Ummæli Helga Magn­úsar Gunn­ars­sonar vara­rík­is­sak­sókn­ara um hinsegin hæl­is­leit­endur hafa vakið óhug hjá mörg­um, en í tengslum við umfjöllun Vísis um að kyn­hneigð hinsegin hæl­is­leit­enda sé ítrekað dregin í efa sagði Helgi Magnús hæl­is­leit­endur „auð­vitað ljúga“ og spurði hvort ekki væri þegar nóg af hommum á Íslandi.

Jón Gunn­ars­son dóms­mála­ráð­herra hefur gagn­rýnt ummælin en vísað á rík­is­sak­sókn­ara er varðar ábyrgð í mál­inu og hefur Sig­ríður Frið­jóns­dóttir rík­is­sak­sókn­ari stað­fest að málið sé til skoð­unar hjá emb­ætt­inu.

Þor­gerður Katrín Gunn­ars­dóttir þing­maður er hins vegar ekki sam­mála því að það sé ekki undir dóms­mála­ráð­herra komið að ákveða hvort til­efni sé til þess að áminna Helga Magnús vegna ummæl­anna. Í færslu á Face­book segir Þor­gerður að í krafti stjórn­un­ar- og eft­ir­lits­heim­ilda sinna geti dóms­mála­ráð­herra kallað eftir því að aga­við­ur­lögum verði beitt.

Í færsl­unni segir Þor­gerður að með ummælum sínum sendi Helgi Magnús mjög hættu­leg skila­boð út til sam­fé­lags­ins. Orð­ræðan hafi félags­mót­andi áhrif og að hat­urs­full orð geti valdið miklum skaða, sem við séum oft minnt á og nú síð­ast þegar skotárás var gerð á sam­komu­stað sam­kyn­hneigðra í Osló í síð­asta mán­uði. Þá séu ummæli sem þessi sér­stak­lega alvar­leg þegar þau komi frá hand­hafa ákæru­valds­ins.

„Um er að ræða einn æðsta emb­ætt­is­mann rétt­ar­vörslu­kerf­is­ins. Hann hefur fullan rétt til þátt­töku í sam­fé­lags­um­ræð­unni. En völdum fylgir ábyrgð og siða­regl­urnar sem ná til starfs­ins eru skýr­ar. Ákærendur þurfa sér­stak­lega að gæta þess að hlut­leysi þeirra sem ákærendur verði ekki dregið í efa. Það á ekki síður við um fram­göngu utan starfs,“ skrifar Þor­gerð­ur.

Ekki í fyrsta sinn

Þá sé ekki um að ræða fyrsta skiptið sem vara­rík­is­sak­sókn­ar­inn láti út úr sér óvið­eig­andi eða bein­línis hat­urs­full ummæli, hvort sem þau hafi snúið að brota­þol­um, hinsegin fólki, hæl­is­leit­endum eða kven­fólki almennt. Skemmst er að minn­ast þess þegar Áslaug Arna Sig­ur­björns­dótt­ir, þáver­andi dóms­mála­ráð­herra, gagn­rýndi fram­för Helga Magn­úsar á sam­fé­lags­miðlum í kjöl­far þess að hann setti „li­ke“ við færslu Sig­urðar G. Guð­munds­sonar hæsta­rétt­ar­lög­manns þar sem hann birti brot úr skýrslu­töku lög­reglu af Þór­hildi Gyðu Arn­ar­dótt­ur, þol­anda í ofbeld­is­máli, og bar saman við færslu Þór­hildar á Twitter í þeim til­gangi að draga úr trú­verð­ug­leika henn­ar.

­Segir Þor­gerður Helga Magnús til dæmis hafa líkt þung­un­ar­rofi við morð og gert lítið úr rétti kvenna og setur hún það í sam­hengi við nýlegar skerð­ingar á sjálfs­á­kvörð­un­ar­rétti kvenna í Banda­ríkj­un­um.

„Þegar æðstu emb­ætt­is­menn fara fram með þessum hætti grefur það undan kerf­inu sjálfu og trausti okkar til þess. Í siða­reglum ákærenda er lögð áhersla á að þátt­taka þeirra í opin­berri umræðu verði ekki til þess að rýra traust og trú almenn­ings á hlut­leysi ákæru­valds­ins.“

Þess má geta að Helgi Magnús hefur tekið ummælin úr birt­ingu og virð­ist gera til­raun til þess að lýsa yfir stuðn­ingi við hinsegin sam­fé­lagið með því að setja regn­boga „filt­er“ á prófíl­mynd sína á Face­book.