Krafa ÍAV um kyrrsetningu eigna 105 Miðborgar á borði sýslumanns

Deilur verktakafyrirtækis og fjárfestingarsjóðs um riftun verksamnings um byggingu húsa á Kirkjusandi eru nú komnar í þann farveg að verktakafyrirtækið hefur óskað kyrrsetningu eigna fjárfestingarsjóðsins sem heldur utan um húsbygginguna.

Teikning af nýbyggingununum á Kirkjusandi.
Teikning af nýbyggingununum á Kirkjusandi.
Auglýsing

Verktakafyrirtækið ÍAV hefur lagt fram kyrrsetningarkröfu til sýslumanns vegna deilunnar sem staðið hefur yfir um stendur um riftun verksamnings sem fyrirtækið var með um byggingu íbúðar- og skrifstofuhúsnæðis á uppbyggingarreit á Kirkjusandi.

ÍAV fer fram á kyrrsetningu eigna fjárfestingarsjóðsins 105 Miðborg slhf., sem er í stýringu Íslandssjóða, dótturfélags Íslandsbanka, en fjallað er um þetta í útboðslýsingu vegna hlutafjárútboðs Íslandsbanka..

Verktakafyrirtækið stefndi 105 Miðborg og Íslandssjóðum til greiðslu tæplega 3,9 milljarða króna snemma í maímánuði. 105 Miðborg lagði fram gagnstefnu í síðustu viku og fer fram á sömu upphæð úr hendi ÍAV. Einnig hefur félagið óskað eftir því við héraðsdóm að þau atriði í byggingununum sem ÍAV byggði og þarf að laga verði metin. Íslandssjóðir hafa komið því á framfæri að félagi telji sig ekki eiga að vera aðilar deilunnar fyrir dómstólum, enda snúist hún um verksamning á milli verktakafyrirtækisins og fjárfestingarsjóðsins.

Í frétt Morgunblaðsins í dag segir að kyrrsetningarkrafan frá ÍAV snúist um að tryggja að einhverjar eignir verði eftir félaginu í 105 Miðborg til þess að standa straum af mögulegum skaðabótagreiðslum þegar niðurstaðan í dómsmálinu liggur fyrir og sömuleiðis að fallist hafi verið á að taka kyrrsetningarbeiðnina fyrir.

105 Miðborg telur kröfu ÍAV illa ígrundaða

Í tölvupósti sem 105 Miðborg sendi á íbúa í nýbyggingunum á Kirkjusandi vegna þessara mála fyrir skemmstu kemur fram að sjóðurinn telji kyrrsetningarkröfu ÍAV bæði tilefnislausa og illa ígrundaða.

Einnig segir þar að ef krafan verði samþykkt komi það til með að hafa áhrif á getu félagsins til þess að halda áfram með lagfæringar á íbúðum sem nú standa yfir og aðrar lagfæringar sem eru fyrirliggjandi.

105 Miðborg rifti verksamningi við ÍAV þann 19. febrúar á þessu ári og réði aðra verktaka inn í staðinn. Ástæður fyrir riftuninni voru sagðar tafir á framkvæmdum og gallar í húsunum sem þá voru risin, sem ÍAV hefði neitað að laga nema gegn frekari greiðslu.

Þegar samningum var rift var búið að byggja tvö fjölbýlishús og steypa upp eitt skrifstofuhúsnæði.

Auglýsing

Í kjölfarið á því að riftun verksamningins rataði í fréttir í upphafi marsmánaðar sendi ÍAV frá sér yfirlýsingu, þar sem fyrirtækið sagðist ekki hafa fengið greitt vegna vinnu við verkið frá því í lok nóvember 2020 og því boðað stöðvun þess í janúarmánuði.

ÍAV sagði að þær ástæður sem nefndar hefðu verið fyrir riftuninni væru að mati fyrirtækisins fjarri því að vera lögmætar og að tjón ÍAV vegna aðgerða 105 Miðborgar og Íslandssjóða væri verulegt, bæði vegna verkkostnaðar sem ekki hefði fengist greiddur og orðsporsmissis.

Í yfirlýsingunni sagði sömuleiðis að ÍAV stæði í þeim skilningi að 105 Miðborg sem verkkaupi ætti að greiða fyrir hluta verksins sem voru utan samnings um byggingu húsanna þriggja á Kirkjusandi, en einnig að taka ætti tillit til utanaðkomandi þátta, einkum kórónuveirufaraldursins, við ákvörðun verktíma og viðbótarkostnaðar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Bjarni Benediktsson fjármálaráðherra fékk 82 prósent atkvæða í fyrsta sætið í prófkjörinu, samkvæmt fyrstu tölum.
Bjarni, Jón og Bryndís efst samkvæmt fyrstu tölum
Kjörstöðum hefur nú verið lokað í prófkjöri Sjálfstæðisflokksins í Suðvesturkjördæmi. Bjarni Benediktsson, Jón Gunnarsson og Bryndís Haraldsdóttir skipa þrjú efstu sætin nú þegar tæpur þriðjungur atkvæða hefur verið talinn.
Kjarninn 12. júní 2021
Kári Árnason
Einkareknar forvarnir
Kjarninn 12. júní 2021
AGS býst ekki við að jafnmargir muni ferðast á næstu árum og á árunum fyrir faraldurinn.
Segir hátt vægi ferðaþjónustu og stífa kjarasamningagerð vera áhyggjuefni
Alþjóðagjaldeyrissjóðurinn segir að aukinn sveigjanleiki á vinnumarkaði, til dæmis með því að láta laun fylgja framleiðniþróun í meira mæli, gæti komið í veg fyrir að faraldurinn valdi langtímaskaða í hagkerfinu.
Kjarninn 12. júní 2021
Jón Gnarr
Hugmyndin um Ísland og menn sem giftast náfrænkum sínum
Kjarninn 12. júní 2021
Tæknivarpið
Tæknivarpið
Tæknivarpið – Uppfærslur hjá Apple á öllum stýrikerfum
Kjarninn 12. júní 2021
Ekkert komið fram sem kalli á breytingu á stefnu um hágæða Borgarlínu
Framkvæmdastjóri Betri samgangna svaraði á dögunum erindi sem þrýstihópur sem vill ódýrari Borgarlínu sendi á ýmsa aðila í vor. Í umfjöllun Betri samgangna er meðal annars bent á að það væri dýrast fyrir samfélagið að verja langmestu fé í stofnvegi.
Kjarninn 12. júní 2021
Stefán Ólafsson
Lágtekjuvandi lífeyrisþega
Kjarninn 12. júní 2021
Mona Lisa frímerkjaheimsins og frægasta frímerki Bandaríkjanna saman á uppboði
Á dögunum var mesta fágæti frímerkjaheimsins boðið upp, 165 ára gamalt einstakt frímerki frá Bresku Gvæjana sem seldist á milljarð króna. Á uppboðinu mátti einnig finna þekktasta prentgalla bandarískrar frímerkjasögu – flugvélina Jenny á hvolfi.
Kjarninn 12. júní 2021
Meira úr sama flokkiInnlent