Frið­rik Jóns­son hefur verið kjör­inn nýr for­maður Banda­lags háskóla­manna (BHM) til tveggja ára í raf­rænni kosn­ingu sem lauk á hádegi í dag. Þetta kemur fram í til­kynn­ingu frá BHM.

Frið­rik hlaut 69,5 pró­sent atkvæða í kosn­ing­unni en Mar­í­anna H. Helga­dótt­ir, for­maður Félags íslenskra nátt­úru­fræð­inga, sem einnig bauð sig fram í emb­ætt­ið, hlaut 30,5 pró­sent atkvæða. Raf­ræn kosn­ing hófst 13. maí og lauk sem fyrr segir á hádegi í dag. Sam­tals voru 189 aðal­fund­ar­full­trúar á kjör­skrá og af þeim greiddu 187 atkvæði í kosn­ing­unni. Kosn­inga­þátt­taka var því um 99 pró­sent.

Tekur hann við sem for­maður BHM á aðal­fundi banda­lags­ins næst­kom­andi fimmtu­dag, að því er fram kemur í tillkynn­ing­unni. Frið­rik er einnig for­maður Félags háskóla­mennt­aðra starfs­manna Stjórn­ar­ráðs­ins.

„Frið­rik Jóns­son er fæddur árið 1967 og hefur und­an­farin 25 ár starfað innan utan­rík­is­þjón­ustu Íslands. Meðal ann­ars hefur hann starfað á vett­vangi Alþjóða­bank­ans, Atl­ants­hafs­banda­lags­ins og Sam­ein­uðu þjóð­anna og í sendi­ráðum Íslands í Was­hington og Kaup­manna­höfn. Hann hefur einnig verið for­stöðu­maður GRÓ, þekk­ing­ar­mið­stöðvar þró­un­ar­sam­vinnu, og full­trúi Íslands í emb­ætt­is­manna­nefnd Norð­ur­skauts­ráðs­ins. Frið­rik er með MA-gráðu í alþjóða­sam­skiptum og MBA-gráðu í alþjóða­við­skipt­um. Hann var kjör­inn for­maður Félags háskóla­mennt­aðra starfs­manna Stjórn­ar­ráðs­ins á aðal­fundi félags­ins síð­ast­liðið haust,“ segir í til­kynn­ing­unni.