Fjár­mála- og efna­hags­ráðu­neytið lagð­ist ekki í sér­staka útreikn­inga eða vinnu í aðdrag­anda síð­ustu þing­kosn­inga vegna fyr­ir­spurna um væntar heimtur af stór­eigna­skatti á rík­asta eitt pró­sent lands­manna. Þetta kemur fram í svari þess við fyr­ir­spurn Kjarn­ans um mál­ið. 

Í byrjun sept­em­ber var mætt­ust Jón Gunn­ars­son, þing­maður Sjálf­stæð­is­flokks, og Kristrún Frosta­dótt­ir, þá fram­bjóð­andi Sam­fylk­ing­ar­inn­ar, í útvarps­þætt­inum Harma­geddon og ræddu meðal ann­ars skatta­til­lögur Sam­fylk­ing­ar­innar sem lagðar voru fram í aðdrag­anda síð­ustu kosn­inga. Í þeim fólst meðal ann­ars að leggja á stór­­eigna­skatt­ á hreinar eignir yfir 200 millj­­ónir króna, sem flokk­­ur­inn taldi að myndi skila hátt í 15 millj­­örðum króna á ári í við­­bót­­ar­­tekjur fyrir rík­­is­­sjóð. 

Í umræddum þætti sagði orð­rétt: „Þessar tölur um 20 millj­arða. Við höfum látið reikna þetta út í fjár­mála­ráðu­neyt­inu og okkur sýn­ist að þetta gæti legið í kringum sex millj­arða“.

Svör­uðu ekki fyrr en eftir kosn­ingar

Vegna þess­ara ummæla sendi Kjarn­inn fyr­ir­spurn á fjár­mála- og efna­hags­ráðu­neytið þann 10. sept­em­ber og spurði hvort þessi full­yrð­ing væri rétt, að ráðu­neytið hefði látið starfs­fólk sitt reikna út mögu­legar heimtur vegna kosn­inga­lof­orðs stjórn­ar­and­stöðu­flokks í aðdrag­anda kosn­inga. Svar barst mán­uði síð­ar, 11. októ­ber þegar kosn­ing­arnar voru afstaðn­ar, sem svar­aði fyr­ir­spurn­inni ekki með tæm­andi hætt­i. 

Þar sagði að ekki væri óvana­legt að leitað sé til ráðu­neyt­is­ins og þess óskað að það leggi mat á ýmsar til­lögur og hug­myndir sem fram koma á opin­berum vett­vangi í aðdrag­anda þing­kosn­inga. „Ráðu­neytið hefur fyrir reglu að leggja ekki í sér­staka útreikn­inga af þessu tagi en lýsir sig fúst til að leggja til þau gögn sem geta nýst þeim sem óska eftir mat­inu til að við­kom­andi geti fram­kvæmt eigin athug­anir – enda séu þau gögn til­tæk í ráðu­neyt­in­u. 

­Vegna þess sem snýr að fyr­ir­spurn­inni þinni skal tekið fram að þar var vísað til upp­lýs­inga sem er að finna í svari við fyr­ir­spurn á Alþingi sem ráðu­neytið svar­aði sl. vor.“

Umrætt svar er við fyr­ir­spurn Loga Ein­ars­son­ar, for­manns Sam­fylk­ing­ar­inn­ar, um um eigið fé þeirra fimm pró­sent, eitt pró­sent og 0,1 pró­sent Íslend­inga sem mest eiga. Umrætt svar, sem var birt í byrjun júlí, var til ítar­legrar umfjöll­unar í fjöl­miðl­um, meðal ann­ars í Kjarn­anum, og hafði verið aðgengi­legt á vef Alþingis í rúma tvo mán­uði þegar útvarps­þátt­ur­inn fór fram. 

Í ljósi þess að svar ráðu­neyt­is­ins svar­aði ekki fyr­ir­spurn Kjarn­ans með tæm­andi hætti var hún ítrekuð og gerð ítar­legri. Í nýju svari, sem barst á föstu­dag, segir að ekki hafi verið lagt í „sér­staka útreikn­inga eða vinnu vegna fyr­ir­spurna um væntar heimtur af stór­eigna­skatti á rík­asta 1 pró­sent lands­manna.“

Að öðru leyti er vísað í fyrra svar og það end­ur­tek­ið.