Kalla eftir því að ráðherra undirriti reglugerð sem heimilar slit á félögum sem fyrst

Fimm ár eru síðan að ákvæði var sett í lög sem heimilaði slit á þeim félögum sem skiluðu ekki ársreikningi innan ákveðins tíma. Það hefur aldrei verið virkt þar sem reglugerð skorti. Umsagnarferli um slíka reglugerð lauk fyrir tveimur vikum.

Þórdís Kolbrún Reykfjörð Gylfadóttir er ráðherra málaflokksins.
Þórdís Kolbrún Reykfjörð Gylfadóttir er ráðherra málaflokksins.
Auglýsing

Sam­band íslenskra sveit­ar­fé­laga skil­aði í síð­asta mán­uði inn umsögn um drög að reglu­gerð atvinnu­vega- og nýsköp­un­ar­ráðu­neyt­is­ins sem heim­ilar árs­­reikn­inga­­skrá skatts­ins að slíta félögum sem hafa ekki skilað árs­­reikn­ingum 14 mán­uðum eftir að reikn­ings­ári lýk­­ur. Þar kemur fram að sam­bandið geri ekki athuga­semdir við reglu­gerð­ina en hvetji til „þess að ráð­herra und­ir­riti reglu­gerð­ina sem fyrst svo ekki verði frek­ari tafir á mögu­leikum árs­reikn­inga­skrár til að krefj­ast slita á félögum er ekki hafa skilað inn árs­reikn­ing­i.“

Reglu­gerðin var birt í sam­ráðs­gátt stjórn­valda í sept­em­ber í kjöl­far umfjöll­unar Kjarn­ans um að ákvæði sem heim­ilar slit á félögum sem sinna ekki lög­­bund­inni skila­­skyldu á árs­­reikn­ingum sé ekki virkt þrátt fyrir að hafa verið í lögum frá árinu 2016. Ástæðan er sú að það ráðu­­neyti sem stýrir mála­­flokkn­um, sá hluti atvinn­u­­vega- og nýsköp­un­­ar­ráðu­­neyt­is­ins sem heyrir undir Þór­­dísi Kol­brúnu R. Gylfa­dótt­­ur, hafði ekki gefið út reglu­­gerð sem virkjar það. Ákvæðið var því óvirkt í lögum í fimm ár og því hefur aldrei verið beitt. 

Drögin voru til umsagnar til 20. sept­em­ber. Þrátt fyrir að tvær vikur séu síðan að umsagn­ar­ferl­inu lauk hefur reglu­gerðin ekki verið aug­lýst í Stjórn­ar­tíð­ind­un­um, líkt og þarf til að hún taki gildi. Kjarn­inn sendi fyr­ir­spurn á ráðu­neytið til að spyrj­ast fyrir um af hverju og í svari þess kemur fram að reglu­gerðin hafi þegar verið send til birt­ing­ar, en að það geti tekið 2-3 vikur fyrir hana að birt­ast þar.

Mik­ill sam­fé­lags­legur skaði af skattsvikum

Í umsögn sam­bands íslenskra sveit­ar­fé­laga er rifjuð upp skýrsla starfs­hóps 

um umfang skatt­und­an­skota og til­lögur til aðgerða frá 20. júní 2017. Í þeirri skýrslu var áætlað að umfang skattsvika hér­lendis væri á bil­inu 3-7 pró­sent af lands­fram­leiðslu eða tíu pró­sent af heild­ar­tekjum hins opin­bera á þeim tíma.  Sam­­fé­lags­­legt tap hér á landi var metið á bil­inu 1-6 millj­­arða íslenskra króna á hverju ári.

Þegar til­lögur til aðgerða voru kynntar af þáver­andi fjár­mála- og efna­hags­ráð­herra Bene­dikt Jóhann­essyni sagði hann að með aðgerð­un­um, sem höfðu meðal ann­ars þau mark­mið að lág­marka skatt­svik og milli­verð­lagn­ingu, væri skattsvik­­urum sagt „stríð á hend­­ur“. Þrátt fyrir það hefur lítið þok­ast í stórum aðgerðum til að taka á skattsvikum hér­lendis síðan að þessi blaða­manna­fundur var hald­inn um mitt ár 2017. 

Auglýsing
Samband íslenskra sveit­ar­fé­laga sagði í umsögn sinni að þegar árs­reikn­inga­skrá var veitt heim­ild til að slíta félögum árið 2016, sem þó hefur aldrei öðl­ast virkni, hafi komið fram í grein­ar­gerð að mark­miðið með þeirri heim­ild væri að auka gagn­sæi í við­skipt­um, þ.m.t. að sporna við kenni­tölu­flakki og bæta skil árs­reikn­inga. „Kenni­tölu­flakki fylgir gíf­ur­legur kostn­aður fyrir ríki, sveit­ar­fé­lög, líf­eyr­is­sjóði, stétt­ar­fé­lög, launa­fólk og önnur fyr­ir­tæki og félaga­sam­tök. Því er mik­il­vægt að allra leiða sé leitað til að hindra kenni­tölu­flakki en eitt af þeim verk­færum er að fara fram á slit á félögum ef þau skila ekki árs­reikn­ingi. Þannig eru auknar líkur á því að hægt sé að koma í veg fyrir að verð­mæti séu tekin úr félag­inu og færð í annað félag svo dæmi sé nefn­t.“

Hægt að sekta félög um 600 þús­und krónur

Það hefur lengi verið vanda­­mál að fá íslensk félög til að skila árs­­reikn­ingum inn til Skatts­ins á réttum tíma. Sam­­kvæmt lögum á að skila slíkum átta mán­uðum eftir að reikn­ings­ári lýk­­ur, en í flestum til­­­fellum rennur sá frestur út 1. sept­­em­ber á ári hverju. Árið 2007 höfðu ein­ungis 15,4 pró­­sent félaga í land­inu sem áttu að skila inn árs­­reikn­ingi gert það á réttum tíma. 

Árið 2016 voru inn­­­leidd í lög við­­ur­lög við því að skila ekki inn árs­­reikn­ingi á réttum tíma. Ann­­ars vegar átti að vera hægt að sekta félög um 600 þús­und krónur ef þau skil­uðu ekki innan átta mán­aða og hins vegar átti að vera hægt að slíta þeim ef árs­­reikn­ingar hefðu enn ekki borist sex mán­uðum eftir að átta mán­aða frest­­ur­inn rann út, eða 14 mán­uðum eftir að reikn­ings­ári lauk. 

Fyrir flest félög er 600 þús­und króna sekt ekki erfið við­ur­­­eignar og því lá ljóst fyrir að hótun um slit á félagi myndi virka sem meiri hvati til skila en sekt­­ar­greiðsl­­an. 

Kjarn­inn spurði Skatt­inn að því í ágúst 2021 hversu oft stofn­unin hefði beitt ákvæð­inu um slit á félagi frá því að það var leitt í lög fyrir fimm árum. Í svari stofn­un­­ar­innar kom fram að það hefði aldrei verið gert þar sem ákvæðið væri í raun óvirkt. Ástæð­an: ráðu­­neytið sem stýrir mála­­flokknum hafði aldrei sett reglu­­gerð sem virkj­aði það. 

Þegar Kjarn­inn leit­aði skýr­inga hjá ráðu­­neyt­inu feng­ust þau svör, í síð­­­ustu viku, að unnið hefði verið að gerð reglu­­gerðar um nokk­­urt skeið í sam­­starfi við Skatt­inn og að hún væri á loka­­metr­un­­um. Í svör­unum sem Skatt­­ur­inn sendi Kjarn­­anum um málið í ágúst kom ekk­ert fram um að hann hefði unnið að gerð reglu­­gerðar í sam­­starfi við ráðu­­neyt­ið. 

Fá frest eftir að frest­­ur­inn er lið­inn

Í drög­unum að reglu­gerð sem birt voru í sam­ráðs­­gátt stjórn­­­valda í byrjun sept­em­ber kom fram að þegar 14 mán­aða frest­­ur­inn er lið­inn muni árs­­reikn­inga­­skrá senda til­­kynn­ingu til við­kom­andi félags, þar sem veittur verður fjög­­urra vikna frestur til þess að skila árs­­reikn­ingi eða eftir atvikum sam­­stæð­u­­reikn­ingi sem upp­­­fyllir kröfur laga. Ekki verða veittir frek­­ari frestir af hálfu árs­­reikn­inga­­skrár. 

Ef þessi loka­frestur er virtur að vettugi mun árs­­reikn­inga­­skrá senda hér­­aðs­­dómi beiðni um að félag verði tekið til skipta.

Dóm­­ari mun svo meta fram­lagða kröfu og taka ákvörðun um með­­­ferð henn­­ar. „Ef stjórn félags eða fram­­kvæmda­­stjóri mætir til fyrstu fyr­ir­töku getur dóm­­ari orðið við beiðni félags um allt að tveggja mán­aða frest á með­­­ferð kröf­unn­ar[...]Ef full­nægj­andi árs­­reikn­ingi og sam­­stæð­u­­reikn­ingi ef við á, er skilað til árs­­reikn­inga­­skrár eftir að krafa um skipti hefur komið fram en áður en úrskurður um skipti er kveð­inn upp, aft­­ur­­kallar árs­­reikn­inga­­skrá kröfu um skipti á félagi. Skil­yrði aft­­ur­köll­unar kröfu um skipti, er að félag hafi greitt allan kostnað vegna skipta, sem og álagða sekt vegna van­rækslu á réttum skilum árs­­reikn­ing.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Sigurður Ingi Jóhannsson innviðaráðherra og formaður Framsóknarflokksins á Kjarvalsstöðum í gær.
„Engin áform“ um að ríkið auki rekstrarframlög með tilkomu Borgarlínu
Sigurður Ingi Jóhannsson innviðaráðherra segist ekki sjá fyrir sér að ríkið auki framlög sín til rekstrar almenningssamgangna höfuðborgarsvæðisins, eins og sveitarfélögin á höfuðborgarsvæðinu og Strætó bs. hafa kallað eftir.
Kjarninn 29. nóvember 2021
Franskur fiskveiðibátur lokar á skipaumferð um Calais í Frakklandi.
Frakkar og Bretar berjast enn um fiskinn í Ermasundi
Enn er ósætti á milli Frakklands og Bretlands vegna fiskveiða í breskri landhelgi eftir Brexit. Á föstudaginn reyndu franskir sjómenn reyndu að loka fyrir vöruflutninga á milli landanna tveggja til að krefjast úthlutunar fleiri fiskveiðileyfa.
Kjarninn 28. nóvember 2021
Sunnlenskir sjálfstæðismenn kalla eftir skýringum frá Bjarna Benediktssyni.
Ósáttir sunnlenskir sjálfstæðismenn krefja Bjarna um skýringar
Sjálfstæðismenn á Suðurlandi eru með böggum hildar yfir því að Guðrún Hafsteinsdóttir oddviti flokksins í kjördæminu eigi ekki sæti við ríkisstjórnarborðið nú þegar. Tíu af tólf ráðherrum eru þingmenn kjördæma höfuðborgarsvæðisins.
Kjarninn 28. nóvember 2021
Bresk myndlistarkona málaði eitt hundrað málverk af eldgosinu í Fagradalsfjalli
Eldgosið í Fagradalsfjalli sem hófst í vor hefur vakið allskonar væringar hjá fólki. Amy Alice Riches ákvað að mála eitt málverk á dag af því í 100 daga. Hún safnar nú fyrir útgáfu bókar með verkunum.
Kjarninn 28. nóvember 2021
Allt sem þú þarft að vita um nýjan stjórnarsáttmála ríkisstjórnarinnar
Stefnt er að því að lækka skatta, selja banka og láta fjármagnseigendur greiða útsvar. Auðvelda á fyrirtækjum að virkja vind og endurskoða lög um rammaáætlun.
Kjarninn 28. nóvember 2021
Katrín Jakobsdóttir forsætisráðherra við kynningu stjórnarsáttmálans á Kjarvalsstöðum í dag.
Talað um að lækka mögulega skatta en engu lofað
Engar almennar skattkerfisbreytingar eru útfærðar í nýjum stjórnarsáttmála ríkisstjórnarinnar. Forsætisráðherra segir að horft verði til þess að lækka skatta á þá tekjulægstu eða til að bæta samkeppnisstöðu fyrirtækja ef svigrúm gefist.
Kjarninn 28. nóvember 2021
Álfheiður Eymarsdóttir
Kosningaframkvæmd fjórflokksins
Kjarninn 28. nóvember 2021
Ríkisstjórnin stokkast upp í dag, eftir rúmlega tveggja mánaða viðræður þriggja flokka um áframhaldandi samstarf.
Þessi verða ráðherrar
Willum Þór Þórsson og Jón Gunnarsson verða ráðherrar í nýrri ríkisstjórn Vinstri grænna, Sjálfstæðisflokks og Framsóknar sem kynnt er í dag. Guðrún Hafsteinsdóttir er sögð koma inn sem ráðherra dómsmála síðar á kjörtímabilinu.
Kjarninn 28. nóvember 2021
Meira úr sama flokkiInnlent