Erdogan hótar að opna upp á gátt landamærin inn til Evrópu

Forseti Tyrklands hótaði í dag að opna landamærin inn til Evrópu og hleypa þangað straumi flóttamanna. Um 2,5 milljónir flóttamanna eru í Tyrklandi.

Tayyip Erdogan
Auglýsing

Erdogan, for­seti Tyrk­lands, seg­ist til­bú­inn að heim­ila dauða­refs­ingar ef frum­varp þess efnis verður sam­þykkt. Evr­ópu­sam­bandið leggst harð­lega gegn dauðrefs­ingum og er litið á þetta stefnu­mál Erdog­ans sem ögrun við helstu þjóð­ar­leið­toga Evr­ópu­sam­bands­ríkj­anna. 

Þá hefur Erdogan einnig hótað því að senda mörg hund­ruð þús­und flótta­menn til Evr­ópu. „Hlustið á mig: landa­mærin verða opnuð ef þið gangið lengra,“ sagði Erdogan í dag, beindi orðum sínum að leið­togum Evr­ópu­sam­bands­ríkja.

Erdogan telur Evr­ópu­sam­bandið hafa svikið sam­komu­lagið frá því í mars, sem mið­aði að því að ná saman um leiðir til vinna gegn miklum vanda flótta­manna frá stríðs­hrjáðum svæðum í nágrenni Tyrk­lands. 

Auglýsing

Tals­kona Ang­elu Merkel, kansl­ara Þýska­lands, lét hafa eftir sér í dag að sam­komu­lagið frá því í mars hefði verið mik­il­vægt fyrir alla sem aðild áttu að því. Hót­anir væru ekki hjálp­leg­ar.

Um 2,5 millj­ónir flótta­manna eru í Tyrk­landi, flestir í flótta­manna­búð­um. Stærsti hóp­ur­inn kemur frá Sýr­landi. Af um 22 millj­óna heildar­í­búa­fjölda í Sýr­landi, miðað við tölur árið 2011, er talið að 12 millj­ónir séu á flótta, ýmist innan lands­ins eða utan. Flestir flótta­menn sem reyna að flýja til Evr­ópu fara í gegnum Tyrk­land. 

Frá þessu grein­ir breska rík­is­út­varpið BBC. Erdogan hefur látið fang­elsa mörg þús­und opin­bera starfs­menn, þar á meðal kenn­ara, pró­fess­ora og dóm­ara. Þá hafa meira en 150 blaða­menn verið hand­tekn­ir. Engar fréttir hafa borist af aðbún­aði þeirra sem hafa verið hand­tekn­ir, en Erdogan og ráða­menn undir hans stjórn hafa neitað að veita mann­rétt­inda­sam­tökum upp­lýs­ing­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiErlent
None