Ásdís Krist­jáns­dótt­ir, odd­viti Sjálf­stæð­is­flokks­ins í Kópa­vogi, verður nýr bæj­ar­stjóri Kópa­vogs. Sjálf­stæð­is­flokkur og Fram­sókn­ar­flokkur hafa náð sam­komu­lagi um myndun meiri­hluta í Kópa­vogi og kynntu mál­efna­samn­ing flokk­anna á blaða­manna­fundi á Gerð­ar­safni síð­deg­is.

Meiri­hluti Sjálf­stæð­is­flokks og Fram­sókn­ar­flokk hélt í sveit­ar­stjórn­ar­kosn­ing­unum 14. maí. Sjálf­stæð­is­flokk­ur­inn tap­aði full­trúa en Fram­sókn­ar­flokk­ur­inn bætti við sig ein­um.

Íbúa­hóp­ur­inn Vinir Kópa­vogs kom af krafti inn í kosn­inga­bar­átt­una. Um er að ræða nýtt fram­boð sem hefur m.a. lagt áherslu á breytta skipu­lags­stefnu í bæj­ar­fé­lag­inu. Flokk­ur­inn fékk tvo full­trúa kjörna og mun mynda minni­hluta í bæj­ar­stjórn ásamt full­trúum Við­reisn­ar, Pírata og Sam­fylk­ing­ar, en hver flokkur fékk einn full­trúa kjör­inn. Hvorki Vinstri græn né Mið­flokk­ur­inn náðu kjöri í kosn­ing­unum að þessu sinni.

Orri Hlöðvers­son, odd­viti Fram­sókn­ar­flokks­ins í Kópa­vogi, verður for­maður bæj­ar­ráðs. Emb­ætti for­seta bæj­ar­stjórnar mun skipt­ast á milli flokk­anna og mun full­trúi frá hvorum flokki sinna emb­ætt­inu helm­ing kjör­tíma­bils­ins.

Ásdís tekur við stöðu bæj­ar­stjóra af Ármanni Kr. Ólafs­syni sem hefur verið bæj­ar­stjóri í Kópa­vogi síð­ustu tíu ár. Ármann var fyrst kjör­inn í bæj­ar­stjórn árið 1998 og á að baki um 480 fundi í bæj­ar­stjórn. Í upp­hafi árs til­kynnti hann að hann ætl­aði ekki að sækj­ast eftir end­ur­kjöri í sveit­ar­stjórn­ar­kosn­ing­unum í vor.

Ásdís til­kynnti í lok jan­úar að hún ætl­aði að bjóða sig fram í fyrsta sæti á lista Sjálf­stæð­is­flokks­ins í Kópa­vogi. Hún varð efst í próf­kjöri flokks­ins í mars þar sem hún fékk 1.881 atkvæði í fyrsta sæti. Alls tóku 2,521 þátt í próf­kjör­inu. Ásdís er hag­fræði- og verk­fræði­menntun og hefur starfað sem aðstoð­ar­fram­kvæmda­stjóri frá því í maí 2020. Þar áður var hún for­stöðu­maður efna­hags­sviðs sam­tak­anna.