Lög­reglu­stjór­inn í Vest­manna­eyjum hefur ekki verið að skora mörg vin­sæld­ar­stig eftir að hún sendi út bréf til allra við­bragðs­að­ila sem tengj­ast þjóð­há­tíð í Eyjum og brýndi fyrir þeim að upp­lýsa fjöl­miðla ekki um kyn­ferð­is­brot sem gætu komið upp á hátíð­inni um helg­ina. Þrátt fyrir að lög­reglu­stjór­inn, Páley Borg­þórs­dótt­ir, hafi gefið það út að þetta sé gert til að hlífa brota­þolum við umfjöllun virð­ast flestir gagn­rýnendur vera á þeirri skoðun að til­gang­ur­inn sé mun frekar að verja hátíð­ina fyrir slæmu umtal­i. Á meðal þeirra sem hafa gagn­rýnt hina meintu þöggun eru Blaða­manna­fé­lag Íslands, Félag frétta­manna, Stíga­mót og þolendur sem hafa orðið fyrir kyn­ferð­is­brotum á Þjóð­há­tíð.

Fjöl­miðla­mað­ur­inn Helgi Seljan benti síðan á það í stöðu­upp­færslu á Face­book í gær að svo virð­ist sem þessi regla um að segja ekki frá kyn­ferð­is­brotum virð­ist nýtil­komin hjá lög­regl­unni í Vest­manna­eyj­um. Þar hlekkjar hann á frétt frá emb­ætt­inu sem birt­ist 7. júlí síð­ast­lið­inn þar sem greint er frá rann­sókn á meintu kyn­ferð­is­brota­máli sem hafði verið til­kynnt til lög­reglu tveimur dögum áður­ og fjöl­miðlar höfðu þegar greint frá.

Því má vel velta því fyrir sér hvað hafi breyst hjá lög­regl­unni í Vest­manna­eyjum á þeim tæpa mán­uði sem er lið­inn frá því að hún greindi frá meintu kyn­ferð­is­broti á heima­síðu sinni þar til að hún vill ekki að neinn fái að vita af því ef kyn­ferð­is­brot verður framið í umdæmi henn­ar. Þ.e. annað en það að Þjóð­há­tíð í Vest­manna­eyj­um, sem færir sam­fé­lag­inu í Eyj­u­m hund­ruð millj­óna króna í tekjur árlega, fer fram um helg­ina.