Karen Kjart­ans­dótt­ir, sem hefur verið fram­kvæmda­stjóri Sam­fylk­ing­ar­innar í tvö og hálft ár, hefur hætt störfum hjá flokkn­um. Upp­sögnin á sér stað þegar innan við hálft ár er til næstu þing­is­kosn­ing­ar, sem fara fram 25, sept­em­ber næst­kom­andi.

Í stöðu­upp­færslu sem Karen birti á Face­book-­síðu á vegum Sam­fylk­ing­ar­innar seg­ir: „Á síð­asta lands­fundi kusu flokks­menn nýjan for­mann fram­kvæmda­stjórn­ar, það liggur í eðli starf­sem­innar að fram­kvæmd­ar­stjóri og for­maður fram­kvæmda­stjórnar þurfi að eiga mjög náið sam­starf. Fljót­lega kom í ljós að hug­myndir okkar um sam­starfið væru of ólíkar til að það gæti geng­ið. Ég tel því far­sæl­ast fyrir Sam­fylk­ing­una að leiðir skilji á þessum tímamótum og áður en kosn­inga­barátta hefst af fullum kraft­i.“

Vís­ir.is greindi fyrst frá.

Sá sem ágrein­ingur Karenar er við er Kjartan Val­garðs­son. Hann var kjör­inn for­maður fram­kvæmda­stjórnar Sam­fylk­ing­ar­innar í nóv­em­ber í fyrra en hefur starfað innan flokks­ins frá stofnun í ýmsum trún­að­ar­störf­um.

Karen var ráðin fram­kvæmda­stjóri Sam­fylk­ing­ar­innar í sept­em­ber 2018. Þar áður hafði hún síð­ast gengt stöðu upp­lýs­inga­full­trúa United Sil­icon og starfað sem upp­lýs­inga­full­trúi Sam­taka fyr­ir­tækja í sjáv­ar­út­vegi. Karen starf­aði einnig lengi sem blaða- og frétta­mað­ur.

Staða fram­kvæmda­stjóra flokks­ins hafði verið laus frá kosn­ing­unum 2016, þegar fyrr­ver­andi fram­kvæmda­stjóri Krist­ján Guy Burgess sagði starfi sín lausu eftir lélega útkomu flokks­ins í þing­is­kosn­ing­um.