„Sumir leið­togar stjórn­ar­and­stöð­unnar mæla fyrir því að „loka land­in­u“, með til­heyr­andi stór­auknu atvinnu­leysi og tekju­tapi sam­fé­lags­ins. Minna fer fyrir til­lögum um aðrar leiðir til að skapa störf,“ skrifar Áslaug Arna Sig­ur­björns­dóttir dóms­mála­ráð­herra í grein í Morg­un­blað­inu í dag. Galopin landa­mæri séu „ekki skammar­yrði“ heldur „eðli­legur hluti þess að búa í frjálsu sam­fé­lag­i“.

Hún segir að sömu stjórn­mála­leið­togum finnst „ekk­ert til­töku­mál“ að settar verði á mjög víð­tækar tak­mark­anir á frelsi almenn­ings, jafn­vel til langrar fram­tíð­ar. Upp­hróp­anir af því tagi lýsi „upp­gjöf og úrræða­leysi“ og fái „von­andi engan hljóm­grunn“ meðal kjós­enda í haust.

„Ég vona að stjórn­ar­and­stöð­unni auðn­ist ekki að slíta í sundur þá ein­ingu sem ríkt hefur meðal lands­manna í bar­átt­unni gegn veirunn­i,“ skrifar ráð­herr­ann. Talað sé um stefnu­leysi á sama tíma og „virtir sér­fræð­ing­ar“ hrósi rík­is­stjórn­inni fyrir vand­virkni og hóf­semi. Gagn­rýnin snú­ist fyrst og fremst um of að fljótt hafi verið farið í aflétt­ingar inn­an­lands og látið af skimun bólu­settra inn í land­ið. „Í þessu flest við­snún­ingur af hálfu stjórn­ar­and­stöð­unn­ar,“ skrifar Áslaug Arna, „enda byggðu ákvarð­an­irnar á til­lögu sótt­varna­lækn­is. Hingað til hafa þessar sömu raddir lagt mikið upp úr að fylgja til­lögum hans í einu og öllu.“

Ráð­herr­ann skrifar að stöðugt verði að end­ur­meta aðgerð­ir, sér í lagi eftir „vel­heppn­aðar og víð­tækar“ bólu­setn­ingar hér­lend­is. „Þegar 90 pró­sent full­orð­inna ein­stak­linga eru orðin bólu­sett þarf að slá nýjan takt í umræð­una, end­ur­meta aðstæður og leggja grunn að eðli­legu lífi á ný.“

Sótt­varna­að­gerðir hafi hingað til gengið vel, en þær nýj­ustu hafi „eðli­lega“ komið flatt upp á marga. „Ráð­staf­anir sem við ætlum ekki að búa við til lengri tíma.“

Aðgerð­irnar gilda til 13. ágúst og skrifar ráð­herr­ann að gripið hafi verið til þeirra vegna óvissu um alvar­leg veik­indi bólu­settra. „Það er ánægju­legt að sjá að 97% af þeim sem nú smit­ast eru ein­kenna­laus­ir. Með því er stærsta áfang­anum náð, enda mark­miðið ekki að telja smit til lengri tíma – heldur að koma í veg fyrir útbreidd alvar­leg veik­indi og sporna við álagi á heil­brigð­is­kerf­ið.“

Áslaug Arna skrifar að í aðgerðum gegn far­aldr­inum verði mark­miðin að vera skýr. „Ekki má hringla með marklín­una. Nú þegar árang­ur­inn verður met­inn af bólu­setn­ingum sjáum við von­andi þær jákvæðu nið­ur­stöður sem stefnt var að. Við höfum alltaf stefnt að því að bólu­setn­ing­arnar geri okkur kleift að færa dag­legt líf okkar allra til eðli­legs horfs með frelsið að leið­ar­ljósi.“