Svika­póstur í nafni for­seta Íslands hefur verið í dref­ingu síðan fyrir jól. Svo virð­ist sem um eins konar staf­rófs­happa­drætti sé að ræða þar sem „for­set­inn“ seg­ist hafa valið 200 manns af handa­hófi og fer það eftir upp­hafs­staf hversu háa upp­hæð við­kom­andi fær, allt frá 50-90 þús­und krón­um. Mynd af for­seta­hjón­un­um, Guðna Th. Jóhann­essyni og Elizu Reid, fylgir færsl­unni auk mynda af árit­uðum umslögum og pen­inga­seðl­um.

Una Sig­hvats­dótt­ir, sér­fræð­ingur hjá emb­ætti for­seta Íslands, segir svika­síður sem þessar skjóta öðru hverju upp koll­in­um. „Okkur er kunn­ugt um þessa til­teknu síðu og var lög­reglu gert við­vart um hana fyrir jól,“ segir hún.

Þetta er ekki fyrsta dæmið þar sem settar eru upp síður á sam­fé­lags­miðlum í nafni for­seta Íslands en allar síð­urnar hafa verið til­kynntar til lög­reglu að sögn Unu. Hóp­ur­inn þar sem nýjasti svika­póst­ur­inn birtist, sem gengur undir heit­inu „Stétta­bar­áttan“, hefur oftar en einu sinni verið til­kynntur til lög­reglu. „En því miður án árang­urs enn sem komið er,“ segir Una.

Hóp­ur­inn er með fáa fylgj­endur og færsl­urnar fá yfir­leitt lítil við­brögð. Una segir að engu að síður sé mik­il­vægt að fólk hafi var­ann á þar sem alltaf sé hugs­an­legt að ein­hver láti blekkj­ast. Lög­reglan á höf­uð­borg­ar­svæð­inu hefur vakið athygli á svika­síðum sem þessum og í hafa varað við nýrri hrinu af svoköll­uðum vef­veiðum (e. phising). Lög­reglan beinir því til fólks sem fær svindl­pósta eða er í vafa að hafa sam­band með tölvu­pósti, abend­ing­ar@l­r­h.is eða cybercri­me@l­r­h.­is. „Ef þið eruð í vafa, spyrjið okk­ur,“ segir í Face­book-­færslu lög­regl­unnar frá því í des­em­ber.