Karolina fund: Vegabréf, vísakort og lyklar að hjólinu - bók um mótorhjólaferðalag

Kaffi-og-kleinur----obygg--um-Mongol--u.jpg
Auglýsing

Högni Páll Harðarson og Unnur Sveinsdóttir skelltu sér í 5 mánaða ferðalag sumarið 2014, þar sem þau heimsóttu 20 lönd á mótorhjóli. Fylgjendahópur þeirra stækkaði ört eftir því sem leið á ferðalagið og kom að því að þau ákváðu að gefa út ferðasöguna á bók. 

Við hittum Unni og Högna og tókum þau tali.


Unnur er myndlistarmenntaður kennari, áhugaleikhúsmanneskja og hönnuður sem er að uppgötva fegurð mótorhjólaferðamennskunnar á miðjum aldri. Högni er viðskiptavélfræðingur með þráhyggjukennda ástríðu fyrir mótorhjólaferðalögum og öllu sem því tengist. Þau eru Austfirðingar búsett á Fáskrúðsfirði í Fjarðabyggð í rétt um 80 km fjarlægð frá einu ferjuhöfn landsins sem tengir það við meginland Evrópu.

Auglýsing

Heit súpa í hádeginu í kaldri Síberíu Heit súpa í hádeginu í kaldri Síberíu.


Hvernig kviknaði hugmyndin að þessu verkefni?

Mið-Asíu leiðangurinn sem við fórum í árið 2014 var búinn að eiga sér töluverðan gerjunartíma og var búinn að taka á sig ýmsar myndir í aðdragandanum. Við erum búin að fara all nokkrar ferðir erlendis á mótorhjólum og það má kannski segja að 6 vikna ferðalag um Balkanskagann og fyrrum lýðveldi Júgóslavíu árið 2010 hafi fyrir alvöru kveikt áhugann á því að takast á við meira framandi slóðir en áður. Til að tryggja að vinir og vandamenn vissu af okkur frá degi til dags þá héldum við úti Facebook síðu, hún fór síðan að vekja athygli víðar en innan fjölskyldunnar og þegar við vorum komin nokkrar vikur inn í ferðalagið þá áttum við orðið 6-700 ferðafélaga sem fylgdust með því sem við vorum að fást við. Þaðan kemur síðan hvatningin um að koma ævintýrinu á prent.

Eftirlit á þjóðvegi í Úsbekistan. Eftirlit á þjóðvegi í Úsbekistan.

Til hvaða landa ferðuðust þið?

Leiðin lá í gegnum 20 lönd og sum þeirra oftar en einu sinni. Fyrst komu Færeyjar, þá Danmörk, Þýskaland, Pólland, Hvíta-Rússland og og síðan Rússland frá vestri allt austur til Ulan-ude í Síberíu áður en komið var til Mongólíu. Í Mongolíu var snúið til vesturs og í suður og farið um Stan-löndin svokölluðu, Kasakstan, Kyrgyzstan, Tadsíkistan, Úsbekistan. Þá norður fyrir Kaspíhaf og um Kákasus löndin Georgíu og Armeníu, síðan um Tyrkland, Grikkland, Búlgaríu, Serbíu, Ungverjaland og áfram norður úr til Danmerkur í veg fyrir ferjuna á ný.

Hvernig var upplifunin af þessu ferðalagi?

Ævintýri er líklega það orð sem best lýsir ferðalaginu. Dagarnir 147 sem það tók voru jafn misjafnir og þeir voru margir og alltaf eitthvað nýtt að fást við. Löndin voru okkur flest mjög framandi og sannarlega mikil áskorun að ferðast þar sem sameiginleg tungumálakunnátta er í algeru lágmarki.Vegakerfið var líka víða töluvert krefjandi en það er þó meðal annars það sem rekur bifhjólafólk til landa eins og Mongólíu, Tadsíkistan og Kyrgyzstan en þangað fara menn til að reyna sig og hjólin sín við erfiðar aðstæður. Öfugt við það sem flestir halda og draga þá ályktun af fréttaflutningi fjölmiðla þá er mun meira af góðu fólki í heiminum heldur en vondu og það er kannski það sem uppúr stendur eftir ferðina. Allt góða fólkið sem við hittum.


Þegar kom að því að gera bók um ferðina og gefa hana út þá áttuðum við okkur fljótlega á því hversu kostnaðarsöm bókaútgáfa er. Eins ef maður vill vanda til verka eykst kostnaðurinn í réttu hlutfalli. Þessa fjármuni þarf að greiða áður en nokkur bók selst og það þýðir í flestum tilfellum dýr bankalán. Karolina Fund er ótrúlega sniðugur vettvangur fyrir fólk eins og okkur og aðra sem eru að reyna að koma sér á framfæri því hér opnast möguleikinn á að selja vöruna sína í forsölu og fjármagna þannig að einhverju leyti þau útgjöld sem fylgja útgáfu.


Að auki höfum við á þessum tíma sem söfnunin hefur staðið átt í lifandi samskiptum við stóran hóp verðandi lesenda sem er frábært því fyrir vikið verða þeir ekki bara tölur á sölulista heldur fólk sem við þekkjum. Það gerir vöruna miklu persónulegri fyrir kaupandann og þannig meira virði.


Auglýsingagildið sem felst í svona söfnun er líka ómetanlegt því forsíðan á bókinni okkar hefur verði linnulítið á síðum fésbókarinnar undanfarnar vikur og vinir og velunnarar hafa deilt henni um allar trissur.


Verkefnið má finna hér.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ljóð til styrktar Konukoti og Frú Ragnheiði
Safnar er fyrir ljóðabókinni „Skugga mæra – skjáskot af jaðrinum“ á Karolina Fund.
Kjarninn 13. júní 2021
Róbert Wessman er forstjóri Alvogen og Alvotech.
Alvotech tapaði ellefu milljörðum króna í fyrra
Lyfjafyrirtækið Alvotech dró verulega úr tapi sínu í fyrra með að nýta yfirfæranlegt skattalegt tap. Eiginfjárstaða félagsins batnaði mikið, aðallega vegna breytinga á skuldum við tengda aðila.
Kjarninn 13. júní 2021
Jón Ormur Halldórsson
Stóra skákin – Átökin í kringum Kína
Kjarninn 13. júní 2021
Vladímír Pútín, forseti Rússlands, tekur í höndina á Joe Biden, þáverandi varaforseta Bandaríkjanna, í Moskvu fyrir tíu árum síðan.
Af hverju vilja Rússar alltaf vera í vörn?
Bandaríkjamenn og Rússar reyna nú að koma samskiptum ríkjanna í samt lag. Rússnesk stjórnvöld hafa þó lítinn áhuga á því að Rússland verði lýðræðissamfélag eftir höfði Vesturlanda – styrkur þess liggi í að vera óútreiknanlegt herveldi.
Kjarninn 13. júní 2021
Pigekoret, stúlknakór danska ríkisútvarpsins, með núverandi kórstjóra.
Skuggar fortíðar í stúlknakórnum
Michael Bojesen, einn þekktasti hljómsveitarstjóri Danmerkur og núverandi forstjóri Malmö óperunnar er kominn í ótímabundið leyfi. Ástæðan er frásagnir stúlkna sem voru í Stúlknakór danska útvarpsins undir hans stjórn frá 2001 – 2010.
Kjarninn 13. júní 2021
Jón Gunnarsson og Bryndís Haraldsdóttir.
Jón og Bryndís í öðru og þriðja sæti
Jón Gunnarsson endaði í öðru sæti í prófkjöri Sjálfstæðisflokksins í Suðvesturkjördæmi og Bryndís Haraldsdóttir í því þriðja. 80 prósent kjósenda settu Bjarna Benediktsson í fyrsta sætið.
Kjarninn 13. júní 2021
Bjarni Benediktsson fjármálaráðherra fékk 82 prósent atkvæða í fyrsta sætið í prófkjörinu, samkvæmt fyrstu tölum.
Bjarni, Jón og Bryndís efst samkvæmt fyrstu tölum
Kjörstöðum hefur nú verið lokað í prófkjöri Sjálfstæðisflokksins í Suðvesturkjördæmi. Bjarni Benediktsson, Jón Gunnarsson og Bryndís Haraldsdóttir skipa þrjú efstu sætin nú þegar tæpur þriðjungur atkvæða hefur verið talinn.
Kjarninn 12. júní 2021
Kári Árnason
Einkareknar forvarnir
Kjarninn 12. júní 2021
Meira úr sama flokkiInnlent
None