Í skoðun er að ráða erlenda hjúkr­un­ar­fræð­inga til starfa á Íslandi, komi til upp­sagna allra þeirra hjúkr­un­ar­fræð­inga sem sagt hafa upp störf­um. Krist­ján Þór Júl­í­us­son heil­brigð­is­ráð­herra stað­festi þetta í kvöld­fréttum RÚV. Hann sagði erlenda hjúkr­un­ar­fræð­inga einn af kost­unum sem eru í skoð­un, skoða þurfi alla mögu­leika.

Eins og greint hefur verið frá í dag kol­felldu hjúkr­un­ar­fræð­ingar nýgerðan kjara­samn­ing með 88,4 pró­sent­um. Ólafur G. Skúla­son, for­maður Félags íslenskra hjúkr­un­ar­fræð­inga, sagði í sam­tali við Kjarn­ann í dag að vilji félags­ins sé að setj­ast aftur að samn­inga­borð­inu. Bjarni Bene­dikts­son fjár­mála­ráð­herra segir það hins vegar ekki kost í stöð­unni. Nú muni gerð­ar­dómur ákveði kjör þeirra.

Í gær var greint frá því að yfir 300 hafa sagt upp störfum á Land­spít­al­an­um. Bjarni sagði við RÚV að vissu­lega væru yfir­vof­andi upp­sagnir áhyggju­efni en að ef þær tækju gildi yrði að aug­lýsa stöð­urnar og manna þær. Krist­ján stað­festi svo sem fyrr segir að mögu­lega verði leitað út fyrir land­stein­anna, þótt hann von­að­ist til þess að úr leyst­ist og ekki kæmi til þess.

Sig­ríður Ingi­björg Inga­dótt­ir, for­maður vel­ferð­ar­nefndar Alþing­is, hefur óskað eftir því að Krist­ján Þór Júl­í­us­son heil­brigð­is­ráð­herra, Birgir Jak­obs­son land­læknir og Páll Matth­í­as­son for­stjóri Land­spít­al­ans, verði boð­aðir á fund vel­ferð­ar­nefndar vegna stöð­unnar til að greina frá „áætl­unum og við­brögðum stjórn­valda til að koma í veg fyrir enn frek­ari áföll og skaða í heil­brigð­is­kerf­in­u,“ að því er hún segir á Face­book-­síðu sinni.