Erindi vegna Kolbeins barst til fagráðs Vinstri grænna í lok mars

Mál þingmannsins Kolbeins Óttarssonar Proppé er það fyrsta sem komið hefur inn á borð fagráðs Vinstri grænna gegn kynbundnu ofbeldi og einelti frá því fagráðið tók til starfa. Málið var komið í ferli áður en forval í Suðurkjördæmi fór fram.

Kolbeinn Óttarsson Proppé þingmaður Vinstri grænna.
Kolbeinn Óttarsson Proppé þingmaður Vinstri grænna.
Auglýsing

Erindi vegna „ámæl­is­verðrar hegð­un­ar“ Kol­beins Ótt­ars­sonar Proppé þing­manns Vinstri grænna barst fagráði gegn kyn­bundnu ofbeldi og ein­elti innan hreyf­ing­ar­innar í lok mars­mán­að­ar, sam­kvæmt svörum flokks­ins við fyr­ir­spurn Kjarn­ans.

Þetta er fyrsta málið sem kemur inn á borð fagráðs­ins, sem tók til starfa árið 2019. Áður hafði verið starf­rækt trún­að­ar­ráð hjá flokknum og til þess bár­ust í heild­ina tvö mál, sam­kvæmt svörum frá flokkn­um. Hvor­ugt þeirra varð­aði Kol­bein.

„Við með­ferð máls­ins var farið eftir verk­lags­reglum sem til­greindar eru í aðgerða­á­ætlun VG gegn ein­elti og kyn­ferð­is­legri og kyn­bund­inni áreitni og ofbeldi. Í verk­lags­reglum er gert ráð fyrir að ef grunur sé um refsi­vert athæfi sé máli vísað til lög­reglu, sem ekki átti við í þessu máli,“ segir í svari flokks­ins, sem barst frá fram­kvæmda­stjór­anum Björgu Evu Erlends­dótt­ur.

Kol­beinn til­kynnti í gær­kvöldi að hann ætl­aði að draga fram­boð sitt í for­vali flokks­ins í Reykja­vík til baka vegna máls­ins, en hann hafði sóst eftir að vera í öðru sæti á lista í öðru hvoru Reykja­vík­ur­kjör­dæm­inu.

Yfir­lýs­ing Kol­beins um þetta fór inn á Face­book örskömmu áður en fyrsti opni kynn­ing­ar­fundur fram­bjóð­enda í Reykja­vík fór fram í gegnum Zoom.

Málið var komið í ferli fyrir for­valið í Suð­ur­kjör­dæmi

Áður en Kol­beinn boð­aði fram­boð í Reykja­vík hafði hann sóst eftir að leiða lista Vinstri grænna í Suð­ur­kjör­dæmi en náði ekki þeim árangri sem hann sótt­ist eftir þar, heldur end­aði í fjórða sæti í for­val­inu á eftir þremur kon­um.

Það for­val fór fram helg­ina 10.-12. apr­íl, eða um tveimur vikum eftir að erindi barst til fagráðs­ins, en ráðið á að kalla saman innan sjö daga frá því að erindi er mót­tekið og fundar fyrst með þeim sem sendi erindið inn, en síðan flokks­fé­lag­anum sjálfum sem erindið til fagráðs­ins laut að.

Ekki liggur fyrir hvort Kol­beinn var búinn að heyra frá fagráð­inu áður en það for­val fór fram, en þing­mað­ur­inn sagði þó í yfir­lýs­ingu sinni í gær að hann hefði vitað af erind­inu barst fagráð­inu hans vegna áður en hann tók ákvörðun um að bjóða sig fram í for­vali flokks­ins í Reykja­vík. Það fram­boð til­kynnti hann um 24. apr­íl.

Auglýsing

„Ég ákvað engu að síður að gefa kost á mér í for­vali Vinstri grænna í Reykja­vík,“ skrif­aði Kol­beinn og bætti við að umræða und­an­far­inna daga, þar sem hund­ruð kvenna hafa vakið máls á kyn­ferð­is­legri áreitni og ofbeldi sem við­gengst í sam­fé­lag­inu, hefði haft áhrif á ákvörðun hans um að hætta við fram­boð.

„Ég er hluti af valda­kerf­inu og ég er hluti af fem­inískum flokki sem á alltaf að standa með kon­um. Ég held að ég geti ekki staðið bæði með mér og kon­unum sem líður illa mín vegna á meðan ég er í fram­boði fyrir VG. Og Vinstri­hreyf­ingin – grænt fram­boð, eða nokkur þar innan borðs, á ekki að þurfa að svara fyrir mína hegð­un,“ skrif­aði Kol­beinn.

Hvernig starfar þetta fagráð?

Fagráðið gegn kyn­bundnu og ein­elti innan VG hefur það hlut­verk að taka við umkvört­unum um ótil­hlýði­lega hátt­semi félaga í VG. Því er ætlað að setja kvart­anir í form­legan far­veg og veita við­eig­andi stuðn­ing við úrvinnslu mála í sam­ráði við þann sem til­kynnir málið inn. Fagráðið hefur heim­ild til að leita sér fræðslu og fag­legrar ráð­gjafar við úrvinnslu mála á hvaða stigi sem er og skal VG fjár­magna hana. Fagráðið er bundið trún­aði gagn­vart máls­að­il­um.

Stjórn flokks­ins skipar þrjá félags­menn í fagráð til tveggja ára á fyrsta stjórn­ar­fundi eftir lands­fund eða flokks­ráðs­fund. Tekið fram í aðgerða­á­ætlun flokks­ins gegn ein­elti, kyn­ferð­is­legri og kyn­bund­inni áreitni og ofbeldi að stjórn­ar­menn VG og starfs­fólk VG skulu ekki sitja í fagráði. Núver­andi fagráð gegn kyn­bundnu ofbeldi og ein­elti innan VG skipa þau Guð­rún Ágústs­dótt­ir, Guð­rún Ágústa Guð­munds­dóttir og Bjarki Þór Grön­feldt.

Verk­lag fagráðs­ins er með þeim hætti að það skal kallað saman innan sjö daga frá því að erindi er mót­tek­ið. Ef grunur leikur á að um refsi­vert athæfi sé að ræða þá leið­beinir fagráðið máls­hefj­anda um kæru til lög­reglu og ef málið fer í þann far­veg, á fagráðið að halda að sér höndum þar til skýrslu­tökum er lok­ið.

Ákveði máls­hefj­andi hins vegar að kæra ekki til lög­reglu en óskar eftir umfjöllun fagráðs skal það gert án taf­ar. Þá er fagráðið kallað saman með máls­hefj­anda og síðan fundar það með meintum ger­anda. Fagráð tekur síðan ákvörðun um far­veg erindis að teknu til­liti til máls­hefj­anda.

Athuga­semd rit­stjórn­ar: Í fyrri útgáfu frétt­ar­innar sagði að ekk­ert mál hefði borist til trún­að­ar­ráðs VG, sem starf­aði áður en fagráð gegn kyn­bundnu ofbeldi og ein­elti tók til starfa árið 2019. Hið rétta er að slík mál voru tvö tals­ins.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Katrín Jakobsdóttir, formaður Vinstri grænna og forsætisráðherra.
Ekki upplýst formlega en leitað til hennar „í krafti vináttu og persónulegra tengsla“
Forsætisráðherra segir að hún hafi ekki verið upplýst formlega um að ráðherra hafi sýnt af sér vanvirðandi framkomu. Þegar leitað sé til hennar sem trúnaðarvinar sé um persónuleg málefni að ræða sem kalli ekki á að hún setji þau í farveg stjórnsýslumála.
Kjarninn 9. desember 2022
Hægt er að horfa á sjónvarp með ýmsum hætti.
Myndlyklum í útleigu fækkað um 25 þúsund á fimm árum
Þeim sem leigja myndlykla fyrir nokkur þúsund krónur á mánuði af fjarskiptafyrirtækjum til að horfa á sjónvarp hefur fækkað um tíu þúsund á einu ári. Fleiri og fleiri kjósa að horfa á sjónvarp í gegnum app.
Kjarninn 9. desember 2022
Hér sést annar mannanna vera leiddur inn í héraðsdóm eftir handtöku í september.
Búið að birta ákæru gegn tveimur mönnum fyrir að skipuleggja hryðjuverk
Í september voru tveir menn handteknir grunaðir um að hafa ætlað að fremja hryðjuverk á Íslandi. Þeir eru taldir hafa ætlað að ráðast að Alþingi og nafngreindum stjórnmálamönnum. Búið er að birta lögmönnum þeirra ákæru.
Kjarninn 9. desember 2022
Litla-Sandfell stendur um 95 metra upp úr Leitahrauni í Þrengslunum.
Náma í Litla-Sandfelli veldur „miklum neikvæðum umhverfisáhrifum“
Skipulagsstofnun telur Eden Mining vanmeta umhverfisáhrif námu í Litla-Sandfelli. Að fjarlægja fjall velti upp þeirri hugmynd „hvort verið sé að opna á þá framtíðarsýn að íslenskar jarðmyndanir verði í stórfelldum mæli fluttar út til sementsframleiðslu“.
Kjarninn 9. desember 2022
Katrín Jakobsdóttir, formaður Vinstri grænna og forsætisráðherra.
Fullyrt að stjórnvöld hafi breytt reglugerð til að aðstoða Pussy Riot eftir beiðni Ragnars
Mikil leynd hefur ríkt yfir því hverjir hafa fengið útgefin sérstök íslensk vegabréf á grundvelli reglugerðarbreytingar sem undirrituð var í vor. Nú er fullyrt að hennii hafi verið breytt eftir að Ragnar Kjartansson leitaði til Katrínar Jakobsdóttur.
Kjarninn 9. desember 2022
Guðbjörg Matthíasdóttir, er stærsti einstaki eigandi Þórsmerkur og Árvakurs ásamt börnum sínum. Hún settist í stjórn félaganna fyrir skemmstu.
Prentsmiðjan og skuldir Árvakurs við hana færðar úr útgáfufélagi Morgunblaðsins
Í lok september var ákveðið að færa prentsmiðjuna Landsprent út úr Árvakri og til móðurfélagsins Þórsmerkur. Með fylgdu skuldir Árvakurs við tengdan aðila, Landsprent, upp á 721 milljón króna. Hlutafé í móðurfélaginu var aukið um 400 milljónir króna.
Kjarninn 9. desember 2022
Aðgerðirnar sem lagðar eru til af ríkisstjórninni til þess að hafa auknar tekjur af umferð bera vott um úrræðaleysi og skammsýni, segja hagsmunasamtök bílgreinarinnar, sem telja notkunargjöld styðja betur við orkuskipti í samgöngum.
Hver ekinn kílómetri á rafbíl kosti sex krónur í stað annarra gjalda
Samtök verslunar og þjónustu og Bílgreinasambandið vilja sjá nýtt notkunargjald leggjast á akstur bíla sem ganga fyrir rafmagni eða vetni, í stað þess að vörugjöld og bifreiðagjöld á þessa bíla hækki eins og gengið er út frá í fjárlagafrumvarpinu.
Kjarninn 8. desember 2022
Bryndís Haraldsdóttir þingmaður Sjálfstæðisflokks er formaður allsherjar- og menntamálanefndar.
Leggja til að fjölskyldur sem ekki var hægt að senda úr landi fái dvalarleyfi
Útlendingafrumvarp dómsmálaráðherra er komið úr nefnd, nánast óbreytt. Stjórnarflokkarnir leggja til bráðabirgðabreytingu um að nokkur hópur fólks með börn, sem ekki var hægt að senda úr landi vegna veirufaraldursins, fái dvalarleyfi hérlendis.
Kjarninn 8. desember 2022
Meira úr sama flokkiInnlent