„Þá er þessum kafla lok­ið. Ég tap­aði. Auð­vitað er ég aum, súr og spæld en ég verð fljót að jafna mig. En ég er líka hugsi.“

Þetta skrifar Hanna Björg Vil­hjálms­dótt­ir, fram­halds­skóla­kenn­ari og fram­bjóð­andi til emb­ættis for­manns Kenn­ara­sam­bands Íslands (KÍ) í stöðu­upp­færslu á Face­book-­síðu sinni í dag.

Nið­ur­stöður lágu fyrir í gær og var Magnús Þór Jóns­­son, skóla­stjóri í Selja­skóla, kjör­inn nýr for­­maður KÍ með tæp 42 pró­sent atkvæða. Hanna Björg hlaut rúm 16 pró­­sent atkvæða í raf­rænni atkvæða­greiðslu.

Hanna Björg segir í stöðu­upp­færsl­unni að stærsta kvenna­stétt á Íslandi hafni konum – aftur og aftur og aft­ur. „Einkum og sér í lagi femíniskri konu. Þar sem ég er helst þekkt fyrir jafn­rétt­is­starf mitt í skóla­kerf­inu, þá hef ég áhyggj­ur. Hver er staða jafn­rétt­is­mála í skólum lands­ins? Ég hef sagt og segi enn, skóla­kerfið er annað hvort hluti af vand­anum eða lausn­inni. Það verður aldrei jafn­rétti á Íslandi ef skóla­kerfið er ekki virkur aðili í þeirri veg­ferð. Hverjar eru horf­urn­ar? Sú stað­reynd að ég er umdeild vegna jafn­rétt­is­vinnu minnar – segir okkur að jafn­rétt­is­hug­sjónin er umdeild og hvernig komumst við þá áfram?“ spyr hún.

„Eigum enn langt í jafn­rétt­is­landið og paradís­ina“

Við kenn­ara vill Hanna Björg segja: „Ég vona að nið­ur­staða kosn­ing­anna sé ekki vís­bend­ing um við­horf ykkar til inn­leið­ingar jafn­rétt­is­hug­sjón­ar­innar í skóla­kerf­ið. Við ykkur hin vil ég segja – við eigum enn langt í jafn­rétt­is­landið og paradís­ina. Ég er stolt af kosn­inga­bar­átt­unni minni sem var heið­ar­leg, ein­læg og mál­efna­leg.“

Þá þakkar Hanna Björg þeim 1.083 kenn­urum sem kusu hana. „Auð­mjúkar þakkir fyrir öll fal­legu orð­in, ein­læga stuðn­ing­inn og allt peppið frá fjöl­skyld­unni minni, vinum og þeim sem ég þekki ekki neitt – ég bý að þessu alla ævi.

Ég óska kenn­ara­stétt­inni þess að vera sam­einuð og sterk, og ég óska verð­andi for­manni far­sældar í starf­i,“ skrifar hún að lok­um.