Spornað gegn viðskiptum með pyntingatól

Verslun með varning til pyntinga fer fram út um allan heim og hefur alþjóðabandalagi um pyntingalaus viðskipti verið hleypt af stokkunum vegna þess. Ísland hefur nú gerst aðili að bandalaginu.

Einar Gunnarsson
Einar Gunnarsson
Auglýsing

Nú hafa 58 lönd, að Íslandi með­töldu, tekið höndum saman til að stöðva við­skipti með varn­ing sem nýttur er til pynt­inga og dauða­refs­inga. Þetta kemur fram í til­kynn­ingu frá fram­kvæmda­stjórn Evr­ópu­sam­bands­ins. 

Alþjóða­banda­lagi um pynt­inga­laus við­skipti hefur verið hleypt af stokk­un­um. Ísland gerð­ist aðili að banda­lag­inu þann 18. sept­em­ber með þátt­töku Ein­ars Gunn­ars­sonar sendi­herra. Þetta sam­eig­in­lega átak Evr­ópu­sam­bands­ins, Argent­ínu og Mongól­íu, með aðild alls 58 landa, miðar að því að stöðva við­skipti með varn­ing sem beitt er við dauða­refs­ingar og pynt­ing­ar.

Í til­kynn­ing­unni kemur fram að sam­kvæmt alþjóða­lögum séu pynt­ingar bann­aðar undir öll­um kring­um­stæð­um. Þrátt fyrir það fari fram verslun um allan heim með búnað sem er til þess eins að valda kvölum og dauða. Til slíks bún­að­ar telj­ast gadda­kylf­ur, raf­losts­belti, griparmar sem veita raf­lost, efna­sam­bönd sem notuð eru við aftökur og til­heyr­andi bún­aður til þving­aðrar lyfja­gjaf­ar.

Auglýsing

Gleði­efni að svo mörg lönd taki þátt

Cecilia Malm­ström, við­skipta­stjóri Evr­ópu­sam­bands­ins, segir að þessar vörur þjóni engum til­gangi öðrum en að valda skelfi­leg­um sárs­auka og drepa fólk. „Við ættum aldrei að heim­ila verslun með þær eins og hvern annan varn­ing. Nú grípum við til áþreif­an­legra aðgerða til að stöðva þessi fyr­ir­lit­legu við­skipt­i. 

Ég hef margoft hitt þolendur pynt­inga – flótta­fólk, sam­visku­fanga, fanga sem bíða dauða­refs­ing­ar. Ég er sann­færð um að nýta megi við­skipta­stefnur landa til að styrkja mann­rétt­indi um allan heim. Því er mér það mikið gleði­efni að svo mörg lönd skuli taka þátt í yfir­lýs­ing­unni og ganga til liðs við banda­lag­ið,“ segir hann.

Dæmi um pyntingartól

Vilja stýra og tak­marka útflutn­ing

Á setn­ing­ar­at­höfn­inni lögð­ust 58 lönd um allan heim á eitt, í Afr­ík­u, Amer­íku, Evr­ópu og Asíu, með sam­eig­in­legri póli­tískri yfir­lýs­ingu. Með því að und­ir­rita hana hafa löndin sem eiga aðild að banda­lag­inu sam­þykkt aðgerðir í fjórum lið­u­m. 

Í fyrsta lagi ætla löndin að beita úrræðum til stýr­ingar og tak­mörk­unar útflutn­ings á vörum sem þess­um. Í öðru lagi að veita toll­yf­ir­völdum við­eig­andi við­búnað en banda­lagið mun koma á lagg­irnar vett­vangi til að fylgj­ast með við­skiptaflæð­i, skipt­ast á upp­lýs­ingum og bera kennsl á nýjar vör­ur. Í þriðja lagi að bjóða löndum heims tækni­legan stuðn­ing við setn­ingu og fram­kvæmd laga til að banna þessi við­skipti. Og í fjórða og síð­asta lagi að skipt­ast á aðferðum við skil­virka, kerf­is­bundna stýr­ingu og fram­fylgd.

Hertar reglur hefta aðgang að hættu­legum varn­ingi

Enn­fremur kemur fram í til­kynn­ing­unni að ströng lög­gjöf Evr­ópu­sam­bands­ins um við­skipti með vörur sem nýttar eru til pynt­inga og dauða­refs­ingar hafi þegar skilað árangri. Hún bann­ar útflutn­ing á slíkum vörum, ásamt vöru­flutn­ingi þeim tengd­um, kynn­ing­u, miðl­un­ar­þjón­ustu og ýmissi aðstoð, og felur í sér flýti­með­ferð til að banna nýjar slíkar vörur á mark­aðn­um. Það er meðal ann­ars fyr­ir til­stilli þess­ara hertu reglna sem erf­ið­ara hefur orðið að nálgast, og dýr­ara að kaupa, ban­væn spraut­ulyf. 

Hins vegar leggja fram­leið­endur og sölu­að­ilar slíks varn­ings sig fram við að sneiða hjá lög­un­um. Af þeim sökum verður við­leitnin til að binda endi á við­skiptin því árang­urs­rík­ari sem fleiri lönd banna þau. Banda­lag um pynt­inga­laus við­skipti er aðferð til að taka ákveðin skref til að stöðva versl­un með þennan varn­ing á alþjóða­vett­vangi og gera umtals­vert tor­sótt­ara að nálg­ast hann.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hallgrímskirkja
„Við eigum sögu sem við þurfum heldur betur að læra af“
Sam­skipta­stjóri Bisk­ups­stofu segir að það sé skylda kirkj­unnar að læra af sögu hennar er varðar við­brögð við kyn­ferð­is­legri áreitni og ofbeldi. Ein formleg ásökun hefur borist á borð Biskupsstofu frá því Agnes M. Sigurðar­dóttir tók við embætti.
Kjarninn 22. október 2021
Kristinn Ágúst Friðfinnsson prestur hefur lagt róttæka tillögu fyrir kirkjuþing.
Fulltrúar almennings verði valdir handahófskennt til setu á kirkjuþingi
Prestur og sáttamiðlari hefur lagt fram róttæka tillögu til kirkjuþings þess efnis að fulltrúar almennra meðlima Þjóðkirkjunnar, sem eru í meirihluta á þinginu, verði valdir af handahófi. Hann segir biskupi Íslands þykja hugmynd sín skemmtileg.
Kjarninn 22. október 2021
Vinna hafin við að bregðast við ábendingum um aðgengi fatlaðra kjósenda
Yfirkjörstjórn í Reykjavík suður telur að aðbúnaður kjósenda með fötlun hafi í hvívetna verið í samræmi við lög, en ekki hafinn yfir gagnrýni. Yfirkjörstjórnin telur þó að fötluðum hafi ekki verið kerfisbundið mismunað, eins og einn kjósandi sagði í kæru.
Kjarninn 21. október 2021
Arnaldur Árnason
Eru aðgerðir á landamærum skynsamlegar?
Kjarninn 21. október 2021
Kostnaður umfram spár, en eiginfjárstaða betri en á horfðist
Mikið þarf til að tekju- og kostnaðaráætlanir Icelandair fyrir árið 2021 haldist, en rekstrarkostnaður félagsins var töluvert hærri en það gerði ráð fyrir í hlutafjárútboðinu sínu. Þó er lausafjárstaða flugfélagsins betri en búist var við.
Kjarninn 21. október 2021
Eyþór Arnalds, oddviti Sjálfstæðisflokksins í borgarstjórn Reykjavíkur.
Sjálfstæðismenn reyndu að fá Laugardals-smáhýsin færð út í Örfirisey
Borgarfulltrúar Sjálfstæðisflokksins lögðu fram tillögu um það á borgarstjórnarfundi í vikunni að smáhýsi sem samþykkt hefur verið að setja niður á auðu svæði í Laugardal yrðu frekar sett upp í Örfirisey.
Kjarninn 21. október 2021
Sigmundur Davíð Gunnlaugsson formaður og annar tveggja þingmanna Miðflokksins.
Miðflokkurinn mælist með 3,2 prósent í fyrstu könnun eftir kosningar
Fylgi Framsóknarflokksins mælist yfir kjörfylgi í nýrri könnun frá MMR, sem er sú fyrsta frá kosningum. Píratar og Viðreisn bæta nokkuð við sig frá kosningum – og sömuleiðis Sósíalistaflokkur Íslands. Miðflokkurinn hins vegar mælist afar lítill.
Kjarninn 21. október 2021
Ósamræmi í frásögnum yfirkjörstjórnarmanna í Norðvesturkjördæmi
Yfirkjörstjórnarmenn í Norðvesturkjördæmi eru ekki sammála um hvort umræða hafi farið fram innan kjörstjórnar um þá ákvörðun að telja aftur atkvæðin í kjördæminu eftir hádegi sunnudaginn 26. september.
Kjarninn 21. október 2021
Meira úr sama flokkiErlent