Eignir vog­un­ar­sjóðs­ins Burlington Loan Mana­gement, stærsta ein­staka kröfu­hafa fall­ina íslenskra banka, á Íslandi juk­ust um 70 pró­sent á árinu 2013. Þetta kemur fram í árs­reikn­ingi félags­ins sem skilað var inn til írsku fyr­ir­tækja­skrá­ar­innar á þriðju­dag, þann 26. ágúst.

Alls eru heild­ar­eignir sjóðs­ins bók­færðar á 4,1 millj­arði dala,um 480 millj­arða króna á gengi dags­ins í dag. Þær juk­ust um rúm 50 pró­sent á milli ára. Þarna er um að ræða það fé sem Burlington hefur eytt í að kaupa eign­ir. Staðan tekur ekki til­lit til hversu mikið eign­irnar hafa hækkað að mark­aðsvirði síðan að þær voru keypt­ar. Sú virð­is­aukn­ing er mikil en mun ekki raun­ger­ast fyrr en sjóð­ur­inn selur eign­irn­ar.

Í árs­reikn­ingnum kemur fram að 18 pró­sent eigna sjóðs­ins séu á Íslandi. Kaup­verð þeirra eigna er sam­kvæmt þessu 87 millj­arðar króna og umfang keyptra eigna Burlington á Íslandi því auk­ist um 70 pró­sent frá árinu 2012. Sjóð­ur­inn á ein­ungis meiri eignir í Bret­landi, en 34 pró­sent eigna hans eru þar. Hlut­falls­lega juk­ust umsvif Burlington lang­mest á Íslandi á síð­asta ári.

[em­bed]htt­p://issu­u.com/kjarn­inn/docs/2014_08_28/14[/em­bed]

Eiga gríð­ar­legar eignir á Íslandi

Mark­aðsvirði eigna Burlington á Íslandi er mun hærra en 87 millj­arðar króna. Miðað við væntar end­ur­heimtir í þrotabú Glitnis eru virði krafna Burlington í bú bank­ans, sam­kvæmt nýj­ustu upp­lýs­ingum Kjarn­ans um umfang þeirra, til að mynda að minnsta kosti vel á þriðja hund­rað millj­arð króna.

Eignir Burlington á Íslandi eru gríð­ar­leg­ar. Hann er stærsti ein­staki kröfu­hafi Glitn­is, á meðal stærstu kröfu­hafa Kaup­þings, á umtals­verðar kröfur í bú Lands­bank­ans, er á meðal eig­anda ALMC sem seldi 67 pró­sent hlut sinn í Straumi fjár­fest­inga­banka í júlí síð­ast­liðn­um, á beint 13,4 pró­sent hlut í Klakka (sem á 23 pró­sent í VÍS og allt hlutafé í Lýs­ingu) og keypti 26 millj­arða króna skuldir Lýs­ingar skömmu fyrir síð­ustu ára­mót. Auk þess hefur sjóð­ur­inn verið að kaupa hluti í Bakka­vör í Bret­landi af miklum móð, en þær eignir eru skráðar sem breskar þótt aðrir stórir eig­endur séu að mestu íslenskir og rætur fyr­ir­tæk­is­ins liggi hér­lend­is.

Þetta er örstutt brot úr ítar­legri umfjöllun Kjarn­ans um Burlington. Lestu umfjöll­un­ina í heild sinni í nýjasta Kjarn­an­um.