Auglýsingasalar RÚV á mun hærri launum að meðaltali en aðrir starfsmenn

RÚV Sala seldi auglýsingar fyrir rúma tvo milljarða í fyrra, sem var um fjórðungi hærri upphæð en árið áður. Starfsmönnum í sölu fjölgaði 2021 á meðan að þeim fækkaði heilt yfir hjá RÚV. Laun í sölu eru að meðaltali 20 prósent hærri en annarra innan RÚV.

RÚV Mynd: RÚV
Auglýsing

RÚV Sala, dótt­ur­fé­lag RÚV sem ber ábyrgð á allri sölu sem rík­is­fjöl­mið­il­inn skil­greinir sem tekju­aflandi sam­keppn­is­rekst­ur, þar með talið aug­lýs­inga­sölu, afl­aði tæp­lega 2,4 millj­arða króna í tekjur í fyrra. Þar af voru 2.206 millj­ónir tekjur af aug­lýs­inga­sölu, sem var 402 millj­ónum krónum meira en RÚV Sala afl­aði með sölu slíkra á árinu 2020. Tekjur RÚV af sölu aug­lýs­inga juk­ust því um næstum 25 pró­sent milli ára. Til sam­an­­burðar má nefna að rekstr­­ar­­styrkir til einka­rek­inna fjöl­miðla, sem úthlutað er árlega, voru tæp­­lega 389 millj­­ónir króna í fyrra. Þeir dreifð­ust á 19 mis­­mun­andi miðla.

Hagn­aður af rekstri RÚV Sölu, það sem sat eftir inni í dótt­ur­fé­lag­inu eftir að það var búið að gjald­færa við­skipti við móð­ur­fé­lag sitt upp á tvo millj­arða króna og greiða laun starfs­manna, var 124 millj­ónir króna á árinu 2021.

Þetta má lesa úr árs­reikn­ingi RÚV Sölu fyrir árið 2021, en félagið tók til starfa í byrjun árs 2020.

Laun sölu­manna rúm­lega 20 pró­sent hærri

Hjá RÚV Sölu voru 16 stöðu­gildi að með­al­tali í fyrra sem höfðu það hlut­verk að afla þess­ara tekna. Kostn­aður vegna heild­ar­launa og líf­eyr­is­sjóðs­greiðslna hjá dótt­ur­fé­lag­inu var alls 227 millj­ónir króna. Það þýðir að með­al­tal kostn­aðar vegna launa og gjalda starfs­manna RÚV Sölu var 1.182 þús­und krónur á mán­uði. Einar Logi Vign­is­son, fram­kvæmda­stjóri RÚV Sölu var með um 1,7 millj­ónir króna í heild­ar­launa­kostnað að með­al­tali. Í árs­lok 2021 hafði starfs­mönnum RÚV Sölu fjölgað um einn í 17.

Auglýsing
Hjá RÚV sam­stæð­unni allri störf­uðu 252 í fyrra og heild­ar­kostn­aður vegna launa og líf­eyr­is­sjóðs­greiðslna var tæp­lega þrír millj­arðar króna á árinu 2021. Þegar kostn­aður við heild­ar­laun og líf­eyr­is­sjóðs­greiðslur starfs­manna RÚV Sölu er dreg­inn frá launa­kostn­aði RÚV-­sam­stæð­unnar er með­al­tals­kostn­aður á hvern eft­ir­stand­andi starfs­mann 975 þús­und krón­ur. Því eru með­al­launa­kostn­aður starfs­manna RÚV Sölu 21 pró­sent hærri en með­al­tal launa­kostn­aðar allra ann­arra starfs­manna RÚV-­sam­stæð­unn­ar.

Þeim launum er þó nokkuð mis­skipt innan RÚV en Stefán Eiríks­son útvarps­stjóri er til að mynda með 2,5 millj­ónir króna í heild­ar­laun og líf­eyr­is­sjóðs­greiðslur í fyrra. Sam­kvæmt sam­an­tekt Frjálsrar versl­unnar um tekjur lands­manna á árinu 2020 voru tólf fjöl­miðla­menn sem starfa innan RÚV með meira en milljón krónur á mán­uði í laun. 

Kostn­anir og dag­skrár­liðir rofnir

Tekjur RÚV voru 7,1 millj­arðar króna í fyrra. Þær eru að upp­i­­­stöðu tvenns­­kon­­ar: tekjur af almanna­­þjón­­ustu sem koma í formi fram­lags úr rík­­is­­sjóði og tekjur af sam­keppn­is­­rekstri. Alls fékk RÚV næstum 4,7 millj­­arða króna úr rík­­is­­sjóði í fyrra sem var ívið minna en þeir 4,9 millj­­arðar sem rík­­is­­fjöl­mið­ill­inn fékk þaðan 2020. Síðan eru áður­nefndar sam­keppn­i­s­tekjur upp á 2,4 millj­arða króna þar sem aug­lýs­inga­salan skiptir mestu.

Til að ná inn þeim rúmu tveimur millj­örðum króna sem RÚV Sala afl­aði í fyrra seldi félagið hefð­bundnar aug­lýs­ingar í aug­lýs­inga­tíma á sjón­varps- og útvarps­stöðvum rík­is­mið­ils­ins, en RÚV má ekki aug­lýsa á net­inu.

Auk þess voru ákveðnir dag­skrár­liðir rofnir með aug­lýs­inga­hléum á síð­asta ári, og eru til­greint í árs­skýrslu RÚV hverjir þeir eru. Um er að ræða Alla leið, Bræðsl­una, Eddu­verð­laun­in, Eurovision, Vik­una með Gísla Mart­eini, Gettu bet­ur, Klassík­ina okk­ar, kosn­inga­sjón­varp­ið, Ólymp­íu­leika, Ólymp­íu­mót fatl­aðra, Reykja­vík­ur­leika, Silfrið, Skrekk, Skóla­hreysti, Söngvakeppn­ina, Söng­keppni fram­halds­skól­anna og Tóna­flóð. 

Þá voru fjöl­margir dag­skrár­liðir kost­aðir á árinu 2021. Þeir eru líka til­greindir í árs­skýrslu RÚV. um er að ræða bik­ar­keppni í hand­bolta, Bik­ar­keppni í körfu­bolta, Bik­ar­keppni í blaki, Ver­búð, Eurovision og Söngvakeppn­in, Hesta­í­þrótt­ir, HM í hand­bolta, HM félags­liða, HM og heims­bik­ar­mót í skíða­í­þrótt­um, HM í íshokkí, Íslands­mótið í fim­leik­um, Íslands­mótið í golfi, Lands­leikir í fót­bolta, Lands­leikir í hand­bolta, Lands­leikir í körfu­bolta, Ófærð, Ólymp­íu­leik­ar, Ólymp­íu­mót fatl­aðra, Reykja­vík­ur­leik­arn­ir, Skóla­hreysti, Tóna­flóð.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Samkeppniseftirlitið ekki haft aðkomu að rannsókn á dótturfélagi Eimskips í Danmörku
Dönsk samkeppnisyfirvöld staðfesta að húsleit hafi farið fram hjá dótturfélagi Eimskips í Danmörku en vilja að öðru leyti ekki tjá sig um rannsókn málsins. Ekki hefur verið óskað eftir aðstoð Samkeppniseftirlitsins hér á landi við rannsóknina.
Kjarninn 24. júní 2022
Þórir Haraldsson er forstjóri Líflands. Félagið flytur inn korn sem það malar í hveiti annars vegar og fóður hins vegar.
Verð á hveiti hækkað um 40 prósent á hálfu ári
Litlar líkur eru á því að hveiti muni skorta hér á landi að sögn forstjóra Líflands en félagið framleiðir hveiti undir merkjum Kornax í einu hveitimyllu landsins. Verð gæti lækkað á næsta ári ef átökin í Úkraínu stöðvast fljótlega.
Kjarninn 24. júní 2022
Lilja D. Alfreðsdóttir, menningar- og viðskiptaráðherra, lagði fram tillögu um skipun starfshópsins sem var samþykkt.
Eru íslensku bankarnir að okra á heimilum landsins?
Starfshópur hefur verið skipaður til að greina hvernig íslenskir bankar haga gjaldtöku sinni, hvernig þeir græða peninga og hvort það sé vísvitandi gert með ógagnsæjum hætti í skjóli fákeppni. Hópurinn á að bera það saman við stöðuna á Norðurlöndum.
Kjarninn 24. júní 2022
Valgerður Jóhannsdóttir og Finnborg Salome Steinþórsdóttir eru höfundar greinarinnar Kynjaslagsíða í fréttum: Um fjölbreytni og lýðræðishlutverk fjölmiðla.
Konur aðeins þriðjungur viðmælanda íslenskra fjölmiðla
Hlutur kvenna í fréttum hér á landi er rýrari en annars staðar á Norðurlöndum. Ekki er afgerandi kynjaskipting eftir málefnasviðum í íslenskum fréttum, ólíkt því sem tíðkast víðast hvar annars staðar.
Kjarninn 24. júní 2022
Seðlabankinn tekur beiðni Kjarnans um „ruslaskistu Seðlabankans“ til efnislegrar meðferðar
Nýlegur úrskurður úrskurðarnefndar um upplýsingamál skikkar Seðlabanka Íslands til að kanna hvort hann hafi gögn um Eignasafn Seðlabanka Íslands undir höndum og leggja í kjölfarið mat á hvort þau gögn séu háð þagnarskyldu.
Kjarninn 24. júní 2022
Tanja Ísfjörð Magnúsdóttir
Af hverju eru svona mörg kynferðisbrotamál felld niður?
Kjarninn 24. júní 2022
Bernhard Esau, fyrrverandi sjávarútvegsráðherra Namibíu, og Þorsteinn Már Baldvinsson hittust nokkrum sinnum. Sá fyrrnefndi hefur verið ákærður í Namibíu og sá síðarnefndi er með stöðu sakbornings í rannsókn á Íslandi.
Fjármagnsskortur stendur ekki í vegi fyrir áframhaldandi rannsókn á Samherja
Útistandandi réttarbeiðni í Namibíu er stærsta hindrun þess að hægt sé að ljúka rannsókn á Samherjamálinu svokallaða. Skortur á fjármunum er ekki ástæða þess að ákvörðun um ákæru hefur ekki verið tekin, tveimur og hálfu ári eftir að rannsókn hófst.
Kjarninn 24. júní 2022
Meira úr sama flokkiInnlent