Gauti Jóhann­es­son, for­seti sveit­ar­stjórnar í Múla­þingi, ætlar ekki að sækj­ast eftir því að taka sæti á lista Sjálf­stæð­is­flokks­ins í alþing­is­kosn­ing­unum í haust. Hann hafn­aði í þriðja sæti í próf­kjöri flokks­ins sem fram fór í gær, en hafði sóst eftir odd­vita­sæt­inu, sem féll í skaut þing­manns­ins Njáls Trausta Frið­berts­son­ar.

„Úr­slitin eru mér von­brigði en vilji kjós­enda er skýr og við nið­ur­stöð­una verður að una. Ég sótt­ist eftir að leiða list­ann, það varð ekki og af þeim sökum mun ég ekki sækj­ast eftir að taka sæti á lista Sjálf­stæð­is­flokks­ins við kosn­ingar til Alþingis í haust,“ skrifar Gauti í færslu á Face­book í dag.

Berg­lind Ósk Guð­munds­dóttir lög­fræð­ingur og vara­bæj­ar­full­trúi á Akur­eyri hafn­aði í öðru sæti í próf­kjör­inu, en hún sótt­ist eftir því sæti og fékk fleiri atkvæði í efstu tvö sætin en Gaut­i.

Hann vildi leiða list­ann og hafði lagt áherslu á það í próf­kjörs­bar­áttu sinni að mik­il­vægt væri að sjálf­stæð­is­menn á Aust­ur­landi ættu sér full­trúa í for­ystu­sæti í kjör­dæm­inu.

Sjálf­stæð­is­flokk­ur­inn er með tvo þing­menn í kjör­dæm­inu eins og er, þá Krist­ján Þór Júl­í­us­son sem er að hætta í stjórn­málum og Njál Trausta.

Flokk­ur­inn fékk 20,3 pró­sent atkvæða þar haustið 2017 sem var tölu­vert undir heild­ar­kjör­fylgi hans sem var 25,2 pró­sent. Sjálf­stæð­is­flokk­ur­inn er samt sem áður stærsti flokk­ur­inn í Norð­aust­ur­kjör­dæmi eins og er þar sem hann fékk 88 atkvæðum fleiri en Vinstri græn þegar síð­ast var talið upp úr kjör­köss­un­um.