Liz Truss hefur sagt af sér emb­ætti sem for­sæt­is­ráð­herra Bret­lands og sem for­maður Íhalds­flokks­ins.

Truss greindi frá afsögn sinni á blaða­manna­fundi fyrir utan Down­ingstræti 10 rétt eftir hádegi. Í yfir­lýs­ingu sinni sagð­ist hún ekki hafa getað starfað eftir því umboði sem flokks­menn Íhalds­flokks­ins veittu henni í haust. Hún hefur til­kynnt Karli þriðja kon­ungi um afsögn sína.

Dag­arnir 45 sem Truss hefur verið í emb­ætti hafa verið storma­sam­ir. Umdeildar efna­hags­að­gerð­ir, kynntar af Kwasi Kwar­teng fjár­mála­ráð­herra, sem fólust í skatta­lækk­unum sem fjár­magna átti með lánum féllu í grýttan jarð­veg, bæði hjá almenn­ingi og mark­aðn­um, og svo fór að Kwar­teng var lát­inn víkja og Jer­emy Hunt, fyrr­ver­andi heil­birgð­is- og utan­rík­isáð­herra, tók við sem fjár­mála­ráð­herra.

Ekki úti­lokað að Boris John­son snúi aftur

Boðað verður til atkvæða­greiðslu um kjör nýs for­manns Íhalds­flokks­ins innan viku og mun Truss starfa áfram sem for­sæt­is­ráð­herra þangað til. Hunt hefur þegar greint frá því að hann ætli ekki að sækj­ast eftir því verða næsti leið­togi Íhalds­flokks­ins og þar með for­sæt­is­ráð­herra.

Graham Brady, for­maður 1922-­nefndar Íhalds­flokks­ins, sem sér um helstu for­yst­u­­­­­mál Íhalds­­­­­­­­­flokks­ins, segir í sam­tali við BBC að búast megi við að ljóst verði hver muni taka við af Truss sem leið­togi Íhalds­flokks­ins á föstu­dag­inn í næstu viku.

For­veri Truss í emb­ætti, Boris John­son, sem sagði af sér í sumar eftir röð hneyksl­is­mála, gæti sóst eftir því að snúa aftur sem leið­togi Íhalds­flokks­ins. Bæði Times og Daily Tel­egraph segj­ast hafa heim­ildir fyrir því að John­son sýni því áhuga. Times segir að John­son telji það, að hann snúi aftur sem for­sæt­is­ráð­herra, snú­ast um hags­muni þjóð­ar­inn­ar. Ekki liggur fyrir hvernig leið­toga­kjör­inu verður nákvæm­lega hátt­að. Þá gæti það skipt máli að John­son sætir enn rann­sóknar vegna Par­tyga­te-hneyksl­is­ins svo­kall­aða. Rann­­sókn­­ar­­nefnd á vegum breska þings­ins rann­sakar enn hvort John­­­son hafi vís­vit­andi afvega­­­leitt þing­­­menn í umræðum um sam­­­kvæmi sem haflin voru á tímum strangra sótt­­­varna­reglna.

Var stað­ráðin í að gef­ast ekki upp

Truss er þriðja konan sem gegnir emb­ætti for­­sæt­is­ráð­herra í sögu Bret­lands. Hún hafði betur gegn Rishi Sunak í leið­­toga­­kjöri flokks­ins í sept­em­ber. Í þakk­ar­ræðu sinni sem hún flutti þegar hún náði kjöri sagði hún það mik­inn heiður að vera kjör­inn leið­­togi Íhalds­­­flokks­ins.

Átta sótt­­ust eftir að leiða flokk­inn eftir að Boris John­­son sagði af sér í byrjun júlí. Eftir nokkrar lotur atkvæða­greiðsla stóð valið á milli Truss og Sunak. Fyr­ir­fram var búist við sigri Truss, sem þótti þó ekki lík­­­legur sig­­ur­­veg­­ari þegar kosn­­inga­bar­áttan hófst í sum­ar. Sunak þykir lík­legur til að sækj­ast eftir því að leiða flokk­inn nú þegar Truss hefur sagt af sér.

Elísa­bet Eng­lands­drott­ing skip­aði Truss í emb­ætti 6. sept­em­ber og var það meðal hennar síð­ustu opin­beru emb­ætt­is­verka áður en hún féll frá tveimur dögum seinna. Ljóst var að Truss átti vanda­­samt hlut­verk fyrir höndum og héldu stjórn­­­mála­­skýrendur því fram að nýr for­­sæt­is­ráð­herra hafi ekki tekið við á jafn erf­iðum tímum síðan Marg­­aret Thatcher varð for­­sæt­is­ráð­herra árið 1979.

Í óund­ir­búnum fyr­ir­spurn­ar­tíma á breska þing­inu í gær sagð­ist Truss ætla að halda ótrauð áfram þrátt fyrir þá miklu gagn­rýni sem hún hefur sætt. „Ég er bar­áttu­kona og ég gefst ekki upp. Allt sem ég hef gert er með það að leið­ar­ljósi að styrkja efna­hags­líf­ið,“ sagði Truss. Í dag var hljóðið ann­að, þegar Truss, til­kynnti afsögn sína.