„Ef kenn­arar veita mér traust og þá er ég fús, viljug og áhuga­söm um að leiða kenn­ara­stétt­ina næstu fjögur árin,“ skrifar Hanna Björg Vil­hjálms­dótt­ir, kenn­ari í Borg­ar­holts­skóla og for­kona jafn­réttis­nefndar Kenn­ara­sam­bands­ins, á Face­book-­síðu sína í dag þar sem hún til­kynnir um þá ákvörðun sína að bjóða sig fram til for­manns sam­bands­ins.

Ragnar Þór Pét­urs­son, for­maður til fjög­urra ára, ætlar ekki að gefa kost á sér til áfram­hald­andi for­mennsku. Það til­kynnti hann á föstu­dag og sagð­ist ætla að snúa aftur til kennslu.

Hanna Björg hefur vakið athygli í sam­fé­lag­inu síð­ustu vikur eftir pistil sem hún skrif­aði á Vísi í ágúst undir fyr­ir­sögn­inni: Um KSÍ og kven­fyr­ir­litn­ingu. Í kjöl­far hans hófst mikil umræða í sam­fé­lag­inu um ásak­anir um kyn­ferð­is­of­beldi og áreitni liðs­manna karla­lands­liðs­ins í fót­bolta og við­brögð KSÍ við þeim.

„Ég hef starfað með for­ystu fram­halds­skóla­kenn­ara lengur en ég man – farið í gegnum samn­inga, ósætti, sigra og ósigr­a,“ skrifar Hanna Björg í fram­boðstil­kynn­ingu sinni. „Sú reynsla og þekk­ing á Kenn­ara­sam­band­inu er dýr­mæt og ég tel að hún muni nýt­ast mér í frekara starf innan sam­bands­ins og í þágu kenn­ara. Allir kenn­arar á öllum skóla­stigum eru mik­il­vægir og ég mun sann­ar­lega gera mér far um að vera málsvari allra.

Frá því ég hóf störf sem kenn­ari hef ég haft áhuga og metnað fyrir bæði menntun í land­inu og kjara­málum stétt­ar­inn­ar. Það verður leið­ar­stef mitt ef kenn­arar treysta mér til for­ystu. Grund­völlur kraft­mik­illar kjara­bar­áttu er sterk sjálfs­mynd stétt­ar­innar og rík fag­vit­und. Kenn­ara­starfið er mik­il­væg­asta starf­ið.“

Frestur til að bjóða sig fram til for­manns Kenn­ara­sam­bands­ins rennur út 4. októ­ber.