Hinsegin fólk í Úganda hafði hægt um sig í Gaypride-­göngu þar í landi um helg­ina. Sam­kyn­hneigð er bönnuð með lögum í Úganda og refs­ing getur verið lífs­tíðar fang­elsi. Stjórn­völd í Úganda hafa meira að segja viljað láta dauða­dóm vera refs­ingu fyrir sam­kyn­hneigð.

Hinsegin fólk hafði því allan vara á þegar þau fóru í göng­una í bænum Entebbe við Vikt­or­íu­vatn, suð­vestan við höf­uð­borg­ina Kampala. Um það bil 400 manns báru grímur eða huldu and­lit sín til þess að þekkj­ast ekki.

Félags­leg and­staða gegn sam­fé­lagi hinsegin fólks hefur auk­ist í Afr­íku­land­inu und­an­farin ár og hefur Yoweri Museveni, for­seti lands­ins, hefur meira að segja hvatt fólk til að til­kynna „grun­sam­leg­ar“ sam­kyn­hneigðar kennd­ir.

Lög­regla hefur hins vegar minnkað árásir sínar á heim­ili sam­kyn­hneigðra og útburður sam­kyn­hneigðra íbúa á heim­ilum þar sem margir hinsegin haf­ast við hefur minnk­að. „Við erum ánægð með að stjórn­völd átti sig á að það eru brýnni mál en kyn­hneigð fólks,“ sagði Kasha Jacqueline, ein þeirra sem tók þátt í göng­unni. „En bar­áttan heldur áfram.“

Fyrsti þáttur Stephen Fry um sam­kyn­hneigð í heim­in­um.

Fry heim­sækir meðal ann­ars Úganda þar sem hann ræðir við ráð­herra þar í landi og prest.