Verð­bólgan í Banda­ríkj­unum nam 6,2 pró­sentum í síð­asta mán­uði, en hún hefur ekki verið hærri frá árinu 1990. Á sama tíma og verð­bólgan hefur auk­ist hefur óánægja með for­seta lands­ins, Joe Biden, vax­ið. Biden sagði að frum­varpið hans um fjár­fest­ingar í innviðum myndi draga úr þessum vanda, en ekki er búist við að seðla­bank­inn hækki vexti vegna hennar á allra næstu mán­uð­um.

Meiri eft­ir­spurn og flösku­hálsar í fram­boði

Verð­bólgu­töl­urnar fyrir októ­ber voru birtar í gær, en sam­kvæmt frétt Bloomberg var hún drifin áfram af verð­hækk­unum á orku, hús­næði, mat­vöru og far­ar­tækj­um. Þessar hækk­anir má rekja til auk­innar eft­ir­spurnar eftir efna­hagslægð­ina sem mynd­að­ist í kjöl­far far­ald­urs­ins, auk þess sem trufl­anir hafa orðið á fram­boði vegna flösku­hálsa í vöru­flutn­ingum og skorts á vinnu­afli.

Þetta er mesta verð­bólga sem mælst hefur í Banda­ríkj­unum í 31 ár, en hún nam 6,3 pró­sentum í nóv­em­ber árið 1990. Hún hefur hækkað hratt á síð­ustu mán­uð­um, en í lok febr­úar nam hún ein­ungis 1,7 pró­sentum þar í landi.

Hefur trú á inn­viða­frum­varpi

Í yfir­lýs­ingu sem Biden sendi frá sér í gær segir Biden að frum­varp hans um inn­viða­fjár­fest­ing­ar, sem er nú til umræðu á Banda­ríkja­þingi, muni taka á þessu vanda­máli. Sam­kvæmt honum gætu bættir inn­viðir dregið úr hiksti í fram­leiðslu, sem myndi hafa nei­kvæð áhrif á verð.

„Við erum nú þegar í miðj­unni á sögu­legri efna­hags­við­spyrn­u,“ segir Biden í ávarp­inu sínu sem sjá má hér að neð­an. „Þökk sé allra aðgerð­anna sem við höfum ráð­ist í munum við mjög bráð­lega sjá virð­is­keðj­una ná í skottið á eft­ir­spurn­inn­i.“

Hins vegar er ekki víst að frum­varp Biden muni ná í gegnum þing­ið, þar sem það veltur á stuðn­ingi frá öld­unga­deild­ar­þing­mann­inum Joe Manchin. Frétta­mið­illin Axios greindi frá því í gær að Manchin hygð­ist ekki ætla að styðja frum­varp­ið, þar sem hann er óviss um hvaða áhrif það muni hafa á efna­hags­lífið vest­an­hafs.

Engar vaxta­lækk­anir enn

Stýri­vextir seðla­banka Banda­ríkj­anna eru nú í 0,25 pró­sent­um, en þeir hafa verið nálægt núll pró­sentum frá byrjun far­ald­urs­ins í mars í fyrra. Seðla­banka­stjóri Banda­ríkj­anna, Jer­ome Powell, sagði í síð­asta mán­uði að hann teldi vaxta­hækk­anir vera ótíma­bær­ar, þar sem hann telur yfir­stand­andi verð­bólgu­skot ein­ungis vera tíma­bund­ið.

Sam­kvæmt frétt CNBC frá í gær vænta mark­aðs­að­ilar vest­an­hafs hins vegar að vaxta­hækk­un­ar­ferlið þar byrji fyrr í ljósi nýút­gef­inna verð­bólgu­talna, en sam­kvæmt þeim eru 80 pró­sent líkur á að stýri­vextir verði hækk­aðir um 0,25 pró­sent í júlí á næsta ári. Fyrir birt­ingu verð­bólgu­taln­anna töldu þeir að vext­irnir yrðu ekki hækk­aðir fyrr en í sept­em­ber 2022.

Aðeins Trump var óvin­sælli

Líkt og Kjarn­inn fjall­aði um fyrr í vik­unni hafa vin­sældir Biden minnkað hratt á sama tíma og verð­lag hefur hækk­að, en sam­kvæmt nýrri skoð­ana­könnun er meiri­hluti Banda­ríkja­manna óánægður með frammi­stöðu hans sem for­seta. Ein­ungis einn for­seti hefur mælst óvin­sælli eftir jafn­langan tíma í emb­ætti, en það var Don­ald Trump.