Inn­flutn­ings­bann Rússa hefur mikil áhrif á starf­semi HB Granda og minnkar tekjur félags­ins, verði það við­var­andi, um 10 til 15 millj­ónir evra á ári, eða sem nemur tæp­lega 1,5 til 2,2 millj­örðum króna. „Inn­flutn­ings­bann sjáv­ar­af­urða til Rúss­lands hefur mikil áhrif á mark­aðs­starf félags­ins og starf­semi þess, sér­stak­lega á Vopna­firði gangi það að fullu eft­ir.  Um 17% tekna félags­ins komu frá rúss­neskum aðilum árið 2014.  Erfitt er að meta fjár­hags­leg áhrif þessa á HB Granda hf en gróf­lega áætlað munu tekjur félags­ins lækka um u.þ.b. 10-15 millj­ónir evra á árs­grund­velli.  Árið 2014 námu tekjur félags­ins 215 millj­ónum evra. Félagið á nú um 3,2 millj­ónir evra í útistand­andi kröfum í Rúss­land­i,“ segir í til­kynn­ingu frá HB Granda til kaup­hall­ar.

Útistand­andi kröfur í Rúss­landi nema um 473 millj­ón­umm króna, miðað við núver­andi gengi.

Hagn­aður á öðrum árs­fjórð­ungi var 4,9 millj­ónir evra, eða sem nemur 725 millj­ónum króna, og á fyrri árs­helm­ingi 10,6 millj­ónir evra, eða sem nemur rúm­lega 1,5 millj­arði króna.

Séu nið­ur­stöður rekstr­ar­reikn­ings reikn­aðar til íslenskra króna á með­al­gengi fyrri helm­ing árs­ins 2015 (1 evra = 148,64 kr) verða tekjur 16,4 millj­arðar króna, EBITDA 4,6 millj­arður og hagn­aður 3,3 millj­arð­ar, að því er segir í til­kynn­ing­u.  Séu nið­ur­stöður efna­hags­reikn­ings reikn­aðar til íslenskra króna á gengi 30. júní 2015 (1 evra = 146,84 kr) eru eignir sam­tals 57,4 millj­arðar króna, skuldir 24,8 millj­arðar og eigið fé 32,6 millj­arð­ar.