Gunnar Smári Egils­son, for­maður fram­kvæmda­stjórnar Sós­í­alista­flokks­ins og einn af stofn­endum flokks­ins, ætlar að gefa kost á sér á lista fyrir kom­andi alþing­is­kosn­ing­ar. RÚV greinir frá.

Í frétt RÚV segir að flokk­ur­inn ætli að bjóða fram lista í öllum kjör­dæmum og verði þeir kynntir í byrjun næsta mán­að­ar.

Sós­í­alista­flokk­ur­inn mæld­ist með þrjá menn inni í Gallup-könnun sem birt­ist í síð­ustu viku. Alls segj­ast 5,4 pró­sent lands­manna ætla að kjósa þann flokk sem býður fram til þings í fyrsta sinn í haust.

„Það hefur verið skorað á mig og kjör­nefndin var að tala við mig og ég lof­aði þeim að svara núna um helg­ina. Ef að þau geta notað mig þá er ég til,“ segir Gunnar Smári í sam­tali við RÚV.

Á vef Sós­í­alista­flokks­ins segir að ákvörðun um fram­boð Sósía­lista­flokks­ins til þings eða sveit­ar­stjórna skuli tekin af Sósía­lista­þingi eða með skýru umboði þess. Kjör­nefnd skipuð slembivöldum félags­mönnum skuli ann­ast skipun lista, kosn­inga­stjórn og í kjölfarið sam­skipti flokks­ins við kjörna full­trúa.

„Kjör­nefnd skal sam­þykkja nán­ari út­færslu á vinnu­brögðum sínum við skipun lista og sam­skipti við fram­bjóð­end­ur. Kjör­nefnd er heim­ilt að setja á fót kosn­inga­stjórnir í ein­stökum kjör­dæmum eða sveit­ar­félögum og heyra þær undir hana. Kjör­nefnd er heim­ilt að skipa utan­að­kom­andi ein­stak­ling sem kosn­inga­stjóra,“ segir á síðu flokks­ins. Sam­kvæmt RÚV er búist við því að nefndin ljúki störfum fyrstu vik­una í ágúst.