Hildur Sól­veig Sig­urð­ars­dótt­ir, odd­viti Sjálf­stæð­is­flokks í bæj­ar­stjórn Vest­manna­eyja, hvetur stjórn­völd til þess að stíga „var­lega og ígrundað til jarð­ar“ varð­andi frelsis­tak­mark­anir þegna lands­ins, því þær séu ákveðin ógn í sjálfu sér.

Bæj­ar­full­trú­inn líkir aflétt­ingum sótt­varna­ráð­staf­ana og tak­mörk­unum á víxl við pynt­ingar á stríðs­föng­um, í grein sem hún ritar á Vísi í dag, undir fyr­ir­sögn­inni „Þjóð­há­tíð er menn­ing­ar­arfur og stolt Vest­manna­ey­inga“.

Þar gagn­rýnir Hildur Sól­veig umræðu um Þjóð­há­tíð Vest­manna­eyja, sem stefnt er að því að halda um Versl­un­ar­manna­helg­ina. Hún segir í grein­inni að við hvert ár sem hátíðin sé lögð niður verði erf­ið­ara að við­halda þeirri hefð að halda hana og minnir á að um helstu fjár­öflun ÍBV íþrótta­fé­lags sé að ræða.

Örlög Þjóð­há­tíðar í hendi stjórn­valda

Eins og fram hefur komið í dag ætlar Þórólfur Guðna­son sótt­varna­læknir að senda minn­is­blað með til­lögum að hertum aðgerðum inn­an­lands til stjórn­valda í dag og mun rík­is­stjórnin funda um þær á morg­un. Skiptar skoð­anir hafa verið settar fram víða í dag um það hvort þörf sé á því að herða tak­mark­anir í sam­fé­lag­inu með ein­hverjum hætti, í ljósi útbreiddrar bólu­setn­ingar á Íslandi.

Odd­vita sjálf­stæð­is­manna í Vest­manna­eyjum virð­ist hreint ekki lít­ast á að hart verði stigið til jarð­ar, enda myndi slíkt stefna Þjóð­há­tíð í Eyjum í upp­nám.

Hildur grípur til lík­inga­máls til þess að færa rök fyrir skað­legum áhrifum þess að grípa aftur til íþyngj­andi tak­mark­ana í sam­fé­lag­inu.

„Sótt­varn­ar­tak­mark­anir og aflétt­ingar á víxl líkj­ast að vissu leyti ákveðnum pynt­ing­ar­að­ferðum sem nýttar hafa verið gegn stríðs­föngum þar sem súr­efni til fang­ans er tak­markað þar til hann getur vart meir en fær svo að anda, fær von um líf (og tæki­færi til að leysa frá skjóð­unn­i), loks þegar ljósið við enda gang­anna er gefið er það svo jafn­harðan slökkt aftur og vonin hverf­ur. Slíkar aðgerð­ir, að veita fólki frelsi bara til að taka það aftur jafn­harðan hljóta að taka sinn toll af almenn­ingi sem heil­brigð­is­kerfið verður eflaust í langan tíma að vinna úr,“ skrifar Hildur Sól­veig í grein sinni á Vísi.

Kallar eftir hóf­semi

Þar minnir hún einnig á að rúm­lega 85 pró­sent þeirra sem eru 16 ára og eldri á Íslandi hafa verið full­bólu­sett og segir að bólu­setn­ing­arnar dragi veru­lega úr dán­ar­tíðni vegna COVID-19. Tak­mark­anir þurfi fyrst og fremst að taka mið af stöðu og afkasta­getu heil­brigð­is­þjón­ust­unn­ar.

Í nið­ur­lagi grein­ar­innar kallar bæj­ar­full­trú­inn eftir „hóf­semi í umræðu og ákvörð­un­um“, bæði um Þjóð­há­tíð og sótt­varna­ráð­staf­an­ir.