Nefnd­ar­menn fjár­mála­stöð­ug­leika­nefndar Seðla­bank­ans hafa fylgst með hugs­an­legri eigna­bólu á hús­næð­is­mark­aði og óhóf­legri skulda­söfnun vegna vænts skorts á hús­næð­is­fram­boði á höf­uð­borg­ar­svæð­inu á síð­ustu mán­uð­um. Þrátt fyrir áfram­hald­andi sam­drátt í íbúða­bygg­ingu telur nefndin ekki ástæðu til að þrengja að lána­skil­yrðum bank­anna þessa stund­ina.

Reiðu­búin að þrengja að á lána­mark­aði

Sam­kvæmt fund­ar­gerð nefnd­ar­innar síð­ast­lið­inn des­em­ber­mánuð vænti hún þess að hús­næð­is­skortur væri yfir­vof­andi á höf­uð­borg­ar­svæð­inu. Hún bætti þó við að verð­hækk­anir væru enn hóf­legar og ekki hefðu komið fram vís­bend­ingar um óheil­brigðan skulda­vöxt. Aftur á móti væru nefnd­ar­menn sam­mála um að komi fram merki um annað væri nefndin til­búin að beita þeim tækjum sem hún hefur yfir að ráða á lána­mark­aði til að draga úr líkum á eigna­bólu.

Eitt þess­ara tækja er svo­kall­aður sveiflu­jöfn­un­ar­auki bank­anna, en með hækkun hans hækka eig­in­fjár­kröfur þeirra, sem dregur úr mögu­leikum þeirra til að gefa út ný lán.

Á fundi nefnd­ar­innar í des­em­ber síð­ast­liðnum var ákveðið að halda sveiflu­jöfn­un­ar­auk­anum óbreyttum í 0%, þar sem ekki væru komin fram skýr merki um að sveiflu­tengd kerf­is­á­hætta væri að aukast á nýjan leik, þrátt fyrir skulda­vöxt heim­ila og hækk­andi fast­eigna­verð.

Hækk­andi verð en tækjum ekki beitt

Síðan þá hefur vísi­tala íbúða­verðs á höf­uð­borg­ar­svæð­inu haldið áfram að hækka, en í lok febr­úar var árs­hækk­unin um 3,1 pró­sent umfram verð­bólgu.

Þrátt fyrir hækk­andi íbúða­verð og minnk­andi fram­boð ákvað fjár­mála­stöð­ug­leika­nefndin að halda sveiflu­jöfn­un­ar­auk­anum óbreyttum á fundi sínum á mánu­deg­inum í þess­ari viku. Í minn­is­blaði sem nefndin not­aði til stuðn­ings ákvörðun sinni kom fram að þrátt fyrir að verð­hækk­an­irnar væru háar í sögu­legu sam­hengi væru þær í sam­ræmi við hækkun launa­vísi­tölu á sama tíma. Ekk­ert var minnst á minnk­andi fram­boð íbúða á höf­uð­borg­ar­svæð­inu.