Aðgerðir strax

Auglýsing

Ég er ekki vön að tjá mig opin­ber­lega um þessi mál en nú get ég ekki lengur orða bund­ist m.a. vegna launa­hækk­ana okkar ágætu þing­manna og ráð­herra. Að þeim ólöst­uðum þá er þessi tíma­punktur til slíkra hækk­ana gjör­sam­lega glóru­laus og gerir ekk­ert annað en að hella olíu á eld­inn fyrir aðrar starfs­stéttir sem standa í kjara­bar­áttu og sendir röng skila­boð til lands­manna. Ég er ekki á móti launa­hækk­unum en ég er hins vegar á móti ójafn­rétt­i. 

Ég sat fund sem trún­að­ar­maður með samn­inga­nefnd fyrir ekki svo löngu síðan þar sem kom skýrt fram af hálfu samn­inga­nefndar að launin yrðu ekki hækkuð meira og því yrði ekki haggað af hálfu sveita­stjórn­ar. Ástæðan var ein­föld  launa­þróun kenn­ara og stjórn­enda innan KÍ skuli vera 30,5% í heild­ina á ára­bil­inu 2013-2019. Ekki sé svig­rúm til að fara út fyrir þann ramma. Það er ekki spurt um svig­rúm þegar kemur að launa­hækk­unum þing­manna. Ég túlk­aði þessi orð for­manns samn­inga­nefndar sem slík að ég yrði bara að gjöra svo vel að opna munn­inn og éta það sem ofan í mig fer þrátt fyrir að lyktin væri álíka ógeðs­leg og úldið hrúts­egg og bragðið súrt. Þeir samn­ingar voru sem betur fer felldir í haust­byrj­un. Þess má geta að kenn­arar eru búnir að vera samn­ings­lausir í nokkra mán­uði, tón­list­ar­kenn­arar enn lengur ef út í það er farið og fleiri stéttir sem sjá um u­mönn­un og fræðslu er hrein­lega að blæða út en það er efni í annan pistil.

For­ystan

Samn­inga­nefnd okkar hefur notað tíma sinn að fara í heim­sóknir í grunn­skól­ana síðan samn­ingar voru felldir til að heyra í okkur hljóðið sem mér finnst vera tíma­sóun þar sem okkar kjara­bar­átta er ekki ný af nál­inni og það vita allir hvað við erum að fara fram á. Sam­keppn­is­hæf laun og laun í sam­ræmi við menntun og ábyrgð.  Inn á milli heim­sókna hafa verið samn­inga­fundir en ég hef ekki hald­bæra tölu á fjölda þeirra en þeir fundir virð­ast líkj­ast teboð­unum í Lísu í Undra­landi þar sem tím­inn virð­ist vera enda­laus og allt snýst í hringi, engin útkoma og alltaf það sama á boðstól­um. Það end­ur­speglar síðan hvernig okkur miðar áfram í samn­inga­gerð, tím­inn stendur í stað. Ég spyr því hvað er næsta skref hjá samn­inga­nefnd­um?

Auglýsing



Aðgerðir strax

Ég leyfi mér að segja að við krefj­umst aðgerða strax - ekki fleiri kurt­eis­is­heim­sóknir í skól­ana og fundir sem skila engu! Það vita allir hvað við kenn­arar vilj­um! Sann­gjörn laun sem eru sam­keppn­is­hæf við sam­bæri­legar stétt­ir. Laun sem fólk getur lifað af án þess að hafa aðra fyr­ir­vinnu eða auka­vinn­u. Kjarn­inn í rök­stuðn­ingi kjara­ráðs er þessi: „Afar mik­il­vægt er að þjóð­kjörnir full­trúar séu fjár­hags­lega sjálf­stæðir og engum háð­ir. 

Ef ég tek sjálfa mig sem dæmi þá gæti ég ekki lifað á kenn­ara­laun­unum einum saman ef ég ætti ekki maka. Ef ég tek ekki laun maka míns inn í heim­il­is­bók­haldið þá gengur dæmið ekki upp og eftir stendur mínus tala og ef marka má kjara­ráð mikið ósjálf­stæði. Það verður síðan að taka það með í dæmið að staða Mennta­vís­inda­sviðs Háskóla Íslands er grafal­var­leg og mennta­kerf­inu stafar bein­línis hætta af þeirri stað­reynd að end­ur­nýjun kenn­ara er lítil sem eng­in. Það er þegar í allt of miklum mæli byrjað að fylla upp í stöðu­gildi með leið­bein­endum í grunn­skólum lands­ins. Ástæðan er ein­föld, laun­in.

Stöndum saman

Kenn­arar stöndum saman öll sem eitt og látum verkin tala. Við látum verkin tala m.a. með því að segja nei við samn­ingum sem gefa ekki ásætt­an­lega nið­ur­stöðu, mót­mælum og förum í rót­tæk­ari aðgerðir ef þess þarf.  Látum von­leysið ekki ná tökum á okk­ur, stígum upp og brettum upp ermar og förum alla leið í þetta skipti. Alla leið í átt til rétt­lætis og sann­gjarna launa. Notum rödd okkar á mál­efna­legan hátt  og sendum þjóð­fé­lag­inu skýr skila­boð; ég vil fá laun við hæfi! 

Ekki taka upp fórn­ar­lambskort­in; þetta er svo erfitt starf, svo mikið álag og svo mætti lengi telja. Fag­legar breyt­ing­ar, mín­útu­taln­ing, fjöldi nem­enda í bekk, störf umsjón­ar­kenn­ara og við­vera kenn­ara í skól­unum eiga ekk­ert erindi inn í þessa umræðu - við viljum fá laun við hæfi. 

Lausnir eða upp­lausn

Kæra samn­inga­nefnd sveita­stjórn­ar, mér finnst vera ansi mikil ein­stefna í þess­ari samn­inga­gerð því það vill svo merki­lega til að við höfum líka eitt­hvað um þetta að segja en spurn­ing hvort rödd okkar ber­ist yfir til ykkar sem sitja hinum megin við borðið og með þessum pistli vona ég að þessi skrif opni eyru ykkar og ann­arra. 

Kjara­ráð Alþingis er ekki að gera ykkur auð­velt fyrir með þessum hækk­unum en ég vor­kenni ykkur ekki neitt, finnið lausnir og borgið okkur mann­sæm­andi laun og leið­réttið þessa launa­skekkju í landi sem á að kall­ast sið­menntað þar sem árið er 2016. Ef ekki þá munum við sjá fram á annað hrun og það mun bitna á börnum og fram­tíð íslensku þjóð­ar­inn­ar.

Takk fyrir mig.

Höf­undur er starf­andi grunn­skóla­kenn­ari og er að kenna sitt tíunda ár. Hún gegnir einnig starfi trún­að­ar­manns í sínum skóla.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Lilja Dögg Alfreðsdóttir mennta- og menningarmálaráðherra.
„Þverpólitísk sátt“ um fjölmiðlafrumvarp í kortunum eftir að Stöð 2 boðaði læstar fréttir
Eftir að Sýn boðaði að fréttum Stöðvar 2 yrði læst virðist hreyfing að komast á frumvarp um styrki til einkarekinna fjölmiðla. Mennta- og menningarmálaráðherra telur að „þverpólitísk sátt“ sé að nást um styrkjakerfi, sem sjálfstæðismenn hafa lagst gegn.
Kjarninn 17. janúar 2021
Sigmundur Davíð Gunnlaugsson formaður Miðflokksins.
Óttast að „tveggja flokka kerfi“ myndist ef flokkar útiloki samstarf við aðra
Sigmundur Davíð Gunnlaugsson og Logi Einarsson eru sammála um að kjósendur eigi að hafa skýra sýn á hverskonar ríkisstjórnir flokkar vilji mynda eftir kosningar. Sigmundur vill þó ekki útiloka samvinnu með neinum og kallar Samfylkingu „útilokunarflokk.“
Kjarninn 17. janúar 2021
Frá dómssalnum á miðvikudaginn
Réttað yfir 355 manns í gömlu símaveri
Nokkuð óvenjuleg réttarhöld hófust á Ítalíu síðastliðinn miðvikudag, en í þeim er stór hluti N'drangheta-mafíunnar, valdamestu glæpasamtaka landsins. Sökum mikils fjölda ákærðra og nýrra sóttvarnarreglna þurfti að sérútbúa dómssal í gömlu símaveri.
Kjarninn 17. janúar 2021
Söngflokkurinn Boney M naut mikilla vinsælda víða um heim undir lok áttunda áratugarins.
Boney M og stolnu lögin
Þegar sönghópurinn Boney M sló í gegn seint á áttunda áratug síðustu aldar með lögunum „Brown Girl in the Ring“ og „Rivers of Babylon“ grunaði engan að í kjölfarið fylgdu málaferli sem stæðu í áratugi.
Kjarninn 17. janúar 2021
Armin Laschet er nýr leiðtogi flokks Kristilegra demókrata, sem hefur tögl og haldir í þýskum stjórnmálum. Kannski tekur hann við af Merkel sem kanslari í haust.
Stormasöm vika í evrópskum stjórnmálum
Mögulegt áframhald „Merkelisma“ í Þýskalandi, barnabótaskandall hjá „teflon Mark“ í Hollandi og stjórnarkreppa af völdum smáflokks á Ítalíu er á meðal þess sem var efst á baugi í evrópskum stjórnmálum í vikunni.
Kjarninn 16. janúar 2021
Birgir Birgisson
Að finna upp hjólið
Kjarninn 16. janúar 2021
Óendurvinnanlegur úrgangur á bilinu 40 til 100 þúsund tonn á ári fram til ársins 2045
Skýrsla um þörf fyrir sorpbrennslustöðvar á Íslandi hefur litið dagsins ljós. Umhverfis- og auðlindaráðherra fagnar úttektinni og segir að nú sé hægt að stíga næstu skref.
Kjarninn 16. janúar 2021
Gauti Jóhannesson er forseti bæjarstjórnar í Múlaþingi og fyrrverandi sveitarstjóri Djúpavogshrepps.
Forseti bæjarstjórnar Múlaþings íhugar alvarlega að sækjast eftir þingsæti
Gauti Jóhannesson fyrrverandi sveitarstjóri á Djúpavogi segir tímabært að Sjálfstæðisflokkurinn eignist þingmann frá Austurlandi og íhugar framboð til Alþingis. Kjarninn skoðaði framboðsmál Sjálfstæðisflokks í Norðausturkjördæmi.
Kjarninn 16. janúar 2021
Meira úr sama flokkiAðsendar greinar
None