Miðflokkurinn við það að detta út af þingi samkvæmt nýrri könnun

Tvö stjórnarmynstur eru í kortunum samkvæmt nýrri könnun: áframhaldandi samstarf þeirra flokka sem nú mynda ríkisstjórn eða samstarf þeirra flokka sem ráða ríkjum í Reykjavíkurborg.

Það blæs ekki byrlega hjá flokki Sigmundar Davíðs Gunnlaugssonar þessa daganna.
Það blæs ekki byrlega hjá flokki Sigmundar Davíðs Gunnlaugssonar þessa daganna.
Auglýsing

Miðflokkurinn er við það að detta af þingi samkvæmt nýrri könnun á fylgi flokka sem Maskína gerði fyrir fréttastofu Stöðvar 2, Bylgjunnar og Vísis. Þar mælist fylgi Miðflokksins einungis fimm prósent, en hann fékk 10,9 prósent atkvæða í kosningunum 2017. 

Til að fá jöfnunarmönnum úthlutað þarf að ná fimm prósent kjörfylgi á landsvísu og því má fylgi Miðflokksins ekkert dala til viðbótar til að það verði staðan.

Sjálfstæðisflokkurinn mælist stærsti flokkur landsins í könnuninni með 23,8 prósent stuðning. Vinstri græn bæta við sig á milli kannana Maskínu og mælast nú með 15 prósent fylgi. Framsóknarflokkurinn er á svipuðum stað og hann hefur verið í undanförnum könnunum fyrirtækisins og mælist með 11,4 prósent fylgi. Hann er eini stjórnarflokkurinn sem mælist nú með meira fylgi en hann fékk í síðustu kosningum. 

Auglýsing
Samanlagt mælast stjórnarflokkarnir með 50,2 prósent fylgi sem myndi duga til að halda stjórnarsamstarfinu áfram ef áhugi er fyrir því.

Væri mögulegt að mynda Reykjavíkurstjórn

Samfylkingin virðist ekkert vera að hressast eftir skarpa dýfu í könnunum á fyrri hluta ársins og mælist nú með 12,4 prósent fylgi, sem er nánast sama fylgi og flokkurinn mældist með í maí og sem hann fékk í kosningunum 2017.

Viðreisn mælist næstum jafn stór og Samfylkingin með 12,3 prósent fylgi og Píratar eru ekki langt undan með 11,6 prósent fylgi, en tveir síðarnefndu flokkarnir hafa útilokað stjórnarsamstarf við Sjálfstæðisflokkinn.

Samanlagt fylgi þessara þriggja flokka er nú 36,3 prósent sem þýðir að þeir gætu myndað ríkisstjórn með Vinstri grænum að óbreyttu eftir sama mynstri og ríkir í Reykjavíkurborg með 51,3 prósent atkvæða á bakvið sig. 

Tveir flokkar næðu ekki manni inn

Flokkur fólksins, minnsti flokkurinn á þingi eins og er, mælist ekki með mann inni samkvæmt könnun Maskínu. Alls segjast 4,2 prósent kjósenda ætla að kjósa flokkinn.

Auglýsing

Sósíalistaflokkurinn mælist á svipuðum slóðum, með 4,3 prósent fylgi, en hann býður nú fram til þings í fyrsta sinn. 

Haldi fylgishrun Miðflokksins áfram með sama hætti og könnun Maskínu bendir til þá gæti sú staða komið upp að flokkunum sem eiga sæti á Alþingi fækkaði úr átta í sex. 

Næsti þingkosningar fara fram 25. september næstkomandi. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svona mun Sigurboginn líta út fram til 3. október
Sigurboginn klæddur í 25 þúsund fermetra plastklæði
Fyrsta stóra verkefni Christo og Jeanne-Claude hefur litið dagsins ljós eftir andlát Christo. Það hefur verið lengi í undirbúningi en um þúsund manns koma að uppsetningunni og kostnaður nemur rúmum tveimur milljörðum króna.
Kjarninn 18. september 2021
Ragnar Þór Ingólfsson
Land tækifæranna, fyrir útvalda!
Kjarninn 18. september 2021
Líkurnar á að ríkisstjórn Katrínar Jakobsdóttur haldi velli komnar niður í 38 prósent
Í lok ágúst voru líkurnar á því að sitjandi ríkisstjórn myndi halda 60 prósent. Þær hafa minnkað hratt en á sama tíma hafa líkurnar á myndun fjögurra flokka stjórnar án Sjálfstæðisflokks aukist umtalsvert.
Kjarninn 18. september 2021
Sólveig Anna Jónsdóttir
Sjálfsvirðing
Kjarninn 18. september 2021
Bára Huld Beck
Trúir einhver þessari konu?
Kjarninn 18. september 2021
Stefán Ólafsson
Rangfærslur Áslaugar Örnu um skatta
Kjarninn 18. september 2021
Utanríkisráðuneytið afturkallaði einungis eitt liprunarbréf af öllum þeim sem gefin voru út eftir að faraldur COVID-19 skall á.
Einungis eitt liprunarbréf afturkallað af fleiri en tvö þúsund slíkum
Liprunarbréfið sem Jakob Frímann Magnússon óskaði eftir fyrir barn vinar síns í mars í fyrra er það eina sem utanríkisráðuneytið hefur þurft að afturkalla af fleiri en tvö þúsund slíkum sem gefin voru út eftir að faraldur COVID-19 hófst.
Kjarninn 18. september 2021
Steinar Frímannsson
Óvissuferð án fyrirheits – Umhverfisstefna Framsóknarflokks
Kjarninn 17. september 2021
Meira úr sama flokkiInnlent