Far­síma­á­skriftum á Íslandi fjölg­aði á ný í fyrra eftir að hafa fækkað á árinu 2020. Það var í fyrsta sinn frá árinu 1994 sem það gerð­ist og nokkuð ljóst að ástæða þess var kór­ónu­veiru­far­ald­ur­inn.

Alls voru áskrift­irnar 497.019 um síð­ustu ára­mót og þeim fjölg­aði um 4,5 pró­sent milli ára. ­Sam­hliða þess­ari þróun stórjuk­ust tekjur fjar­skipta­fyr­ir­tækja vegna far­síma­þjón­ustu. Þær voru 14 millj­arðar króna árið 2020 en 17,5 millj­arðar króna í fyrra. Alls juk­ust heild­ar­tekjur fyr­ir­tækj­anna um 6,1 millj­arð króna í fyrra og voru 72,4 millj­arðar króna. Aukn­ingin í far­síma­tekjum var því ábyrg fyrir 57 pró­sent af allri tekju­aukn­ing­unni.

Þrjú fyr­ir­tæki – Sím­inn, Voda­fone sem til­heyrir Sýn-­sam­stæð­unni og Nova – skipta far­síma­mark­að­inum bróð­ur­lega á milli sín. Sam­an­lögð mark­aðs­hlut­deild þess­ara þriggja fyr­ir­tækja var 95,7 pró­sent á síð­asta ári. Það er nán­ast sama hlut­deild og þau höfðu ári áður. 

Athyglisvert er að mark­aðs­hlut­deild hvers fyr­ir­tækis hefur varla hagg­ast árum sam­an. Sím­inn er stærstur á mark­að­inum með 36,8 pró­sent við­skipta­vina, Nova kemur þar næst með 32,7 pró­sent og Voda­fone er minnstur risanna þriggja með 26,2 pró­sent hlut­deild. 

Þetta er meðal þess sem fram kemur í nýrri töl­fræði­skýrslu Fjar­skipta­stofu um fjar­­skipta­­mark­að­inn sem sýnir stöð­una í lok árs 2021.

Snjall­síma­bylt­ingin

Fyrsta aðgeng­i­­lega töl­fræð­i­­skýrsla Fjar­skipta­stofu, sem hét áður Póst- og fjar­­skipta­­stofn­un, um fjar­­skipta­­mark­að­inn kom út árið 2005. Þar voru birtar tölur um fjölda skráðra GSM-á­­skrifta aftur til árs­ins 1994, þegar þær voru 2.119 tals­ins. Næstu árin fjölg­aði þeim jafnt og þétt og voru orðnar 284.521 árið 2005. 

­

­Með snjall­síma­­bylt­ing­unni, sem kom til eftir að fyrsti iPho­ne-inn var kynntur til leiks sum­­­arið 2007, breyt­ist hlut­verk sím­ans umtals­vert og hann fór að nýt­­ast í mun fleiri hluti en áður. Nú til dags er þessi litla tölva í vasa okkar flestra helsta tækið sem notað er til að nálg­­ast afþr­ey­ingu, sam­­fé­lags­miðla og frétt­­ir. Hún er auk þess mynda­­vél, halla­­mál, veð­­ur­fræð­ing­­ur, nær­ing­­ar­ráð­gjafi og ýmis­­­legt ann­að. 

Árið 2007 var heild­­ar­­fjöldi GSM-á­­skrifta kom­inn í tæp­­lega 312 þús­und hér­­­lend­­is. Árið 2010 var fjöld­inn kom­inn í 375 þús­und og 2014 fór hann yfir 400 þús­und. 

Fjöld­inn náði því að vera tæp­­lega 476 þús­und árið 2019 en, líkt og áður sagði, skrapp hann saman árið 2020 í fyrsta sinn frá því að farið var að halda utan um þessar töl­­ur. 

Í fyrra bætt­ust svo við 21.480 nýjar áskrift­ir.