Íbúar stjál­býlla svæða í Kenía munu þurfa á neyð­ar­að­stoð að halda á næstu sex mán­uðum ef sama munstur í veð­ur­fari þar heldur áfram. Íbúar lands­ins segj­ast ekki hafa séð regn­dropa í fjóra mán­uði. Alþjóð­legur dagur vatns­ins var hald­inn á sunnu­dag­inn til að minna á vand­ann sem steðjar að íbúum þurra svæða í heim­in­um.

Hér að neðan má sjá valdar myndir frá frétt­næmum atburðum af erlendum vett­vangi und­an­farna daga.

Soyuz-­geim­far Rússa var reist á skot­palli í Kasakstan í morg­un. Flaugin mun rísa frá jörðu, ef allt gengur að óskum, 28. mars með þrjá geim­fara inn­an­borðs. Það eru Scott Kelly frá NASA, Mik­hail Korni­enko og Gennady Padalka frá rúss­nesku geim­ferða­stofn­un­inni. Þeir ferð­ast til Alþjóða­geim­stöðv­ar­innar og skilja Kelly og Korni­enko eftir til að búa í geim­stöð­inni þar til í mars 2016.

Virkni eld­fjalls­ins Vill­arrica í Chile hefur ekki verið meiri síðan það fór að bæra á sér í byrjun síð­asta mán­að­ar. Þar hófst svo eld­gos 3. mars. Flytja þurfti hátt í 4.000 manns í nálægum byggðum á brott af örygg­is­á­stæð­um. (Mynd: EPA)

Ungur drengur sækir vatn í litla laug í ann­ars þurrum árfar­vegi í suð­austur Kenía á sunnu­dag­inn þegar alþjóð­legur dagur vatns­ins var hald­inn. Íbúar þurra svæða í Kenía og víðar hafa þurft að eiga við veru­lega lélega regn­tíð und­an­farið ár. Stjórn­völd í Kenía segja að 1,6 millj­ónir manna sjái fram á alvar­legan fæðu­skort að þar þurfi neyð­ar­að­stoð innan sex mán­aða. Íbúar Mat­inyan­i-hér­aðs í Kenía segj­ast ekki hafa séð regn­dropa í fjó­ara mán­uði. Þús­undir Ken­íu­búa þurfa auk­inn heldur að ganga tugi kíló­metra til að kom­ast í drykkj­ar­hæft vatn. (Mynd: EPA)

Áströlsk þyrla lendir á her­skipi eftir hjálp­ar­leið­angur til Vanu­atu þar sem felli­byl­ur­inn Pam fór yfir á dög­unum og skyldi mörg þorp eyj­anna í rúst. Ástr­alir veittu eyja­skeggjum strax aðstoð um miðjan þennan mánuð og sigldu her­skip­inu HMAS Tobruk til eyj­anna hlöðnu af nauð­synja­vör­u­m.

Dreng­ur­inn Samuel stendur hér með föður sínum Phillip í rústum heim­ilis þeirra í Port Villa, höf­uð­borg Vanu­atu, eftir að felli­byl­ur­inn Pam gekk yfir eyj­arn­ar. Veðrið hvarf af veð­ursjám 22. mars en hafði þá lagt fjöl­mörg þorp í rúst á eyjum í sunn­an­verðu Kyrra­hafi. Ham­far­irnar eru taldar vera þær verstu í sögu Vanu­at­u.