Hér­aðs­dómur Reykja­víkur sýkn­aði í dag íslenska ríkið af kröfum Banda­lags háskóla­manna, BHM, og er það nið­ur­staða hér­aðs­dóms að rík­inu hafi ver­ið heim­ilt að setja lög á verk­fall félaga BHM í síð­asta mán­uði. Lög þess efnis voru sam­þykkt í júní, eftir um tíu vikna verk­falls­að­gerðir ákveð­inna félaga innan BHM og langar kjara­við­ræður án nið­ur­stöðu.

Dómur hér­aðs­dóms var birtur klukkan tvö í dag en málið fékk flýti­með­ferð fyrir dóm­stól­u­m. „Var það nið­ur­staða dóms­ins að ekki væru komin fram nægj­an­lega veiga­mikil rök til að líta svo á að lög­gjaf­inn hafi með laga­setn­ing­unni gengið lengra í þá átt að skerða frelsi deilu­að­ila til að ná kjara­samn­ingum en nauð­syn­legt var til að ná fram yfir­lýstum mark­miðum sínum til að tryggja almanna­heill,“ segir í nið­ur­stöðukafla dóms hér­aðs­dóms.

Kjara­deilu aðild­ar­fé­laga BHM var vísað til rík­is­sátta­semj­ara í lok mars síð­ast­liðn­um. Haldnir voru 24 fundir sem báru ekki árang­ur. Þann 13. júní síð­ast­lið­inn voru sam­þykkt lög á Alþingi sem bönn­uðu verk­föll Félags geisla­fræð­inga, Félags líf­einda­fræð­inga, Ljós­mæðra­fé­lagss Íslands, Félags íslenskra nátt­úru­fræð­inga, Stétt­ar­fé­lags lög­fræð­inga hjá Sýslu­mann­inum á höf­uð­borg­ar­svæð­inu, Stétt­ar­fé­lags háskóla­manna á mat­væla- og nær­inga­sviði, Dýra­lækn­inga­fé­lags Íslands hjá Mat­væla­stofnun og Félags háskóla­mennt­aðra starfs­manna ­Stjórn­ar­ráðs­ins hjá Fjár­sýslu rík­is­ins. Þegar lög voru sett höfðu verk­falls­að­gerðir staðið yfir í á þriðja mán­uð. BHM taldi laga­setn­ing­una fela í sér ólög­mætt inn­grip í starf­semi frjáls­ra, lög­legra félags­sam­taka og fór með málið fyrir dóm­stóla, þar sem nið­ur­staða fékkst í dag.