Fram undan eru aflétt­ingar sótt­varn­ar­ráð­stöf­unum sem verða inn­leiddar með stuttum en öruggum skref­um. Þetta kemur fram í grein sem Willum Þór Þórs­son heil­brigð­is­ráð­herra og Guð­laug Rakel Jóns­dótt­ir, settur for­stjóri Land­spít­al­ans, skrif­uðu saman og birt­ist á Vísi í morg­un. 

Þar segir að brýnt sé „að skoða hvernig megi létta á sótt­varn­ar­ráð­stöf­unum til að halda sam­fé­lag­inu sem mest gang­andi. Í sam­ráði við sótt­varna­lækni eru nú allar mögu­legar aflétt­ingar í skoðun með hlið­sjón af skyn­semi og öryggi. Næstu skref eru að aflétta neyð­ar­stigi spít­al­ans. Áður en það er gert verðum við að vera full­viss um að slíkt sé óhætt. Það verður gert að vel ígrund­uðu máli, með hlið­sjón af nýj­ustu spálík­önum og með hlið­sjón af gögnum frá okkar fær­ustu sér­fræð­ing­um.“

Í grein­inni kemur ekki fram hvenær nákvæm­lega von sé á aflétt­ing­um.

Á neyð­ar­stigi frá því í lok des­em­ber og aðgerðir nýlega hertar

Land­spít­al­inn hefur verið á neyð­ar­stigi frá 28. des­em­ber í fyrra og ein­ungis níu dagar eru síðan að harðar sótt­varn­ar­að­gerðir inn­an­lands voru hertar enn frek­ar. Þá var til­kynnt að börum og spila­­sölum yrði gert að loka, ein­ungis tíu manns mættu almennt koma saman og ekki yrði lengur hægt að bjóða fleiri gesti vel­komna á við­­burði gegn því að þeir færu í hrað­próf. Þær aðgerðir áttu að gilda til 2. febr­ú­ar. 

Katrín Jak­obs­dóttir for­­sæt­is­ráð­herra sagði við frétta­­menn fyrir utan Ráð­herra­­bú­­stað­inn við Tjarn­­ar­­götu við þetta til­efni að það væri óhjá­­kvæmi­­legt að grípa til þess­­ara herð­inga. Hún sagði að staðan væri gríð­­ar­­lega þung inni á Land­­spít­­ala og víðar í heil­brigð­is­­kerf­inu. Full sam­­staða væri í rík­­is­­stjórn­­inni um að herða aðgerðir á þessum tíma­­punkti.

Bjart­ari tímar í kort­unum

Í grein sinni rekja Willum Þór og Guð­laug Rakel árang­ur­inn sem þau segja að hafi náðst bar­átt­unni við kór­ónu­veiru­far­ald­ur­inn og segja það frum­skyldu stjórn­valda að tryggja þær aðstæður að allir geti sótt sér við­un­andi heil­brigð­is­þjón­ustu. „Við ætlum okkur út úr þessum far­aldri og öfl­ugt heil­brigð­is­kerfi er því for­gangs­verk­efn­ið.“

Sér­stak­lega hrósa þau Covid-19 göngu­deild­inni og gjör­gæslu­með­ferð Covid-19 sjúk­linga.  

„Það er ljóst að bjart­ari tímar eru í kort­unum og við þurfum að stíga var­færin skref í átt að aflétt­ing­um. Þrátt fyrir að ein­kenni ómikron séu væg­ari og minna sé um sjúkra­húsinn­lagnir þá er fólk enn að veikj­ast. Eig­in­leikar ómikron veirunnar valda því að mikið er um smit á meðal barna og ung­menna, með til­heyr­andi áhrifum á fjöl­skyldur og sam­fé­lagið í heild.

Heil­brigð­is­kerfið í heild sinni er að takast vel á við þessa áskorun en það er ein­göngu gert með miklu vinnu­fram­lagi heil­brigð­is­starfs­fólks, mik­illi sam­vinnu heil­brigð­is­stofn­ana um allt land, og með sam­stilltum aðgerðum – þ.e. sótt­varn­ar­að­gerðum og aðgerðum stjórn­valda til að létta á álagi og tryggja mönn­un.“