„Eðlilegt að draga þá ályktun að verðið hafi hækkað vegna áhuga á útboðinu“

Forsætisráðherra segir að það bíði næstu ríkisstjórnar að ákveða hvort selja eigi fleiri hluti í Íslandsbanka. Salan hafi verið vel heppnuð aðgerð.

Katrín Jakobsdóttir, forsætisráðherra.
Katrín Jakobsdóttir, forsætisráðherra.
Auglýsing

Katrín Jakobsdóttir forsætisráðherra segir sölu ríkisins á hlutum í Íslandsbanka vel heppnaða aðgerð vegna þess hverju dreift eignarhaldið sé og hversu mikill áhuginn hafi verið. „Við sjáum fjölbreyttan hóp fólks sem tekur þátt í þessu.“

Þetta kom fram í viðtali við ráðherrann í Speglinum á Rás 1 í dag.

Kjarninn greindi frá því í morgun birtur hefði verið listi yfir stærstu hluthafa Íslandsbanka eftir hlutafjárútboð þar sem íslenska ríkið seldi 35 prósent eignarhlut í bankanum fyrir 55,3 milljarða króna.

Auglýsing

Á listanum kemur fram að þeir 20 fjárfestar sem keyptu mest í útboðinu eiga samtals 18 prósent hlut í bankanum. Það þýðir að hinir þátttakendurnir í útboðinu, en þeir alls voru um 24 þúsund talsins, keyptu samanlagt 17 prósent hlut.

Bréfin lágt verðlögð

Níföld eftirspurn var eftir bréfum í Íslandsbanka í hlutafjárútboði bankans sem lauk í síðustu viku. Allir greinendur voru sammála um að bréfin væru lágt verðlögð, sérstaklega í samanburði við gengi bréfa í Arion banka, hinum kerfislega mikilvæga bankanum sem skráður er á markað. Það ýtti undir mikla þátttöku í útboðinu.

Þegar bréfin voru tekin til viðskipta í gær hækkuðu þau strax um 20 prósent. Það þýðir að sá sem keypti fyrir eina milljón króna var strax búinn að hagnast um 200 þúsund krónur.

Leggja áherslu á að Landsbankinn sé í eigu ríkisins

Katrín segir í Speglinum eðlilegt að draga þá ályktun að verðið hafi hækkað vegna áhuga á útboðinu. En hvers vegna var Íslandsbanki metinn lægra en Arion banki? „Það er nú kannski meðal annars vegna þess að arðsemi þessara tveggja banka er töluvert ólík og arðsemi Íslandsbanka hefur verið metin minni meðan arðsemi Arion banka hefur verið yfir þessu. Þannig að ef við til að mynda horfum á þann mælikvarða þá eru þessir tveir bankar í raun og veru kannski ekkert svo langt frá hvor frá öðrum í verði ef við bara skoðum muninn á arðseminni.“

Þegar Katrín er spurð hvort hún vilji selja fleiri hluti í bankanum segir hún að sú ákvörðun bíði næstu ríkisstjórnar. „Ef ég horfi á þá stefnu sem Vinstri hreyfingin grænt framboð hefur haft þá hefur hún verið mjög skýr. Við höfum lagt á það áherslu að Landsbankinn sé í eigu ríkisins og þess vegna höfum við staðið með sölunni núna á hlutnum í Íslandsbanka. En þetta er að sjálfsögðu eitthvað sem þarf að ræðast síðan í næstu stjórnarmyndunarviðræðum.“

Katrín segir að markmiðið með sölunni á Íslandsbanka hafi verið að draga úr eignarhaldi ríkisins á fjármálafyrirtækjum og úr áhættunni við að eiga svona stóran hlut í fjármálakerfinu. „En það breytir því ekki að ríkið á áfram 65 prósenta hlut í Íslandsbanka sem hefur núna hækkað í verði og í raun og veru aukið verðgildi sitt eftir þessa sölu. Þannig að ég tel í raun og veru fyrst og fremst þetta vera vel heppnaða aðgerð vegna þess hverju dreift eignarhaldið er, hversu mikill áhuginn er og við sjáum fjölbreyttan hóp fólks sem tekur þátt í þessu,“ segir hún.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þrettán starfsmenn Landspítalans í einangrun
Um helgina komu upp smit hjá starfsmönnum í nokkrum starfseiningum Landspítala. Rakning er langt komin og þrettán starfsmenn eru komnir í einangrun og nokkur fjöldi starfsmanna og sjúklinga í sóttkví.
Kjarninn 26. júlí 2021
Benedikt Jóhannesson, einn stofnenda Viðreisnar, mun starfa áfram með flokknum.
Sættir hafa náðst hjá Viðreisn og Benedikt starfar áfram innan flokksins
Benedikt Jóhannesson fyrrverandi formaður Viðreisnar greinir frá því í dag að samkomulag hafi náðst um að hann starfi áfram með flokknum.
Kjarninn 26. júlí 2021
Meirihluti þjóðarinnar er bólusettur og meirihluti þeirra sem eru að greinast með veiruna er bólusettur.
116 óbólusettir greinst á einni viku
Um 64 prósent þeirra sem eru með COVID-19 á landinu eru á aldrinum 18-39 ára. Flestir sem greinst hafa síðustu daga eru bólusettir en 116 óbólusettir einstaklingar hafa greinst með veiruna á einni viku.
Kjarninn 26. júlí 2021
Þórður Snær Júlíusson
Endalok tálmyndar um endurkomu hins eðlilega lífs
Kjarninn 26. júlí 2021
Himinn og haf skilja fátækari ríki heims og þau ríkari að þegar kemur að bólusetningum.
Þórólfur: Hægt að hafa margar skoðanir á siðferði bólusetninga
Að baki þeirri ákvörðun að gefa fólki bólusettu með Janssen örvunarskammt býr að sögn sóttvarnalæknis sú stefna að reyna að bólusetja sem flesta hér á landi með áhrifaríkum hætti. 1,32 prósent íbúa fátækustu ríkja heims hafa verið bólusett.
Kjarninn 26. júlí 2021
Sajid Javid heilbrigðisráðherra Bretlands tók við af Matt Hancock fyrr í sumar.
Biðst afsökunar á að hafa sagt fólki að hætta að „hnipra sig saman“ andspænis veirunni
Sajid Javid heilbrigðisráðherra Bretlands segist hafa notað óheppilegt orðfæri til að lýsa því hvernig landar hans þyrftu að fara að lifa með veirunni, í ljósi útbreiddra bólusetninga.
Kjarninn 25. júlí 2021
DÓTTIR er stuttmynd um ást, þráhyggju og brotna sjálfsmynd.
Stuttmyndin DÓTTIR er „ástarbréf til Íslands“
Sofia Novakova, leik- og kvikmyndagerðarkona frá Slóvakíu, er þessa dagana að taka upp stuttmyndina DÓTTIR hér á landi. Safnað er fyrir útgáfu myndarinnar á Karolina Fund.
Kjarninn 25. júlí 2021
Hólmfríður Árnadóttir menntunarfræðingur og Heiða Guðný Ásgeirsdóttir bóndi skipa 1. og 2. sæti á lista Vinstri grænna í Suðurkjördæmi.
Þjórsáin okkar allra
Kjarninn 25. júlí 2021
Meira úr sama flokkiInnlent