Katrín Jak­obs­dóttir for­sæt­is­ráð­herra telur að á næsta kjör­tíma­bili eigi að skoða „mjög vel“ hvort taka skuli upp þrepa­skipt fjár­magnstekju­skatts­kerfi á Íslandi. Þetta sagði hún í svo­kall­aðri beinni línu á Face­book-­síðu sinni í hádeg­inu í dag.

Þar var hún spurð að því hvern­ig, að hennar mati, hægt væri að gera skatt­kerfið sann­gjarn­ara. Hún sagði að á þessu kjör­tíma­bili hefði verið tekið mik­il­vægt skref er þrepa­skipt tekju­skatts­kerfi var aftur tekið upp, en snemma á árinu 2019 var sam­þykkt að bæta einu þrepi við tekju­skatts­kerf­ið.

Það sagði hún algjört lyk­il­at­riði til að tryggja auk­inn jöfnuð í sam­fé­lag­inu og rétt­lát­ara skatt­kerfi, þannig að þau sem hafa lægri tekjur greiði hlut­falls­lega minna en þau sem hafa hærri tekj­ur.

„Mér finnst að sömu hugsun eigi að beita þegar við horfum á aðra hluta skatt­kerf­is­ins og ég held að það væri skyn­sam­legt að taka upp skoðun á fjár­magnstekju­skatts­kerfi Norð­ur­landa ann­ars vegar og fjár­magnstekju­skatts­kerf­inu á Íslandi. Við auð­vitað hækk­uðum fjár­magnstekju­skatt­inn á þessu tíma­bili, en hækk­uðum líka frí­tekju­mark­ið, og þá þarf að huga að því, viljum við færa okkur lengra inn í eitt­hvert þrepa­skipt kerfi á því sviði. Þetta tel ég að eigi að skoða mjög vel á næsta kjör­tíma­bil­i,“ sagði Katrín.

Í dag greiða ein­stak­lingar 22 pró­sent tekju­skatt af fjár­magnstekjum sem ekki stafa af atvinnu­rekstri, en fjár­magnstekjum má skipta í fjóra flokka; arð, leigu­tekj­ur, sölu­hagnað og vaxta­tekj­ur.

Kjarn­inn sagði frá því í vor að árið 2019 hefði tekju­hæsta 1 pró­sent lands­manna tekið til sín næstum helm­ing allra fjár­magnstekna sem urðu til á Íslandi það ár, eða 44,5 pró­sent. Þetta kom fram í umfjöllun Páls Kol­beins rekstr­ar­hag­fræð­ings í Tíund, frétta­bréfi Skatts­ins.

Í umfjöllun Páls í Tíund var bent á að þeir allra tekju­hæstu á Íslandi eru með lægri skatt­byrði en þeir sem standa þeim næst í tekju­stig­an­um.

Þar sagði orð­rétt: „Ástæða þess að skatt­byrði tekju­hæsta eina pró­sents lands­manna er lægri en skatt­byrði tekju­hæstu fimm pró­sent­anna er sú að fjár­magnstekjur vega þyngra í tekjum þeirra sem eru tekju­hærri á hverjum tíma en skattur af fjár­magnstekjum var 22 pró­sent en stað­greiðsla tekju­skatts og útsvars af laun­um, líf­eyri og trygg­inga­bótum yfir 11.125 þús. kr. var 46,24 pró­sent.“