Vinnu­mála­stofnun segir að greiðslur Ábyrgða­sjóðs launa til fjög­urra fyrr­ver­andi starfs­manna starfs­manna­leig­unnar Manna í vinnu virð­ist ekki hafa verið í sam­ræmi við lög.

Þetta kemur fram í yfir­lýs­ingu frá stofn­un­inni í kvöld, en eins og Kjarn­inn sagði frá í dag sendi Efl­ing frá sér til­kynn­ingu um málið þar sem sagði að í ljósi greiðslna Ábyrgð­ar­sjóðs myndi stétt­ar­fé­lagið ekki styðja við kæru til Lands­réttar vegna frá­vís­unar á kröfum félaga sinna í síð­asta mán­uð­i.

„Af­greiðsla á launa­kröfum í þrota­bú­inu í febr­úar og mars, virð­ist ekki vera í sam­ræmi við lög og mun Vinnu­mála­stofnun taka máls­með­ferð sjóðs­ins til end­ur­skoð­unn­ar. Kröf­urnar voru afgreiddar í sam­ræmi við sam­þykki skipta­stjóra þrota­bús­ins sem lá fyrir síð­ast­liðið haust. Í kjöl­far nið­ur­stöðu hér­aðs­dóms 24. febr­úar sl.var til­efni til end­ur­skoð­unar á afgreiðslu umrædds þrota­bús. Það var yfir­sjón að afgreiða þessar kröfur án til­lits til umrædds dóms,“ segir í yfir­lýs­ingu Vinnu­mála­stofn­un­ar.

Vinnu­mála­stofnun tekur fram í yfir­lýs­ing­unni að engin afstaða sé tekin af hálfu stofn­un­ar­innar til þeirra mála­ferla sem Efl­ing á í við þrotabú Menn í vinnu og fyr­ir­tækið Eldum rétt.