Geim­far hefur aldrei kom­ist nærri Plútó og í dag þegar New Horizons-könn­un­ar­farið flaug nærri þess­ari ystu plánetu Sól­kerf­is­ins í dag. Það þótti einnig gleði­efni í morgun að stærstu iðn­ríki heims næðu sam­komu­lagi við Íran um kjarn­orku­á­ætlun þeirra.

Eld­gos á Jövu í Indónesíu heldur hins vegar áfram að gera fólki lífið leitt á eyj­unni en Raun­g-fjall hefur nú gosið síðan í júní. Í Jemen þarf fólk enn að grafa ást­vini sína sem farist hafa í loft­árásum Sádí-­Araba og banda­manna þeirra.

Raun-fjall spúir ösku og hrauni upp í loftið á eyj­unni Jövu í Indónesíu. Yfir­völd á Jövu hafa þegar þurft að loka fjórum flug­völlum vegna eld­goss­ins sem staðið hefur síðan 24. júní. Nú hefur við­vör­un­ar­stigi verið lyft á næst hæsta stig. (Mynd: EPA)

Palest­ínu­menn eyða tíma á Gaza-­strönd í Rama­dan-­mán­uði. Þá fasta múslimar á meðan sólin skín. Á kvöldin eru haldnar veislur fram á nótt, Guð lof­aður og lesið úr Kór­an­inum í faðmi fjöl­skyldu og vina.

Íranir hafa kom­ist að sam­komu­lagi við stærslu iðn­veldi heims að hægja á og minnka umfang kjarn­orku­á­ætl­unar sinnar gegn því að við­skipta­þving­unum verði létt af land­inu. Hér sjást Feder­ica Mog­her­ini, utan­rík­is­mála­stjóri ESB, og Javad Zarif, utan­rík­is­ráð­herra Íran, kjósa um málið í Aust­ur­ríki í morg­un­.

Jarð­ar­för 24 fórn­ar­lamba loft­árása Sádí-­Araba og banda­manna þeirra var gerð í Sana'a í Jemen í dag. Fólkið féll í árás sem gerð var í gær en sam­kvæmt fregnum jem­enskra fjöl­miðla lét­ust að minnsta kosti 30 manns og 45 aðrir særð­ust.

Ann­ette Tombaug­h-Sitze, dóttir Clyde Tombaugh sem uppgvötaði Plútó fyrstur allra árið 1930, fagn­aði í höf­uð­stöðvum leið­ang­urs New Horizons-könn­un­ar­fars­ins fram hjá þess­ari ystu plánetu Sól­kerf­is­ins. Þetta er fyrsti geim­leið­angur mann­kyns til Plútó og Kuiper-belt­is­ins yst í Sól­kerf­in­u.