Banka­sýsla rík­is­ins vísar á bug sjón­ar­miðum um laga­lega ann­marka á Íslands­banka­út­boði í til­kynn­ingu sem send var á fjöl­miðla síð­degis í dag. Þar er vísað í að í fjöl­miðlum í dag hafi komið fram sjón­ar­mið þess efnis að fyr­ir­komu­lag við sölu á hlut rík­is­ins í Íslands­banka hafi verið í and­stöðu við lög. „Af því til­efni skal áréttað að við sölu­með­ferð­ina var ákvæðum laga fylgt í hví­vetna, þar með talið laga nr. 155/2012. Banka­sýsla rík­is­ins vísar á bug hvers kyns sjón­ar­miðum um ann­að.“

For­svars­menn Banka­sýsl­unnar eru Jón Gunnar Jóns­son, for­stjóri henn­ar, og Lárus Blön­dal, stjórn­ar­for­maður stofn­un­ar­inn­ar.

Sjónarmiðið sem vísar er til eru orð Sig­ríðar Bene­dikts­dótt­ur, hag­fræð­ings við Yale háskóla og fyrr­ver­andi fram­­­kvæmda­­­stjóra fjár­­­­­mála­­­stöð­ug­­­leika­sviðs Seðla­­­banka Íslands, sem sagði í sam­tali við Kjarn­ann fyrr í að telja að lög um sölu­­með­­­ferð eign­­ar­hluta rík­­is­ins í fjár­­­mála­­fyr­ir­tækjum hafi verið brotin við sölu á hlut rík­­is­ins í Íslands­­­banka fyrir rúmum tveimur vik­­um. 

Hún sagði þar að þegar yfir 150 aðilar séu valdir til að kaupa magn bréfa sem sé svo lítið að það hefði ekki hreyft við mark­aðsvirði Íslands­­­banka ef þeir hefur keypt á eft­ir­­mark­aði þá brjóti það í bága við 3. grein og mög­u­­lega einnig 2. grein umræddra laga. „Á grund­velli þess þarf ein­hver að axla ábyrgð fyrir að hafa heim­ilað þetta og auk þess þarf að rifta þessum við­­skiptum við ein­stak­l­inga og ehf., enda eru þau ekki í sam­ræmi við lög og kaup­endum og mið­l­­urum hefði mátt vera það ljóst sem og því stjórn­­­valdi sem heim­il­aði þetta.“

Sig­ríður var einn þriggja sem mynd­uðu rann­­­sókn­­­ar­­­nefnd Alþingis um banka­hrunið sem skil­aði umfangs­­­mik­illi skýrslu í apríl 2010. Hún sat einnig um nokk­­urra ára skeið í banka­ráði Lands­­bank­ans.