Skipa­fé­lagið Eim­skip hefur „í ljósi stöð­unn­ar“ tekið ákvörðun um að hætta tíma­bundið við­komum í Múrm­ansk, sem er eina rúss­neska borgin sem er hluti af sigl­inga­á­ætlun félags­ins.

Þetta kemur fram í svari fyr­ir­tæk­is­ins við fyr­ir­spurn Kjarn­ans, sem laut að því hvort inn­rás Rúss­lands í Úkra­ínu og afleidd áhrif hern­að­ar­að­gerð­anna myndu hafa ein­hver áhrif á sigl­ingar félags­ins í rúss­neskar hafn­ir.

Við­koman í Múrm­ansk hefur verið hluti af svo­kall­aðri app­el­sínugulri leið í sigl­inga­á­ætlun Eim­skipa, en sigl­inga­leiðin þræðir sig frá Englandi og Hollandi norður með­fram ströndum Nor­egs og alla jafna yfir til rúss­nesku borg­ar­inn­ar.

Nú verður Kirkenes í Norð­ur­-Nor­egi þó enda­stöð app­el­sínu­gulu leið­ar­inn­ar, að minnsta kosti um ein­hvern tíma, sam­kvæmt Eddu Rut Björns­dótt­ur, fram­kvæmda­stjóra mannauðs- og sam­skipta­sviðs hjá fyr­ir­tæk­inu.

Þjón­ustan gagn­vart Úkra­ínu, Rúss­landi og Hvíta-Rúss­landi skert

Eim­skip sagði frá því í til­kynn­ingu í upp­hafi mán­aðar að sér­fræð­ingar félags­ins fylgd­ust grannt með þróun mála í kjöl­far inn­rásar Rússa í Úkra­ínu.

„Skipa­fé­lög sem eru sam­starfs­að­ilar Eim­skips hafa ýmist stöðvað eða skert þjón­ustu sína til þeirra hafna sem tengj­ast Úkra­ínu, Rúss­landi og Hvíta-Rúss­landi þannig að þjón­usta Eim­skips gagn­vart þessum löndum er skert eins og staðan er nún­a,“ ­sagði í þeirri til­kynn­ingu.

Þar var þess einnig getið að óvissa ríkti um afgreiðslu í höfnum í Evr­ópu á flutn­ingum til og frá þessum löndum og að félagið hygð­ist vinna náið með við­skipta­vinum sínum og við­eig­andi yfir­völdum í þessum aðstæðum til að tryggja bestu mögu­legu lausn­ir.