Hagnaður Ísfélagsins næstum þrefaldaðist og eigendurnir fengu 1,9 milljarða króna í arð

Eitt stærsta útgerðarfyrirtæki landsins, sem er að uppistöðu í eigu Guðbjargar Matthíasdóttur og barna hennar, átti eigið fé upp á 40,8 milljarða króna um síðustu áramót. Fjölskyldan er umsvifamikil í fjárfestingum í rekstri ótengdum sjávarútvegi.

Guðbjörg Matthíasdóttir er stærsti eigandi Ísfélags Vestmannaeyja.
Guðbjörg Matthíasdóttir er stærsti eigandi Ísfélags Vestmannaeyja.
Auglýsing

Ísfé­lag Vest­manna­eyja hagn­að­ist um 5,3 millj­arða króna á síð­asta ári, ef miðað er við gengi Banda­ríkja­dals í lok árs 2021, en fyr­ir­tækið gerir upp í þeirri mynt. Hagn­að­ur­inn næstum þre­fald­að­ist milli ára en hann var 1,8 millj­arðar króna árið 2020 miðað við gengi Banda­ríkja­dals í lok þess árs. Veik­ing krón­unnar í fyrra jók hagn­að­inn, þegar hann er umreikn­aður í íslenskar krón­ur, lít­il­lega. 

Rekstr­ar­tekjur Ísfé­lags­ins í upp­gjörs­mynt­inni juk­ust um 59 pró­sent milli ára og voru um 16,4 millj­arðar króna. Eigið fé Ísfé­lags­ins um síð­ustu ára­mót var 40,8 millj­arðar króna og jókst það um 3,5 millj­arða króna milli ára þrátt fyrir að útgerðin hafi fjár­fest í tveimur nýjum upp­sjáv­ar­skip­um. Vaxta­ber­andi skuldir Ísfé­lags­ins lækk­uðu um næstum 2,6 millj­arða króna á árinu 2021 og eig­in­fjár­hlut­fall útgerð­ar­innar var 58,3 pró­sent í lok síð­asta árs.

Þetta er meðal þess sem fram kemur í árs­reikn­ingi Ísfé­lags­ins sem var nýlega birtur í árs­reikn­inga­skrá Skatts­ins. Þar segir að góður rekstur á árinu, þar sem tekjur og afkoma juk­ust mikið frá fyrra ári, skýrð­ist „einna helst af loðnu­ver­tíð á árinu 2021 en ekki voru stund­aðar loðnu­veiðar síð­ustu tvö ár þar á und­an.“

Auglýsing
Þegar Krist­ján Þór Júl­í­us­son, þáver­andi sjáv­ar­út­vegs­ráð­herra, und­ir­rit­aði reglu­gerð um úthlutun á stærsta loðnu­kvóta í 20 ár þann 13. októ­ber í fyrra fengu þrjár útgerðir 56,5 pró­­sent af þeim loðn­u­kvóta sem var úthlut­að. Ísfé­lag Vest­­manna­eyja fékk mest, 19,99 pró­­sent. Síld­­ar­vinnslan og tengd félög komu þar á eftir með 18,5 pró­­sent og Brim var í þriðja sæti með um 18 pró­­sent. 

Að mestu í eigu einnar fjöl­skyldu

Ísfé­lagið gerir út sjö fiski­skip frá Vest­manna­eyj­um, fjögur upp­sjáv­ar­skip, tvö bol­fisk­skip og einn króka­bát. Helstu starfs­þættir félags­ins eru fryst­ing sjáv­ar­af­urða, fiski­mjöls- og lýs­is­fram­leiðsla og útgerð fiski­skipa. 230 starfs­menn starfa hjá fyr­ir­tæk­inu til sjós og lands, en það rekur frysti­hús og fiski­mjöls­verk­smiðjur í Vest­manna­eyjum og á Þórs­höfn.

Alls eru hlut­hafar 131 tals­ins en ÍV fjár­fest­inga­fé­lag á 89 pró­sent hlut í Ísfé­lagi Vest­manna­eyja og tíu stærstu eig­end­urnir eiga yfir 98 pró­sent. Stærsti beini eig­andi þess er Guð­björg Matth­í­as­dótt­ir, sem á 91,7 pró­sent hlut í ÍV fjár­fest­inga­fé­lagi, en auk þess eiga börn hennar hlut. 

Stjórn Ísfé­lags­ins lagði til á síð­asta aðal­fundi að greiddur yrði út arður upp á 15 millj­ónir Banda­ríkja­dala vegna frammi­stöðu útgerð­ar­innar á árinu 2021. Miðað við gengi í lok síð­asta árs eru það um 1,9 millj­arðar króna. Það er ívið lægri upp­hæð en Ísfé­lagið greiddi í heild í tekju­skatt á síð­asta ári, en sú upp­hæð nam tæp­lega 1,3 millj­örðum króna. Hagn­aður Ísfé­lags­ins fyrir afskrift­ir, skatta og fjár­magns­gjöld (EBIT­DA-hagn­að­ur) var um 7,1 millj­arður króna. Af þeim hagn­aði fór því um 18 pró­sent í tekju­skatt. Ekki er til­greint í árs­reikn­ingi hvað var greitt í veiði­gjald á árinu 2021. 

Stærstu eig­endur Ísfé­lags­ins eru afar umsvifa­miklir á öðrum sviðum atvinnu­lífs­ins en sjáv­ar­út­vegi. Á meðal eigna Guð­bjargar og fjöl­skyldu hennar er stór hluti í Árvakri, útgáfu­fé­lagi Morg­un­blaðs­ins, sem hún hefur stutt við með hluta­fjár­aukn­ingu á und­an­förnum árum sam­hliða miklum tap­rekstri útgáfu­fé­lags­ins. Auk þess á fjöl­skyldan meðal ann­ars hluti í ýmsum skráðum félög­um, allt hlutafé í ÍSAM, einu stærstu inn­­­­­flutn­ings- og fram­­­leiðslu­­­fyr­ir­tækis lands­ins og fjöl­margar fast­eign­ir.

Þriðj­ungur fros­inna upp­sjávaaf­urða fóru til Úkra­ínu

Í árs­reikn­ingnum er vikið að atburðum sem áttu sér stað eftir lok reikn­ings­árs­ins sem geta haft áhrif á rekst­ur­inn, nánar til­tekið inn­rás Rúss­lands í Úkra­ínu í lok febr­ú­ar. Þar segir að Ísfé­lagið hafi í gegnum árin átt í tölu­verðum við­skiptum við fyr­ir­tæki í Úkra­ínu en um þriðj­ungur fros­inna upp­sjáv­ar­af­urða félags­ins hafa verið seld þangað síð­ast­liðin ár. „Mikil óvissa er um þróun mark­aða í Úkra­ínu en eins og sakir standa er erfitt að meta mögu­leg áhrif á við­skipti og fjár­hags­lega stöðu Ísfé­lags­ins vegna ástands­ins í Úkra­ínu. Fjár­hags­leg staða félags­ins er sterk og engin hætta á að stríðs­á­tökin hafi áhrif á rekstr­ar­hæfi þess.“

Á öft­ustu síðum árs­reikn­ings Ísfé­lags Vest­manna­eyja eru birt yfir­lit yfir ófjár­hags­legar upp­lýs­ingar um fyr­ir­tæk­ið, meðal ann­ars sam­fé­lags­lega ábyrgð þess. Þær upp­lýs­ingar eru nú mun ítar­legri en þær hafa áður ver­ið. Í kafla sem ber und­ir­heitið „Mannauð­ur“ segir meðal ann­ars: „Hjá Ísfé­lag­inu er lögð áhersla á að starfs­menn sýni heil­indi í starfi. Hvorki spill­ing né mútu­þægni er liðin og vinnur félagið að því að setja starfs­mönnum félags­ins form­legar siða­regl­ur.“

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Meghan og Harry kynntust á Instagram. Hljómar kannski ekki eins og ævintýri, enda hafa þau sagt skilið við slík, að minnsta kosti konungleg ævintýri.
Sannleikur Harrys og Meghan – frá þeirra eigin sjónarhorni
Harry og Meghan fundu sig knúin til að segja „sinn eigin sannleika“ af samskiptum þeirra við konungsfjölskylduna og ákvörðun þeirra að segja skilið við allar konunglega skyldur. Sannleikurinn er nú aðgengilegur á Netflix en sitt sýnist hverjum.
Kjarninn 9. desember 2022
Ingrid Kuhlman
Sjö tegundir hvíldar
Kjarninn 9. desember 2022
Tillaga Andrésar Inga Jónsson, þingmanns Pírata, um að fresta umræðu um breytingu á lögum um útlendinga fram yfir áramót var felld við upphaf þingfundar. Stjórnarandstaðan sakar meirihlutann um að setja fjölda mála í uppnám með þessu.
Segja stjórnarmeirihlutann stilla öryrkjum upp á móti útlendingum
Tillaga þingmanns Pírata um að taka af dagskrá frumvarp um alþjóðlega vernd var felld á Alþingi. Stjórnarandstöðuþingmenn segja það fáránlegt að afgreiða eigi frumvarpið áður en eingreiðsla til öryrkja verði tekin fyrir á þingi.
Kjarninn 9. desember 2022
Katrín Jakobsdóttir, formaður Vinstri grænna og forsætisráðherra.
Ekki upplýst formlega en leitað til hennar „í krafti vináttu og persónulegra tengsla“
Forsætisráðherra segir að hún hafi ekki verið upplýst formlega um að ráðherra hafi sýnt af sér vanvirðandi framkomu. Þegar leitað sé til hennar sem trúnaðarvinar sé um persónuleg málefni að ræða sem kalli ekki á að hún setji þau í farveg stjórnsýslumála.
Kjarninn 9. desember 2022
Hægt er að horfa á sjónvarp með ýmsum hætti.
Myndlyklum í útleigu fækkað um 25 þúsund á fimm árum
Þeim sem leigja myndlykla fyrir nokkur þúsund krónur á mánuði af fjarskiptafyrirtækjum til að horfa á sjónvarp hefur fækkað um tíu þúsund á einu ári. Fleiri og fleiri kjósa að horfa á sjónvarp í gegnum app.
Kjarninn 9. desember 2022
Hér sést annar mannanna vera leiddur inn í héraðsdóm eftir handtöku í september.
Búið að birta ákæru gegn tveimur mönnum fyrir að skipuleggja hryðjuverk
Í september voru tveir menn handteknir grunaðir um að hafa ætlað að fremja hryðjuverk á Íslandi. Þeir eru taldir hafa ætlað að ráðast að Alþingi og nafngreindum stjórnmálamönnum. Búið er að birta lögmönnum þeirra ákæru.
Kjarninn 9. desember 2022
Litla-Sandfell stendur um 95 metra upp úr Leitahrauni í Þrengslunum.
Náma í Litla-Sandfelli veldur „miklum neikvæðum umhverfisáhrifum“
Skipulagsstofnun telur Eden Mining vanmeta umhverfisáhrif námu í Litla-Sandfelli. Að fjarlægja fjall velti upp þeirri hugmynd „hvort verið sé að opna á þá framtíðarsýn að íslenskar jarðmyndanir verði í stórfelldum mæli fluttar út til sementsframleiðslu“.
Kjarninn 9. desember 2022
Katrín Jakobsdóttir, formaður Vinstri grænna og forsætisráðherra.
Fullyrt að stjórnvöld hafi breytt reglugerð til að aðstoða Pussy Riot eftir beiðni Ragnars
Mikil leynd hefur ríkt yfir því hverjir hafa fengið útgefin sérstök íslensk vegabréf á grundvelli reglugerðarbreytingar sem undirrituð var í vor. Nú er fullyrt að hennii hafi verið breytt eftir að Ragnar Kjartansson leitaði til Katrínar Jakobsdóttur.
Kjarninn 9. desember 2022
Meira úr sama flokkiInnlent