Ásdís Krist­jáns­dótt­ir, aðstoð­ar­fram­kvæmda­stjóri og for­stöðu­maður efna­hags­sviðs Sam­taka atvinnu­lífs­ins, býður fram í fyrsta sæti á lista Sjálf­stæð­is­flokks­ins í Kópa­vogi í próf­kjöri sem mun fara fram 12. mars næst­kom­andi.

Ármann Kr. Ólafs­son, núver­andi odd­viti Sjálf­stæð­is­flokks­ins og bæj­ar­stjóri í Kópa­vogi frá árinu 2012, til­kynnti nýverið að hann ætlar ekki að sækj­ast eftir end­ur­kjöri í sveit­ar­stjórn­ar­kosn­ing­unum í maí.

Ásdís er hag­fræði- og verk­fræði­mennt­uð. Hún hefur starfað á fjár­mála­mörk­uðum og setið í stjórnum fyr­ir­tækja. „Ég hef í starfi mínu sem aðstoð­ar­fram­kvæmda­stjóri og for­stöðu­maður efna­hags­sviðs Sam­taka atvinnu­lífs­ins lagt ríka áherslu á ábyrgan og skil­virkan rekstur hins opin­bera, þar með talið á sveit­ar­stjórn­ar­stig­in­u,“ segir í yfir­lýs­ingu sem Ásdís sendi frá sér í dag.

„Ábyrgur rekstur er for­senda þess að unnt sé að veita lipra, sveigj­an­lega og góða þjón­ustu sem mætir ólíkum þörfum fólks, en um leið verðum við að leita allra leiða til að stilla gjöldum og álögum á fólk og fyr­ir­tæki í hóf. Við getum styrkt tekju­stofna bæj­ar­fé­lags­ins og fjölgað atvinnu­tæki­færum með því að laða enn frekar til okkar öfl­uga starf­semi fjöl­breyttra fyr­ir­tækja. Til þess þurfum við að tryggja að öll stjórn­sýsla sé skil­virk og snurðu­laus, að erindi séu afgreidd hratt og örugg­lega og leggja áherslu á að spara fólki sporin með staf­rænum lausn­um.

Fram undan eru áhuga­verð upp­bygg­ing­ar­verk­efni í bænum og mik­il­vægt að vanda vel til verka, tryggja sam­stöðu og sátt meðal bæj­ar­búa og hús­næði fyrir fólk á öllum ævi­stig­um. Sam­göngur skipta okkur öll máli, hvort sem við erum gang­andi, á hjóli eða í bíl. Ég vil bættar sam­göngur fyrir fjöl­breyttan lífs­stíl í takt við vax­andi bæ.