Einar Þor­steins­son fyrrum stjórn­andi Kast­ljóss á RÚV greindi frá því í Vik­unni hjá Gísla Mart­eini í kvöld að hann hefði ákveðið að gefa kost á sér í 1. sæti fyrir Fram­sókn­ar­flokk­inn í Reykja­vík fyrir næstu sveit­ar­stjórn­ar­kosn­ing­ar.

Fram kom í fjöl­miðlum í febr­úar að hann íhug­aði fram­boð fyrir Fram­sókn. „Ég er að íhuga það alvar­­lega,“ sagði hann en nú liggur ákvörð­unin fyr­ir.

„Maður kemur alveg löðr­andi sveittur undan þessum feldi hérna. Nei, þetta er svo­lítið skrítið að taka þetta skref en mér líður mjög vel með það. Og ég finn ein­hvern veg­inn – nú fer maður beint í fra­sana – að það hafa margir komið að máli við mig og allt það.

En ég ein­hvern veg­inn fann það strax að þegar fólk fór að tala um þetta að ég hef svosem verið að tala um stjórn­mál og það allt saman en ég hef ekki verið í neinum flokki,“ sagði Einar við Gísla Mart­ein í kvöld.

Var tví­tugur með skrítnar skoð­anir en búinn að skipta um þær flestar

Þegar Einar var spurður hvort hann hefði ekki verið Sjálf­stæð­is­maður þá sagði hann að þegar hann var tví­tugur hefði hann verið með rosa­lega margar skrítnar skoð­anir og væri búinn að skipta um þær flest­ar.

„Þegar maður er í fréttum þá afteng­ist maður algjör­lega þess­ari flokkspóli­tísku hugs­un,“ sagði hann og bætti því við að þegar „maður er frétta­maður fer maður að skoða báðar hliðar mál­anna“. Eins og að vera í 30.000 fetum og greina kjarn­ann frá hism­inu. „Maður er að þjóna almenn­ingi og áhorf­endum sem eru að horfa. Og svo þegar ég fór að máta mig við stjórn­mála­flokka þá var það ein­hvern veg­inn bara aug­ljóst mál að Fram­sókn­ar­flokk­ur­inn er eini flokk­ur­inn sem ég get verið í af því að þar er verið að skoða hlut­ina frá báðum hliðum – og öfga­laust.“

Hann sagði að eftir að hafa verið í almanna­þjón­ustu á RÚV hefði það legið beint við að fara í Fram­sókn. Fram kom í þætt­inum að Einar hefði talað við upp­still­ing­ar­nefnd en kjör­dæm­is­þing er í næstu viku og mun þá vera greint frá listum flokks­ins.