Sex­tíu pró­sent hjúkr­un­ar­fræð­inga á gjör­gæslu­deild­inni á Land­spít­al­anum í Foss­vogi hafa sagt upp störf­um. Ef upp­sagn­irnar ganga eftir verður deildin meðal þeirra deilda spít­al­ans sem verða óstarf­hæf­ar. Kristín Gunn­ars­dótt­ir, deild­ar­stjóri gjör­gæsl­unn­ar, segir að hún sjái ekki annað fyrir sér en að deild­inni verði lok­að. Þetta segir hún í Morg­un­blað­inu í morg­un.

Kristín bendir á að tveggja ára sér­nám þurfi til að starfa á gjör­gæsl­unni, að ótöldum aðlög­un­ar­tíma, og engin leið sé til að manna þær stöður á stuttum tíma. Eins og greint var frá í gær leita heil­brigð­is­yf­ir­völd nú leiða til þess að bregð­ast við yfir­vof­andi upp­sögn­um. Krist­ján Þór Júl­í­us­son heil­brigð­is­ráð­herra segir einn kost­anna sem verði skoð­aðir að ráða erlenda hjúkr­un­ar­fræð­inga til starfa á spít­al­ann.

Hjúkr­un­ar­fræð­ingar höfn­uðu sem kunn­ugt er kjara­samn­ingi sem gerður var í júní, en nið­ur­staðan varð ljós í gær. Hjúkr­un­ar­fræð­ingar vilja setj­ast aftur að samn­inga­borð­inu en stjórn­völd segja það ekki mögu­leika, nú muni gerð­ar­dómur ákveða fram­hald­ið. Því hyggj­ast hjúkr­un­ar­fræð­ingar ekki una og ætla með málið fyrir dóm­stóla.