Tæp­lega þrír fjórðu­hlutar allra við­skipta sem áttu sér stað í Kaup­höll­inni í dag voru með bréf í Íslands­banka. Heild­ar­virði við­skipt­anna nam 5,4 millj­örðum króna, en þeir sem tóku þátt í hluta­bréfa­út­boði bank­ans sem lauk í síð­ustu viku hafa nú fengið tæp­lega 20 pró­senta ávöxtun á bréfum sín­um.

Þetta kemur fram í yfir­lits­tölum á Mark­aðsvakt Keld­unnar eftir lokun mark­aða. Sam­kvæmt þeim lækk­aði hluta­bréfa­verð í níu skráðum félögum í dag, en lækk­unin nam yfir einu pró­senti í Mar­el, Arion og Icelanda­ir. Mest lækk­uðu hluta­bréfin í Icelanda­ir, en þau eru nú 3,8 pró­sentum lægri en þau voru við opnun mark­aða í morg­un.

Heild­ar­virði við­skipta í Kaup­höll­inni nam 8,2 millj­örðum króna, en þar af voru um 65 pró­sent með bréf í Íslands­banka. Alls voru 838 við­skipti skráð með bréf í bank­an­um, en heild­ar­fjöldi við­skipta í Kaup­höll­inni í dag var 1.155.

Líkt og Kjarn­inn hefur greint frá var níföld eft­ir­spurn eftir bréfum í Íslands­banka í hluta­fjár­út­boði bank­ans sem lauk á þriðju­dag­inn í síð­ustu viku. Í útboð­inu var um 35 pró­senta hlutur í bank­anum seldur á 79 krónur á hlut, sem voru efri mörk útboðs­verðs­ins.

Verð á hlutum í Íslands­banka nema nú 94,6 krónum á hlut, sem er tæp­lega 20 pró­sentum hærri en útboðs­geng­ið. Heil­sölu­and­virði útboðs­ins nam 55,3 millj­örðum króna, sem er rúm­lega tíu sinnum meira en and­virði við­skipta með bréf í bank­anum var í Kaup­höll­inni í dag.