Bækur frá öllum hliðum eru í for­grunni í Bóka­hús­inu, nýju hlað­varpi For­lags­ins sem Sverrir Nor­land rit­höf­undur stýr­ir. Sverrir leggur áherslu á að skoða bækur frá sjón­ar­hóli fleiri en aðeins höf­und­anna sem skrifa þær:

„Þetta er óvenju­legt og frum­legt hlað­varp í þeim skiln­ingi að það er fjallað um bækur á öllum stig­um,“ segir Sverr­ir. „Ég ræði við rit­stjóra bóka, bóka­hönn­uði, bók­sala, mark­aðs­fólk, fólk á lag­er, þá sem búa til hljóð­bækur og svo fram­veg­is. Ég fjalla því í raun um alla fram­kvæmd­ina að baki því að búa til bæk­ur. Í dag er bók svo ekki bara prentuð bók heldur líka raf­bók og hljóð­bók svo að við pælum líka í því. En rit­höf­und­arnir eru þó alltaf í for­grunni – enda ara­grúi af skemmti­legum bókum að koma út þessa dag­ana.“

Nafn­giftin Bóka­húsið er ekki gripin úr lausu lofti en hlust­endur ferð­ast ásamt Sverri og gestum um óend­an­lega stórt og ævin­týra­legt hús í þátt­un­um: „Já, hlust­endur eru leiddir í gegnum hvern þátt á leik­glaðan og skemmti­legan hátt,“ segir Sverrir „Fyrst stíga þeir inn í and­dyrið og fá kynn­ingu á efni þátt­ar­ins, næst tylla þeir sér inn í betri stof­una og hlusta á við­tal við skáld­sagna­höf­und, fara þaðan inn í blóð­ugu borð­stof­una þar sem þeir stíga yfir lík með hníf í bak­inu og fyll­ast svolitlum óhugn­aði; á eftir er kær­komið að fá sér ferskt loft úti á svölum og skyggn­ast kannski út í heim til að fræð­ast um nýjar þýð­ingar – og svo fram­veg­is. Uppi á háa­lofti og í kjall­ar­anum leyn­ast svo köngu­ló­ar­vef­ir, gömul leynd­ar­mál, kannski lík… svo að það er frjór staður til að taka höf­unda hroll­vekja í við­tal.“

Komnir eru út fjórir þættir og fær Sverrir til sín góða gesti í hverjum þætti. Þeirra á meðal eru Hall­dór Guð­munds­son, Fríða Ísberg, Ingólfur Eiríks­son, Sig­þrúður Gunn­ars­dóttir rit­stjóri, Emilía Erla Ragn­ars­dóttir bóka­hönn­uð­ur, Einar Kára­son, Rán Flygenring teikn­ari, Gunnar Helga­son, Sig­rún Páls­dótt­ir, Haukur Ingv­ars­son, Lilja Sig­urð­ar­dóttir og Jón­ína Leós­dótt­ir. Einnig er mikið lagt upp úr hljóð­heimi hlað­varps­ins. Frum­samin tón­list ómar í eyrum hlust­enda en það er tvíeykið Urm­ull og kraðak sem á heið­ur­inn af henni.

Að sögn Sverris er áhersla lögð á að hafa and­rúms­loftið í Bóka­hús­inu afslappað og skemmti­legt.

„Gott bóka­hlað­varp fjallar í raun um mann­lífið á jörð­inni eins og það leggur sig því að í bókum er fjallað um allt. Ég er gest­gjaf­inn í Bóka­hús­inu býð við­mæl­endur og hlust­endur vel­komna til mín og svo ræðum við um allt milli him­ins og jarð­ar. Ef okkur finnst gaman að gera hlað­varpið finnst áhorf­endum skemmti­legt að hlusta á það – eða það vona ég.“

Bóka­húsið er hægt að nálg­ast á vef For­lags­ins og á helstu hlað­varpsveit­um.