að fleiri ráð­herrar munu segja af sér emb­ættum til að mót­mæla samn­ingnum en Jo Johns­son sagði af sér ráð­herra­emb­ætt­inu síð­ast­lið­inn föstu­dag vegna óánægju með áform May varð­andi Brex­it. 

Jef­frey Don­ald­son, þing­maður norð­ur­-írska DUP-­flokks­ins sem ver rík­is­stjórn Íhalds­flokks­ins van­trausti, segir í sam­tali við BBC að erfitt verði að koma þessu sam­komu­lagi í gegnum þing­ið. Jer­emy Cor­byn for­maður Verka­manna­flokks­ins segir samn­ings­drögin slæm og May sé að leggja fram „falskan“ val­kost fyrir þing­ið. Innan Íhalds­flokks­ins eru einnig ýmsir ósátt­ir, einkum harð­asti Brex­it-­vængur flokks­ins en sam­kvæmt þeim er samn­ing­ur­inn ekki sú útganga úr Evr­ópu­sam­band­inu sem fólk­inu hafði verið lof­að. Jac­ob Rees-Mogg, einn helsti stuðn­ings­­­mað­ur­ Brex­it, lýsir því yfir að hann sé svo óánægður með drög­in að hann gæti hætt að styðja May. Þá hef­ur Boris John­son, fyrr­ver­andi ut­an­­rík­­is­ráð­herra Bret­lands og nú­ver­andi þing­mað­ur, sagt að hann muni ekki sam­þykkja drög­in og að rík­­is­­stjórn May hafi mis­tek­ist að verja Bret­land. Frá þessu er greint í frétt BBC.

Julian Smith, þing­flokks­for­maður Íhalds­manna sem sér um að smala saman atkvæðum Íhalds­flokks­ins á þing­i, hef­ur hins veg­ar sagt að hann sé sann­­færður um að samn­ings­drög­in muni kom­­ast í gegn­um þing­ið. 



Hvað ger­ist ef rík­is­stjórnin sam­þykkir drög­in?

Jafn­vel þó Ther­esa May fái blessun rík­is­stjórn­ar­innar þá er ljóst að slag­ur­inn um að fá samn­ing­inn sam­þykktan í breska þing­inu verði erf­ið­ur. For­sæt­is­ráð­herr­ann hefur ekki meiri­hluta þing­manna í neðri deild þings­ins með sér í liði. Þing­menn Verka­manna­flokks­ins sem og ann­arra stjórn­ar­and­stöðu­flokka hafa nú þegar lýst yfir að þeir séu fullir efa­semda um samn­ing­inn eða hafa lýst yfir and­stöðu gegn hon­um. 

Sam­kvæmt heim­ild­ar­mönnum BBC er eini mögu­leik­inn fyrir Ther­esu May til að fá samn­ing­inn sam­þykktan í þing­inu að kynna hann sem eina mögu­lega samn­ing­inn fyrir Bret­land í von um að fá þá sem eru tví­stíg­andi með sér í lið. Sam­kvæmt heim­ildum BBC eru nokkrir þing­menn Verka­manna­flokks­ins og Íhalds­flokks­ins að reyna að sjá til þess að einnig verði kosið um aðra mögu­leika í þing­inu.

Breska þingið. (Mynd: Breska þingið á Flickr)Ef þingið sam­þykkir ekki samn­ing­inn þá er óvíst hvað muni ger­ast næst. Sam­kvæmt BBC er mögu­leiki á því að May reyni að end­ur­semja um nýjan samn­ing við Evr­ópu­sam­band­ið. Lík­legt þykir að tími hennar sem for­sæt­is­ráð­herra sé á enda ef ekki næst sátt við breska þing­ið, hvort sem það sé með nýrri kosn­ingu eða að nýr for­sæt­is­ráð­herra verði val­inn. Haft er eftir heim­ild­ar­mönnum BBC að mögu­leiki sé á því að hún muni kalla eftir nýrri þjóð­ar­at­kvæða­greiðslu en for­sæt­is­ráð­herr­ann hefur margoft sagt að sá mögu­leiki sé ekki fyrir hendi.

Full­trúar ríkja Evr­ópu­sam­bands­ins þurfa sömu­leiðis að sam­þykkja drögin en ­sam­kvæmt heim­ild­ar­mönn­um BBC munu sendi­herrar aðild­ar­ríkj­anna 27 koma saman í Brus­sel í dag til að ræða drög­in. Stefn­t er að því að halda leið­toga­fund í lok mán­að­ar­­ins þar sem skrifað verður und­ir samn­ings­drög­in ef rík­is­stjórnin sam­þykkir drög­in. Á þeim fundi á einnig að ræða hvernig sam­­skipt­um Bret­lands og ESB verður háttað eft­ir út­­göngu Bret­lands úr Evr­­ópu­­sam­­band­inu, sem áætluð er 29. mars á næsta ári en gert er ráð fyrir 21 mán­aða aðlög­un­ar­tíma­bili eftir það. 

Hér má fylgj­­ast með beinni lýs­ingu breska rík­­is­út­­varps­ins frá fram­vindu Brex­it-við­ræðn­anna í dag.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Vilhjálmur Birgisson, formaður Starfsgreinsambands Íslands.
Vörn Vilhjálms: „Dapur að sjá fólk sem ég taldi vini stinga mig í bakið“
„Ef fólk heldur að það sé auðvelt að semja við Halldór Benjamín og hans fólk þá veður fólk villu vegar,“ segir Vilhjálmur Birgisson, formaður Starfsgreinasambandsins sem svarar fullum hálsi gagnrýni formanns Eflingar á nýjan samning við SA.
Kjarninn 4. desember 2022
Spilamiðstöð sem eflir félagsleg tengsl og sköpunarkraft
Framkvæmdaglaðir Norðlendingar safna fyrir rekstri spilasalarins Goblin á Akureyri þar sem þau vilja bjóða upp á aðstöðu fyrir skapandi spilamennsku þar sem lögð er áhersla á skjálausa skemmtun.
Kjarninn 4. desember 2022
Signý Sigurðardóttir
Vinnumarkaður hins sterka
Kjarninn 4. desember 2022
Fólk sem ann Siglunesi
Áfram Siglunes – ævintýrið er þarna úti!
Kjarninn 4. desember 2022
Stefán Jón Hafstein
Árásin á vistkerfin
Kjarninn 4. desember 2022
Sigurður Ingi Friðleifsson, sviðsstjóri loftslagsmála, orkuskipta og nýsköpunar hjá Orkustofnun
Loftslagsmarkmið Íslands nást með „norsku leiðinni“
Markmið um samdrátt í losun frá vegasamgöngum á Íslandi nást ef við förum sömu leið og Norðmenn þegar kemur að rafbílavæðingu. „Við státum okkur af silfurverðlaunum, sem ég er orðinn hundleiður á,“ segir sviðsstjóri loftslagsmála hjá Orkustofnun.
Kjarninn 4. desember 2022
Fjölskyldustund í uppnámi?
Í 31 ár hafa danskar fjölskyldur sest saman við sjónvarpið á föstudagskvöldum og horft á dagskrárliðinn Disney Sjov og borðað vikuskammtinn af sælgæti. Nú hverfa Disney myndirnar af skjánum en nýr þáttur kemur í staðinn. Ekki eru allir jafn spenntir.
Kjarninn 4. desember 2022
Frá undirritun samninganna í dag.
Samningar SGS og SA í höfn: Kauptaxtar hækka um að lágmarki 35 þúsund
Kauptaxtar hækka frá 1. nóvember í ár um að lágmarki 35.000 krónur á mánuði. Hagvaxtarauka sem átti að koma til greiðslu 1. maí verður flýtt. Samningar hafa náðst milli Starfsgreinasambandsins og Samtaka atvinnulífsins.
Kjarninn 3. desember 2022
Meira úr sama flokkiFréttaskýringar