Boða þéttingu byggðar í jaðri byggðar og styrki fyrir að hafa ung börn heima

Sjálfstæðisflokkurinn boðar þéttingu byggðar í Staðarhverfi, Úlfarsárdal og Kjalarnesi og segist vilja tryggja 100 þúsund króna styrki á mánuði til reykvískra foreldra sem „vilja dvelja heima með börnin sín eftir fæðingarorlof“.

Hildur Björnsdóttir leiðir lista Sjálfstæðisflokksins í Reykjavík.
Hildur Björnsdóttir leiðir lista Sjálfstæðisflokksins í Reykjavík.
Auglýsing

Flokk­arnir sem bjóða fram til borg­ar­stjórn­ar­kosn­inga eru byrj­aðir að kynna áherslur sínar fyrir kom­andi kosn­ingar og þá fram­tíð­ar­sýn sem þeir bjóða kjós­endum í höf­uð­borg­inni, nú þegar ein­ungis þrjár vikur eru til kosn­inga.

Sjálf­stæð­is­flokk­ur­inn reið á vaðið og hélt blaða­manna­fund í Perlunni á mið­viku­dag, þar sem fram­bjóð­endur flokks­ins fóru yfir mál­efna­á­herslur flokks­ins, undir slag­orð­inu „Reykja­vík sem virkar“.

Flokk­ur­inn var sá stærsti í borg­inni í sveit­ar­stjórn­ar­kosn­ing­unum árið 2018 með 30,8 pró­sent atkvæða og hefur verið með 8 borg­ar­full­trúa, en náði þrátt fyrir það ekki saman við aðra flokka um meiri­hluta­sam­starf í upp­hafi kjör­tíma­bils.

Sam­kvæmt nýj­ustu kosn­inga­spá Kjarn­ans og Bald­urs Héð­ins­sonar frá 13. apríl mælist flokk­ur­inn enn stærst­ur, með 25 pró­sent fylgi í Reykja­vík. Kjarn­inn leit yfir helstu áhersl­urnar sem flokk­ur­inn setti fram í vik­unni.

Ný hverfi að Keldum og Örfirisey og þétt­ing í úthverfum

Í skipu­lags­málum seg­ist Sjálf­stæð­is­flokk­ur­inn vilja „hefja kröft­uga hús­næð­is­upp­bygg­ingu um alla borg í lif­andi borg­ar­hverf­um“ og að flokk­ur­inn ætli sér að tryggja skipu­lag nýrra hverfa að Keldum og í Örfiris­ey. Einnig boðar flokk­ur­inn „þétt­ingu byggðar innan hverfa sem hafa til þess svig­rúm“ og svo eru nefnd þrjú úthverfi borg­ar­inn­ar; Stað­ar­hverfi, Úlf­ars­árs­dalur og Kjal­ar­nes.

Flokk­ur­inn seg­ist einnig vilja fleiri 15 mín­útna hverfi, þar sem verslun og þjón­usta sé nærri íbúum og öfl­ugri versl­un­ar­kjarna innan hverfa. Í því skyni seg­ist flokk­ur­inn vilja tryggja stofn­styrki til þeirra sem vilji hefja rekstur í auðum rým­um.

Sjálf­stæð­is­flokk­ur­inn hefur það einnig á sinni mál­efna­skrá að tryggja „ein­fald­ara kerfi, raf­ræna stjórn­sýslu og 30 daga afgreiðslu­fresti“ í málum sem snerta upp­bygg­ingu hús­næð­is.

For­eldra­styrkir og hærri frí­stunda­styrkur

Sjálf­stæð­is­flokk­ur­inn seg­ist ætla að tryggja leik­skóla­pláss fyrir öll börn er þau ná 12 mán­aða aldri, en hið sama hefur verið á stefnu­skrá borg­ar­yf­ir­valda allt kjör­tíma­bil­ið. Í upp­hafi kjör­tíma­bils var stefnt að því að öll 12 mán­aða börn kæmust inn á leik­skóla fyrir lok árs 2023, en nýlega var áætlun borg­ar­innar um leik­skóla­mál, sem ber nafnið Brúum bil­ið, upp­færð og nú segir borgin að byrjað verði að „taka á móti 12 mán­aða börnum í leik­skóla borg­ar­innar í haust“.

Einnig boðar Sjálf­stæð­is­flokk­ur­inn að hann ætli sér að tryggja hækkun frí­stunda­styrks borg­ar­inn­ar, úr 50 þús­und krónum upp í 70 þús­und krón­ur. Í dag er Frí­stunda­kortið svo­nefnda í boði fyrir börn á aldr­inum 6-18 ára, en flokk­ur­inn vill að það gildi fyrir börn frá 5 ára aldri.

Í mál­efna­skrá flokks­ins segir einnig að flokk­ur­inn vilji tryggja svo­kall­aða for­eldra­styrki, en það væri 100 þús­und króna greiðsla á mán­uði „fyrir for­eldra sem vilja dvelja heima með börnin sín eftir fæð­ing­ar­or­lof, til tveggja ára ald­ur­s.“

Auglýsing

Sjálf­stæð­is­flokk­ur­inn boðar einnig að hann vilji auka stuðn­ing við einka­rekna skóla, þannig að þeir þurfi ekki að inn­heimta skóla­gjöld. Sjálf­stætt starf­andi grunn­skólar eiga rétt á því að fá fram­lög til sveit­ar­fé­lögum sem nemur 75 pró­sent af með­al­kostn­aði við hvern grunn­skóla­nema í land­inu, en ekk­ert hámark er sett á hversu mikið sveit­ar­fé­lög mega greiða með nem­endum sjálf­stætt starf­andi skóla.

Borg­ar­lína ekki nefnd á nafn í sam­göngu­á­herslum

Sjálf­stæð­is­flokk­ur­inn seg­ist vilja tryggja „frelsi og val um fjöl­breyttar sam­göng­ur“ og notar í mál­efna­skrá sinni það orða­lag að einn far­ar­máti eigi ekki að úti­loka ann­an. Athygli vekur að Borg­ar­lína er ekki nefnd á nafn í mál­efna­skrá flokks­ins, en þar segir þó að Sjálf­stæð­is­flokk­ur­inn vilji tryggja „öflugar og nútíma­legar almenn­ings­sam­göng­ur“.

Flokk­ur­inn vill tryggja að upp­bygg­ing Sunda­brautar verði hafin á kjör­tíma­bil­inu, að hjól­reiða­á­ætlun Reykja­vík­ur­borgar verði fram­fylgt af metn­aði og að upp­hit­uðum stígum verði fjölgað í borg­inni. Einnig seg­ist flokk­ur­inn vilja tryggja snjallar ljósa­stýr­ingar um alla borg og að orku­skiptum verði hraðað með bættu aðgengi að hleðslu­stöðvum fyrir raf­bíla í borg­ar­land­inu, í sam­starfi við aðila á mark­aði.

End­ur­skipu­lagn­ing rekstrar og fækkun borg­ar­full­trúa

Í mál­efna­skrá flokks­ins segir að stjórn­kerfi borg­ar­innar hafi „orðið að bákni“ og minnka þurfi yfir­bygg­ingu, stöðva skulda­söfnun og sýna ráð­deild er sýslað er með fjár­muni borg­ar­búa. Sjálf­stæð­is­flokk­ur­inn seg­ist telja mik­il­vægt að rekstur borg­ar­kerf­is­ins verði end­ur­skipu­lagður og ætlar sér að tryggja hag­ræð­ingu í opin­berum rekstri og minni umsvif borg­ar­innar í sam­keppn­is­rekstri.

Auk þess er flokk­ur­inn með það inni í mál­efna­skrá sinni að tryggja þrýst­ing á að borg­ar­full­trúum verði fækkað úr 23 niður í 15. Sá þrýst­ingur mun þá bein­ast að rík­is­stjórn­inni og Alþingi, en borg­ar­full­trúum var fjölgað úr 15 úr 23 eftir síð­ustu sveit­ar­stjórn­ar­kosn­ingar í takti við gild­andi sveit­ar­stjórn­ar­lög frá 2011.

Sam­kvæmt þeim lögum eiga aðal­menn í sveit­ar­stjórnum sveit­ar­fé­laga þar sem íbúar hafa verið 100 þús­und eða fleiri fjögur ár í röð að vera 23-31 tals­ins.

Lægri fast­eigna­skattar á atvinnu­hús­næði

Sjálf­stæð­is­flokk­ur­inn seg­ist ætla sér að tryggja lækkun fast­eigna­skatta á atvinnu­hús­næði og aukið fram­boð atvinnu­lóða í Reykja­vík. Einnig vill flokk­ur­inn að „ný­sköp­un­ar­þorp“ verði til í Örfirisey fyrir hug­vits­drifna starf­semi.

Flokk­ur­inn vill einnig tryggja að fast­eigna­skattar af íbúð­ar­hús­næði þeirra sem eru 67 ára eða verði lækk­að­ir. Tekið er fram í mál­efna­skránni að flokk­ur­inn vilji tryggja að tekju­mörk vegna afslátta verði hækkuð sem nemur 1,8 milljón kr. af árs­tekj­um.

Í umhverf­is- og lofts­lags­málum segir flokk­ur­inn að hann vilji tryggja kolefn­is­bind­ingu, „með lausnum á borð við Car­bfix, skóg­rækt og end­ur­heimt vot­lend­is“, auk þess sem flokk­ur­inn vill tryggja að „staðið verði vörð um græn svæði og þau byggð upp til úti­vistar“.

Flokk­ur­inn seg­ist einnig ætla að tryggja að sorp­hirða verði öfl­ugri og end­ur­vinnsla sam­ræmd, auk þess sem betur verði staðið að snjó­ruðn­ingi að vetri og götu­sópun að vori.

Kjarn­inn mun fara yfir fram­lagðar kosn­inga­á­herslur allra helstu fram­boða í Reykja­vík á næstu dög­um, en flokk­arnir eru sem áður segir að leggja stefnu­mál sín fram, einn af öðrum, þessa dag­ana.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Sífellt fleiri notendur kjósa að nálgast sjónvarpsþjónustu í gegnum aðrar leiðir en með leigu á myndlykli.
Enn dregst leiga á myndlyklum saman en tekjur vegna sjónvarps halda áfram að aukast
Tekjur fjarskiptafyrirtækja vegna sjónvarpsþjónustu hafa rokið upp á síðustu árum. Þær voru 3,8 milljarðar króna á árinu 2017 en 14,9 milljarðar króna í fyrra. Þorri nýrra tekna í fyrra var vegna sjónvarpsþjónustu.
Kjarninn 27. júní 2022
Hagstofan býst við að hagvöxtur verði enn kröftugri en spáð var í lok vetrar
Hagstofan býst við því að hagvöxtur verði 5,1 prósent á árinu og 2,9 prósent á næsta ári, samkvæmt nýrri þjóðhagsspá. Búist er við því að um 1,6 milljónir ferðamanna sæki landið heim í ár, en fyrri spá gerði ráð fyrir 1,4 milljónum ferðamanna.
Kjarninn 27. júní 2022
Þórdís Kolbrún Reykfjörð Gylfadóttir er utanríkisráðherra.
Telja að upplýsingar um fjölda sérstakra vegabréfa geti skaðað tengsl við önnur ríki
Utanríkisráðuneytið vill ekki segja hversu mörg sérstök vegabréf það hefur gefið út til útlendinga á grundvelli nýlegrar reglugerðar. Það telur ekki hægt að útiloka neikvæð viðbrögð ótilgreindra erlendra stjórnvalda ef þau frétta af vegabréfaútgáfunni.
Kjarninn 27. júní 2022
Bjarni Benediktsson, fjármála- og efnahagsráðherra og formaður Sjálfstæðisflokksins.
Fjármálaráðuneytið segist ekki hafa yfirlit yfir fjársópseignirnar sem seldar voru leynilega
Fjármála- og efnahagsráðuneytið segist ekki hafa komið að ákvörðunum um ráðstöfun eigna sem féllu íslenska ríkinu í skaut vegna stöðugleikasamninga við kröfuhafa föllnu bankanna.
Kjarninn 27. júní 2022
Frá brautarpalli við aðallestarstöðina í þýsku borginni Speyer. Ef til vill hafa einhverjir þessara farþega nýtt sér níu evru miðann.
Aðgangur að almenningssamgöngum í heilan mánuð fyrir níu evrur
Níu evru miðinn gildir í allar svæðisbundnar samgöngur í Þýskalandi til loka ágústmánaðar. Þetta samgönguátak er hluti af aðgerðapakka stjórnvalda vegna vaxandi verðbólgu og hækkandi orkuverðs en er einnig ætlað að stuðla að umhverfisvænni ferðavenjum.
Kjarninn 26. júní 2022
Steingrímur J. Sigfússon hætti á þingi í fyrrahaust. Síðan þá hefur hann verið skipaður til að leiða tvo hópa á vegum ríkisstjórnarinnar.
Steingrímur J., Óli Björn og Eygló skipuð í stýrihóp til að endurskoða örorkukerfið
Fyrrverandi formaður Vinstri grænna, þingmaður Sjálfstæðisflokks, fyrrverandi félagsmálaráðherra og aðstoðarmaður ríkisstjórnarinnar mynda stýrihóp sem á að endurskoða örorkulífeyriskerfið. Hópurinn á að skila af sér eftir tvö ár. Ingu Sæland er óglatt.
Kjarninn 26. júní 2022
Örn Bárður Jónsson
Veðurfræðingar án framtíðar!
Kjarninn 26. júní 2022
Heildartekjur fjarskiptafyrirtækja jukust um 6,1 milljarð í fyrra og voru 72,4 milljarðar
Farsímaáskriftum fjölgaði aftur í fyrra eftir að hafa fækkað í fyrsta sinn frá 1994 á árinu 2020. Tekjur fjarskiptafyrirtækjanna af sölu á farsímaþjónustu jukust gríðarlega samhliða þessari þróun.
Kjarninn 26. júní 2022
Meira úr sama flokkiInnlent