„Aðrar breyt­ingar hjá okkur eru hin hefð­bundna róter­ing á hlut­verka­skip­an. Birgitta Jóns­dóttir tekur við þing­flokks­for­mennsku af Helga Hrafni Gunn­ars­syni en Helgi Hrafn verður for­maður flokks­ins. For­mennska í Pírötum er þó ein­göngu form­legs eðlis vegna þing­legra prótócolla og hefur ekki í för með sér nein sér­stök vald­svið eða ábyrgð. Þess vegna hefur for­maður flokks­ins ávallt hafnað sér­stöku launa­á­lagi frá Alþingi fyrir for­mennsk­una og mun Helgi Hrafn einnig hafna álag­inu nú.“

Þetta segir í til­kynn­ingu til fjöl­miðla frá Pírötum í dag, þar sem farið er yfir breytta skipan á þing­flokki flokks­ins. Jón Þór Ólafs­son, 10. þing­maður Reykja­vík­ur­kjör­dæmis norð­ur, hættir á þingi og Ásta Guð­rún Helga­dóttir sest á þing í hans stað.

„Ásta er með BA próf í sagn­fræði frá Háskóla Íslands en hefur einnig verið við nám í Var­sjá og Tehran. Þá hefur hún einnig verið í starfs­námi í Brus­sel og starf­aði sem aðstoð­ar­maður Evr­ópu­þing­manns­ins Amelíu And­ers­dótt­ur, sem kjörin var á Evr­ópu­þingið fyrir sænska Pírata. Ásta hefur ferð­ast mikið um heim­inn á und­an­förnum árum, meðal ann­ars til Pól­lands, Íran, Georg­íu, Þýska­lands, Armeníu og víð­ar.

Okkur er sönn ánægja að taka á móti Ástu í þing­flokk Pírata um leið og við kveðjum Jón Þór með sökn­uð­i,“ segja Píratar í til­kynn­ingu en flokk­ur­inn mælist sá vin­sæl­asti í skoð­ana­könn­un­um.

Þrjú mál eru til­tekin sem for­gangs­mál flokks­ins á kom­andi þingi. Málin þrjú voru einnig flutt á síð­asta þingi og eru listuð í til­kynn­ing­unni með þessum hætti:

„Til­laga til þings­á­lykt­unar um full­gild­ingu OPCAT, sem mælir fyrir um eft­ir­lit með stofn­unum sem vista frels­is­svipta ein­stak­linga. Fyrsti flutn­ings­maður er Birgitta Jóns­dótt­ir.

Þings­á­lykt­un­ar­til­laga um sjálf­stætt eft­ir­lit með starf­semi og starfs­háttum lög­reglu. Fyrsti flutn­ings­maður er Helgi Hrafn Gunn­ars­son.

Frum­varp um upp­lýs­inga- og sann­leiks­skyldu ráð­herra. Fyrsti flutn­ings­maður er Ásta Guð­rún Helga­dótt­ir.“